مشكلة جديدة بالبولبايثن .. خآيف أخسرها :(

[>>>كل الغلا<<<]

طبعا أمس جبت لها هامستر .. بعد ماصامت شهر ونص تقريبا ..
وجايب لها كيج جديد ودرجة حرارة مناسبة ورطوبة مناسبة ..

وحطيت لها الهامستر والظاهر انها اكلته .. بس المشكلة انو بعد ما اكلته بكذا شي ساعة .. حطيتها بالكيج .. ولقيت ان صوت التنفس عندها كانه قوي .. يعني كأن عندها ضيق .. أيضا لاحظت انه تحت راسها فيه شيء ينتفخ مع التنفس .. مثل البلونة الصغيرة برقبتها من تحت الراس بشووي تقريبا .. فـ حسيتها بتموت .. رحت وسبحتها .. بعد دقيقة تثاوبت .. وراح صوت التنفس الغريب اللي قبل ..

بس اللي للحين ماراح هو هذا الانتفاخ اللي يصير تحت راسها أو بالأحرى بداية رقبتها ..

تكفووون قولوا لي وش السالفة :S ...



الشيء الثاني .. انا لقيت راسها منقشع منه جزء كبير من الجلد .. طبعا ما الومها لان شبكها القديم قبل لا اجيب لها الكيج هذا .. مررررة زفت ومرة الرطوبة معدوومة جفآآآآف خاصة مع الحرارة بالغرفة .. فـ صرت احط عليه (اللي هو الجرح او الانقشاع ) شوووي فازلين .. هل فيه خطر عليها أو لا .. أبي رأيكم لاهنتوا ..!!

[jassim99]

اخوي ثعبانك يعاني من التهاب في الجهاز التنفسي

في هذي الفتره قلل الرطوبه ونظف فمها 3 مرات باليوم بعود الاذن

وشمسها 10 دقائق كل يوم مع مراعاة درجه الحراره

و لاتوكلها الى ان تتشافا 100٪

الله يعينك و يوفقك

[خالد414]

مثل ما قال الاخ جاسم ان ثعبانك يعاني من التهاب بالتفس والسبب من درجه الحراره المنخفضه

نصيحتي طبق ماقال لك + قبل تنظيف فمها اضغط رأسها من الاسفل كي تخرج الماده اللزجه

وانصحك ايضا بتسبيحها بماء دافئ لكن مع مراعات ان لايكون بمكان بارد ((اذا كان المكان بارد سيزيد المرض)) .

يفضل وضع الماء الدافئ داخل الحوض لكي لا يصله هواء .

[jassim99]

نسيت اقولك انت بتوقف الاكل لكن لا توقف الماء

و ابيك تحط دواء مع الماء اسمه tetracycline تيترا سايكلين هذا مضاد حيوي

يكون على شكل كبسوله

افتح الكبسوله و حط البودر الي داخلها مع 600 ملي من الماء يعني اكثر من نص لتر بشوي عشان تخفف الدواء لان لو حطيته مركز بيسببلك مشاكل ثانيه وترجيع الماده الصفراء الي بالدواء

و بدل الماي مرتين باليوم لازم يكون على طول الماء نظيف

اذا ماكانت حالة اصلتك متقدمه تاخذلها اسبوعين بالكثير على ماتتشافى و الشفاء بيد الله سبحانه وتعالى

الله يوفقك

[>>>كل الغلا<<<]

على رآسي فديتكم .. إن شاء الله ,, بس انا يوم نظفت فمها اليوم .. لاحظت انه فيه فتحتين ,, وحدة حقت حلقها ماغيرها ,,ووحدة مدري وشي .. مدري هي للسان أو للتنفس ..

وبالنسبة للدواء بكرا ان شاء الله اشتريه ,, واحط لها .. بس هي ما قد شفتها تشرب الا بعد ماتاكل , :S ..

تتوقعون انها تشرب وأنا ما أدري .؟؟

الموووهم حبايبي ابشروا ان شاء الله .. الله يعطيكم العافية اخواني .. أدري والله تعبتكم معآي :(

[|| PyTHoN ||]

تشرب لا تحاتي و ممكن بإبره " مو الحاده "
العاديه لليهال وقت الدوا الشراب ، اشفط شوي
من الماي + الدوا و رشه بحلجها [ مو تدخل لي داخل ]

و الباقي ما قصرو فيه الأخوان ..

[>>>كل الغلا<<<]

إي والله ماقصروا ولا قصرت انت بعد .. فديتكم والله لا يحيجكم لاحد ان شاء الله ..

شريت التيتراسايكلين بس لقيت اسمه كلورتيتراسايكلين ..
كبسولات زرقآء صغآر ..

هي هذي ولا كبسولات تجي اكبر .. لانه جآسم قال لي انه احطها مع 600 مل مآء .. يعني قآرورة مويا الصحة ..

؟

وابشركم البواء عطيتها اليوم هامستر صغير والحمد لله اكلته .. مع ان الهامستر مو صغير مرة :P ..

وشكراً .. :*

[|| PyTHoN ||]

؟

اخوي روح صيدليه بيطريه هو يستخدم للطيور ، تلقى منه بودر
لونه اصفر او ممكن كبسوله مثل ما قال جاسم
البودر تحط نص قشفة شاي الصغيره حق بطل ماي العادي بو 600 ملي

و بالنسبه للي خذيته انا ما اعرفه فبخلي الاخوان يشوفون لو عارفينه او لا

.
.

[>>>كل الغلا<<<]

تم..
جبته لها ..هو نفسه وابشرك الامور للأحسن إن شاء الله ..