الامزوني محيرني

[dreamer1988]

السلام عليكم .. عندي بلوفرونتد عمرهـ 8 شهور عندي من شهرين كان خواف جداً و اذا قربت منه يرمي نفسه في القفص و يسوي انه ميت على العموم سيبته يتعود على البيت فترة دحين يطلع على يدي و كتفي ياكل من يدي تقوله هات بوسة يعيطك المشكلة الي قهرتني انه ماشاء الله عليه حركي في القفص و اذا القفص مفتوح يطلع يلفلف في البيت و يلعب و يطلع صوت الفروخ هذا كله يسويه اذا انا بره البيت او في غرفة تانية او نايم من يوم اكون جمبة يتحول الى تمثال لا يتحرك و اذا كان برى القفص يختبئ تحت كنبة و لا ورا دولاب او يجري على القفص :(
المشكلة الثانية
لما احاول امسح عليه يا يهرب يا يخليني امسح عليه بس يكون راخ راسه و يعض على الطاولة او الاستاند و اذا كان على يدي يعض على ملابسي يعني تحس مو متطمن و مرتاح و ما يرضى يخليني امسح بيدي اليسار يعض عليها خفيف او يتطلع جعره صغيرة
المشكلة الاخيرة
انه مايطلع من القفص الا اذا دخلت يدي في القفص و قلتله تعال اول مرة اسويها في اليوم يرفع رجلي و هي ترجف و يا يطلع يا يشرد و تاني مرة يكون تردده اقل الين بعد ثلاث او اربع مرات يطلع بسرعة بس اجي تاني يوم و نرجع لنفس الموال
و آسف على الاطالة و يريت تفيدوني و اذا احد ما يعرف يكتبة انه ما يعرف عشان اعرف انه الموضوع في ناس معطيته و جه و قريته و سلامتكم و بغبغائتكم

[طلع لي قرون]

الله يحفظ لك طيرك ..



الطير يبي له وقت حتى يروح الخوف الي فيه ..

وهالشي بيدك ..

ادخل على المواضيع المثبته ..

او بالصفحات .. وراح تلاقي مواضيع تفيدك ..

[ابو محمــد]

المسألة تحتاج وقت وفي خلال شهرين اشوف تطورات جميلة ورائعة

بالتوفيق.

[خالد84]

السلام عليكم

اخوي الله يبارك لك في حلالك وماشاالله احسنت الاختيار وهو بلو فرنتد المرح العوب خفيف الدم ,,, بالنسبه للي عندي والي كانو عندي كلهم بلوفرنتد بالنسبه لي اعشق البلوفرنتد اخوي طالما اخذ عليك خلك معاه كل يوم ساعه كامله بس له واتخذ معاه اسلوب التشويق يعني شوف شنو يحب من اكل واحرمه منه لفتره يومين وبعدها كلمه من بره القفص ( تعال تعال ) ليما تحس قدم خطوه عطه من الاكل الي يحبه بقدر قليل كي ياكلها بسرعه ويضل منتبه معاك وجذي عبرة الخطوه الاولي لكسب ثقة البلوفرنتد ثاني يوم سوي نفس الطريقه بتشوفه يركض لك بس لا تعطي الا لما تعلمه الطريقه الثانيه الي هي تفتح باب القفص وبدون لا دخل ايدك داخل بس وره الاكل الي يحبه بره القفص يعني بمسافه تكون قريب بس كمان مو مسكر عليه راح يفكر مره وثنين وراح يطلع بره وعطه الاكل الي يحبه وكرر نفس الطريقه بكل حركه تبي اتسويها مع الطير بشرط يكون اتقن الحركه الي قبلها وعلى فكره كسب ثقة البلوفرنتد بسيطه جدا جدا ما طول معاك اسبوع من واقع خبره فيهم وحط في بالك نفس ماهو سهل ولكن عنيد يعني لا تتعاند معاه او تسوي شي غصب عنه وقبل كل درس تشيل عنه الاكل لمدة 4 ساعات او 3 على حسب حالة الطير واسف للاطاله واي ستفسار حاضر واذا عندك برنامج الوتس اب بالايفون ظيفني عندك اعلمك عملي فيديو وراح تشوف كيف اعامل البلوفرنتد الي عندي بالتدريب هذا رقمي 0096566119153