ايميلي .. وازعاجها..

[MoOoOoOn]

السلام عليكم ورحمة الله وبركاته ..

ايميلي الله يطول بعمركم .. اقلقتني وربي .. المشكلة الله يستر شكلها قربت توولد .. وتدور على اماكن .. وكل مره يعجبها مكان وربي اجهزه لها .. واسوي لها كرتونه .. بس تعافه وتدور غيره ..:eek:
الحين صايرة تزعجني صايره تدور الاكياس الكرتونية تطلع الي فيها .. وتدخل فيها ..
قبل شوي سويت لها كرتون .. من غير فرشه عجبها .. ودخلت دقايق وطلعت .. وحطيت فيه فرشة .. هونت عنه .. ياخوفي تولد .. تحت السرير .. وربي عجزت معها ,, ماتبي ولا مكان من الي سويتهم لها ؟؟ وشو اسوي

وخايفة عليها لانها اول ولادة لها .. و صغيره بالعمر :(

[الخبيرة ناديا]

اهلين ياقمر

كم مده حملها الان؟؟

[MoOoOoOn]

بصراحة انا حسبت لها من اول مرة تلقحت ٢٥ اكتوبر بس شكلها حملت بعدها بفترة لانها طلبت تزواج ومو متأكدة كم بس وديتها البيطري الاسبوع الي فات قال باقي لها من اسبوع لعشر ايام والحين علي كلامه الحسبه باقي لها المفروض يومين
وانا بس أبيها تثبت بمكان أقلقتني وأبيها تولد وانا حولها لانو خائفه عليها ومو مثل اول هالاسبوع صايرة تغير مكان نومها كل ساعه او اقل ماتنام بمكان واحد

[دلوعةقطوتي]

وعليكم السلام ورحمه الله وبركاته
تيب حاولي تخليها بغرفه وحده وجهزي لها المكان احسن ماتولد عليك باي مكان وتوسخ الدنيا
الله يقومها لك بالسلامه

[artos]

اهلا اختي

لا تحطيها بغرفتك علشان ماتولد ع السرير

حطيها بغرفه وحطي الكرتون والمنشفة داخل

وهي اذا بغت تالد راح تروح بالكرتون

[الدلع]

وعليكم السلام ورحمة الله وبركاته
الله يحفظ بستك ويطمنك عليها وتشوفين بزورتها :p
انتِ تدورين لبستك عن مكان وبستنا ما كذبت خبر واختارت مكانها بنفسها بس تتوقعون وين :rolleyes:
في دالوب الوالد :eek: وهو ما يحب البسس :( وبصراحة شكيت فيها بإنها ممكن تكون جنية :shy: لأنها تصرفت تصرف غريب وهو انها لما انتهزت فرصة ان الدالوب مفتوح شوي والوالد مو موجود في غرفته دخلت وابعدت جزمه اكرمكم الله على جنب وحطت كيس علاقي متين وولدت عليه ;) وما درينا عنها الا بعد ما لاحظ الوالد ان بطنها صغر عن اول فقال روحوا دوروا وين حطت عيالها فيه وللأسف تعبنا واحنا ندور وقلنا ما فيه الا نتبعها وكان الدالوب مسكر ولقيناهم وستر الله لأنه متعود يقفل غرفته ويطول برا ونقلناهم مكان ثاني فحطي عينك على بستك لا تولد في مكان ما تقدرون توصلون له وممكن يصير لها أو لهم شي لا سمح الله :(
غيابك طول علي يا سحر : ما شاء الله توقيعك تحفة واختيارك موفق :88: وعجبني كثير لأني أحب البسس غامقة اللون وناوية أزوج بستي ببس اسود وبستي لونها بني غامق ;) :shy:
طمنينا عنها
اقصد ايميلي

[artos]

غيابك طول علي يا سحر : ما شاء الله توقيعك تحفة واختيارك موفق وعجبني كثير لأني أحب البسس غامقة اللون وناوية أزوج بستي ببس اسود


ههههههههه

انا اموت على السود فيهم شطانه زايده عن اللزوم :D

[MoOoOoOn]

يااااااعالم حايسه تو صحيت من النوم لقيت الدنيا دمااااااان من حولي عورررني قلبي عليها شكلها علي وشك تولد سويعات ولا دقائق وشو اسوي
ياااارب مايصير لها شي لاهي ولا البزورة
الله يخليكم

[MoOoOoOn]

تماوي وانا أصيح وشو اسوي

[الخبيرة ناديا]

حبيبتي لازم تهدي انتي بالاول !!

