مساعدة بخصوص الروك بايثون))))

[COUGAR]

السلام عليكم ورحمة الله وبركاته


انا عندي اصلة الصخور الافريقية ولها عندي شهرين ونص اول ما اشتريتها

كان طولها 65 سم , وطولها الان 90 سم تقريبا وغيرت جلدها مرة واحدة والان هي في فترة تغيير الجلد

الثاني , المهم انا اول ما جبتها لاحظت صوت وهي تتنفس وهذي المشكلة عندها الى الان!!!!

وصراحة انا خايف يكون عندها مشكلة في الجهاز التنفسي , مع ان صحتها ممتازة وحركتها طبيعية

ياليت لو احد يقدر يقول لي ايش عندها و يفيدني بشيء اسويه لها

لاني خايف تتطور المشكلة ويصعب حلها....وشكرا

[ahmadsos]

تاكل طبيعي؟
درجه الحراره؟
في فقاقيع تطلع من الفم او الانف؟

[COUGAR]

اكلها طبيعي وانا اعطيها فار او هامستر كل 6 ايام

ودرجة الحرارة 27 تقريبا , وما في اي فقاقيع تخرج من الفم او الانف

لكن احيانا يخرج من فمها شيء لزج لكنه قليل و ما الاحظه بسهولة

[ahmadsos]

اذن اعندها التهاب شعب قلل الرطوبه ونظف فمها 3 مرات باليوم بعود الاذن

وشمسها 10 دقائق كل يوم مع مراعاة درجه الحراره

و لاتوكلها الى ان تتشافا 100٪
ابيك تحط دواء مع الماء اسمه tetracycline تيترا سايكلين هذا مضاد حيوي

يكون على شكل كبسوله

افتح الكبسوله و حط البودر الي داخلها مع 600 ملي من الماء يعني اكثر من نص لتر بشوي عشان تخفف الدواء لان لو حطيته

[|| PyTHoN ||]

العلاج خله 3 ايام دام انك منت شايف فيها شي
الحراره خلها 29 و الرطوبه خففها حيل
و شوف شيصير معاك

[jassim99]

جوابك موجود بهذا الرابط

http://www.2zoo.com/vb/showthread.php?t=251093

و نفس ماقالك مشرفنا بايثون 3 ايام بيكون كافي لان الحاله الي معاك مو متطوره

[COUGAR]

مشكورين حبايبي انا بسوي اللي قلتولي وبشوف ايش يصير

لكن بالنسبة لتنظيف فمها بعود الاذن مافي طريقة معينة لانها ماتخليني امسك راسها ابدا

واذا مسكتها تعضني وتتحرك بسرعة وما اقدر اسيطر عليها لاني لو مسكتها بقوة اخاف تتاذى

يعني لو فيه طريقة تخليني اقدر انظف لها ياليت تقولونها,,,,,,, وشكرا مرة ثانية

[jassim99]

اخوي لا تمسكها عاخفيف ولا تمسكها بقوه

امسكها باحكام

خلك جالس على كرسي و امسك راسها من خلف عيونها = عند مفاصل فكها....

و جسمها خله بين ركبك و تسكر على جسمها باحكام عشان متالف على يدك وتظايقك

و جيب عود تنظيف الاذن و دخله بفمها و نظف و امسح بأتجاه داخل الفم لان بالاتجاه خارج الفم راح يعلق قطن بأسنانها و تعال طلع القطن و تدخل بموال ثاني

و نظف كل فمها حتى بالوسط

موفق :)

[COUGAR]

مشكورييين . . وما قصرتوا . . والله يعطيكم العافية

انا بجيب لها الدواء وبحاول معها الى ان تتعافى باذن الله. . . . ^^

[jassim99]

العفو ولو

بس طمننا عليها