اخواني مشكلتي عويصة مع الافريقي عبادي

[M6N652]

السلام عليكم ورحمة الله وبركاته كيف حالكم اخواني

اخواني انا عندي ببغاء افريقي كاسكو جامبو تقريبا 7 شهور الى سنه

الطير خوااف جدا ويجعر لاكن الحين خف الجعير

ياكل من يدي ومن فمي

لاكن مايررضى ابد يرقى على يدي او مايرضى المس على راسه ابد

جربت طرق كثيييرة في اليوتيوب منها العصا ومنها الفوطة ومنها المراية ومنها اشياء ثانيه

لاكن مو راضي امسح على راسة اخر مرة مسحت على راسه قطع جلدي ونزفت

الببغاء ماله اي تصفير او طقطقه او اي شيء مرة فقط صفر وغرد لمدة دقيقتين وانا دايم اشغل له مقاطع تغاريد لمن يغرد ابدا عاد اعوده عالكلام لاكنه عنيد جدا جدا

مع العلم انه له شهرين عندي وبغرفتي وماطلعته ولا مرة الا مرتين او ثلاث

مره نزلته للسور للحديقة انهبل قام يلعب ويصفر لاكن عجزت امسكه لانه يعض ويجعر فاستخدمت الفوطة عشان امسكة وبعدها بطلت انزله

ابي تكفون حل له

هو كان يعض لاكن الحين استخدمت العسل والحبوب عالاصبع وصار مايعض لاكن احيانا يعض

وماياكل الا حب شمسي وقرع وفول سوداني

الي عنده حل او يقدر يروضه لي بالخرج اكون شاكر له

[M6N652]

نسيت اقولكم انا حاطه على استاند

[بصمات الزمن]

نفس مشكلتي مع الكاسكو مون الله يعين

[بحر الكلام]

ياغالي انا عندي كاسيكو جامبوا نفسك اذكر شريته والله وعمره 7 شهور والله جلست 6 شهور اروض فيه ونفس طريقتك يجعر ويخاف الحين صار هو الي يدورني ويجيني امس علي راسه لازم تمسك الببغاء وتتحمل عضه مره مرتين لين يتروض معك هذي افضل طريقه

[صامد رغم الأنهيار]

السلام عليكم

اخوي اهم شي الصبر الصبر الصبر

المنتدى هذا مفيد والاخوان الي فيه ماقصروا والله الله يجزاهم خير

انا كنت نفس حالتك بس
اول شي لازم تحسس الطير بالامان
تنظف عنه يوميا تغير الماء والاكل يوميا
وامم افضل انك تحطه بقفص زي الي عندي كان عنيد وعضته شوي جامده
الطير له عندي يمكن 6 شهور توه قبل شهرين بدا يبغبغ ويقول كلام ماني فاهمه بس احس فيه لما يانديني قاعد لي شهرين ادربه على كلمة بابا وتفاجات اليوم وانا طالع اقوله بابا حبيبي طالع فيني وقال ميو ميو
اهم شي الصبر ويفضل القفص حاول تتقرب له تدريجيا حك منقاره بالبدايه حتى يطمن بعدين شوي شوي وحك خدوده وربي بعدها خلص من يوم تقرب يطيك خده يعني حكني
اهم شي شوف وش يحي فواكه طيري اكتشفت انه مجنوون رمان صرت من بعيد يشوفني خلاص يجيني والله بدون ماناديه

اعتبر الطير ولدك ودلله بالبيت وصدقني بتشوف نتاج تستغرب منها

اهم شي لو عضك لاتبين انها عورتك اخينا بالله بيمسكها عليك بس حاول تضحك له وقوله عيب عيب بابا وربي يفهمونك ترا اهم شي لو عضك لاتصيح عليه ولا تسبه وربي يحقد ويحس انك تتوعده

ربي يوفقك ويخلي لك طيرك وطمنا بالله اول باول

[Homey]

بقولك شغله انا عندي نفس اللي عندك واكبر منه عمره 11 شهر وسوبر جامبو ما شا الله وافريقي متوحش متكلم ما يجعر بس كان يعض عض والله من كثر ما اروض فيه عضعض يديني اكثر من 20 جرح في يديني وبعضها تنزف اذا تبي تروض تحمل ما يجيك واصبر ولا استخدم القفازات واكثرهم ما يرغب هالطريقه لأنه راح يتعود عليها اكثر من يدك ولا تستعجل انا جلست اكثر من شهرين في ترويض وحتى الان ما بلغت اللي ابي واسف على الاطاله
حطه في قفص ونزله للحديقه وهو داخل القفص راح تمسع العجب

[سمؤ إنسأنـ]

شف اخوي انا عندي طريقه كانت اسويه مع الكاسكو شف دخل يدك وخله دخل ويدك الثانيه خله براء تلهيه وحط يدك على راسه وحك له والله تشوفه ينبسط وكرره له وره يتطمن لك ويخليك تحك على طول

[M6N652]

كل الي قلتوه مجربه :) لاكن عنييييييد جدا جدا

ومابي اخليه يعضني كل شوي

[بغبغاء رمادي]

أنا استخدمت المراية الحين امسح عليه وهو على استاند بدون مايقاوم بس لسه يخاف مني يحاول ينحاش بس مايعض أو تزيد شراسته الا إذا صار على القفص

[M6N652]

ببغاء رمادي انا جربت المراية اول يومين نفعت بعدها عرف ان الموضوع لعبة وصار يعض



ابششششششششششششششركم غرد اليوم وقبل شوي بعد ماحطيت له الاكل انهبل كنت مجوعه واكله كل ماشفته 10 حبات او اقل والحين حطيت له كثير تفاجات يصارخ ارتعت واجي من عنده ويغرد بوجهي ويطقطق وبعدها سكت

[كيف نعيش بلا فرونتد]

بعه وخذ فرونتد وبس

ترتاااااااااااااااااااااااااح