وخذي القطه على غرفه معزوله واقفلي عليها الباب وكوني معاها.

وحاولي تدخليها بكرتونه الولاده او القفص المجهز لها .

وظلي تمسحين على راسها حتى تهداء وترتاح وتستقر بمكانها .

وانا متابعه معاكي اول باول لاتخافين.

[MoOoOoOn]

المشكلة ان القطاوة الي بالبيت تسمع أصواتهم وتخلف وولدت الحين ٣ بس حاولت احطهم يرضعون مايعرفون وشو اسوي

[MoOoOoOn]

اقدر انظفهم ولا لأنهم ابيض ومحومر من الدم

[الخبيرة ناديا]

الف مبروك وان شاء الله تكمل على خير

لاتنظفيهم الحين ..اتركيهم مع الام وهي تنظفهم بعد انتهاء ولادتها .

والان ماراح يرضعون ..

بعد كم ساعه يبداؤون يبحثون عن اثداء الام .

المهم خليها بمكان دافي جدا ..

[MoOoOoOn]

جابت الرابع

[MoOoOoOn]

الله يعطيك العافيه والله كنت أصيح وهي تتألم عورت قلبي بس باقي ينزل منها دم وبطنها نفسه خف شوي وتطلق قاعده وكلت المشيمة حقت الأربع كلهم عادي ولا ماخليها المفروض

[الخبيرة ناديا]

الله يعافيك ياقلبي

لاعادي اتركيها تاكل المشيمات لانها مغذيه ومفيده لها حاليا ..وماعليها ضرر.

اكيد بتظل تنزف القليل من الدم خلال اول اسبوع وبعدها بيتوقف .

وبطنها بيكون منتفخ شي عادي .

ويخف تدريجيا مع مرور الايام .

الان اتركيها تكمل لو باقي ببطنها كيتنز..ولو لاحضتي انها نامت وبداء الكيتنز يرضعون ..

وقتها اطمني وهي بتكون بخير وعافيه

[MoOoOoOn]

نظفت تحتها بس كلهم يشربون الا الاول

[الخبيرة ناديا]

لاتخافين ان شاء الله يرضع بعد شوي.

راقبيهم اليومين الاولين وان شاء الله يكونو بخير يارب.

[MoOoOoOn]

الله يجزاك خير ويسر حالك وربي كلمة شكرًا شوية بحقك بس وربي بذكرك بدعائي لان الي سويتيه معي ومع الاعضاء مؤ شوي الله يكثر من أمثالك وربي يسعدك ويسدد خطاك

[الخبيرة ناديا]

الله يسعد قلبك وجزاك الله خير على دعواتك لي

كلماتك وساام على صدري يالغاليه.

[MoOoOoOn]

تستاهلين كل خير .. وربي تستاهلين كل خير
ههههههه غبت عن الجامعه بسببها
هذا الي اقدر ارد فيه جمايلك بدعواتي وربي يتقبل ان شااء الله مني لأني حبيتك لطيبة قلبك الابيض والحنونة ربي يوفقك وين ماكنتي

[الخبيرة ناديا]

الله يخليكي ياغاليه

ايملي تستاهل الغياب ههههه

الله يحفضها هي والكيتنز لكي يارب

ولاتنسينا بالصور ..خلينا نفرح معاكي ..طيب .

[MoOoOoOn]

ان شاء الله اصور لكم العايله الكريمة قريب

[MoOoOoOn]

عندي مشكلة الحين .. ايميلي من ولادتها من الصباح اليوم الساعه 11 الى الحين .. ماكلت .. وانا حاطه لها دراي فود لانها تحبه واجد .. بس قامت مرتين .. تبي تاكل .. سمعت البزورة يوواوون رجعت لهم وهونت هن الاكل .. عادي الوضع ولا .. لان الي اعرفه ان الوالد لازم تاكل عشان الحليب ..

[الخبيرة ناديا]

لاتخافين عليها اذا قرصها الجوع بتقوم تاكل من نفسها

الان هي خايفه على اولادها ولانها التجربه الاولى لها ..راح تعذبك شوي ..من ناحيه الخوف وعدم الاكل

واحتمال تنقل الكيتن لمكان هي تضن انه امن لها ..اذا احست بالخطر وعدم الامان .

الان اسلقي لها صدر دجاج وفتتيه صغير وقدميه لها داخل الكرتونه او مكان ولادتها ..حتى تضطر انها تاكل

من الاكل ..وماعندها حجه ابدا في الرفض..

[MoOoOoOn]

مشكووووورة .. بكرا بسوي لها .. ان شاء الله ..
بس من جد لاحظت عليها لاخوف .. ماتبي تتحرك .. بس ياحليلها نظرتها لهم كلها حنان .. مع انو صايرة اشكالهم مثل الفيران الصغار ههههه
الله يعطيك العافية ..

[الخبيرة ناديا]

الله يعينك يارب

والفيران ..راح يكبرون وتشوفيت حلاوتهم وجمالهم ان شاء الله.

ضروري تهتمين باكلها وتوفرين الفيتامينات لها

واكثريليها من الحليب والمرق

حتى تنتج حليب باثدائها ومايجف صدرها ويموتو الصغار لاقدر الله..

وطمنيني عنها

[MoOoOoOn]

ان شاء الله .. بس عندي سؤال ماعليش غلبتك معي كثير اليوم ..

الحين هي صايرة مبلله ونظفت نفسها ومسحت لها شوي ولحفتها .. وحطيت لها دفايه .. بس الاحظ عليها تلهث .. و كأنها بتولد حركات طلق .. وبعد ودي انظفها لانها مليانة سؤال ودم .. و ش اسوي ومتى اقدر اسبحها ؟ هي صعبه شوي بس ريحتها .. دم ..

[الخبيرة ناديا]

لاعادي ياقلبي حوذي راحتك وان شاء الله مااحد بيقصر معاك

شوفي انا بتكلم معاك بكل صراحه وشفافيه ..لاكن بدون زعل ..

انتي تصرفك الان غلط ..بوضعك للدفايه لها اربع وعشرين ساعه..

بدليل انها تلهث الان !!

القطه الان اما تعاني من الحر الشديد او عندها تقلصات ببطنها ولسى باقي شي!!

لان الهث له اسباب عند القطط ..

ومثل ماقاتلك احدى الامرين.

للتاكد ..

1- اطفئ الدفايه الان وبسرعه

2- قومي القطه وخليها تمشي وامسكي بطنها مع الجوانب واضغطي عليه الى اخر درجه تقدرين توصلين

فيها داخل بطنها ..وىتخافين مابياثر عليها ..

انما تحسسي هل هناك شي داخلها اولا .

المفروض تكون الغرفه مغلقه عليها ودافيه اي بعيده عن التيارات الهوائيه البارده .

بخصوص الدماء اتركيها وممنوع تروشيها ( انتبهي) والاتروح منك القطه وتمرض.

القطه حاليا تعبه وتحتاج كم يوم ترتاح وبعدها هي تنضف نفسها بنفسها .

لاكن ...........فيه بعض القطط تكون من طبعها غير نظيفه او لا تهتم بلعق فروتها وتنظيف جسمها ..

اذا كانت من هاذا النوع ..فهي بحاجه ماسه للتنظيف الجاف .

اي احضار منشفه وبلليها بالماء وامسحي فقط على مكان الدماء ..وحاولي الابتعاد عن الاثداء.

كرر الطريقه ..وفي كل مره اعصري المنشفه وبلليها من جديد بماء نظيف دافي .

وبعدها استشوريه على خفيف وادخليها عند اولادها.

[MoOoOoOn]

لا ايميلي ماشاء الله من النوع النظيف .. تحب تنظف نفسها بس مايمديها .. طفيت الدفاية .. بس بيتنا حن بالعادة ابرد من برا لانو سيراميك .. عشان كذا قلت ادفيها ولانو النتف يرجفون ..

خوفتيني .. هل من الممكن يكون لسه في بطنها شيء

[الخبيرة ناديا]

انتي جربي واعملي اللي قولتلك عليه ..واتحسسي

خبريني انا مو نايمه انتظرك

[MoOoOoOn]

الحين ضغطت على بطنها .. حسيت في شيء يتحرك مدري هل الحليب ولا .. انا شكيت بس لما شفتها ترضعهم ..ونامت شوي تطمنت ..
طلعتها شوي ابيها تمشي .. عيت بسرعه رجعت لعيالها .. بس ماحسيتها تتألم ولا طلع شيء منها حتى دم مافي ؟

[الخبيرة ناديا]

ان شاء الله خير وتكون طيبه ومافيها شي

مادام نامت وبطلت تلهث ..فالامور طيبه باذن الله.

[MoOoOoOn]

ضغطت على بطنها فيه قساوة شوي .. بس وضعها كان عادي .. مدري .. بس كانت تدمع عيونها و شيكت على مكان .. الولادة .. مافي شيء حتى الدم .. بس منتفخ شوي ..
طمنيني تكفين .. في شي ..

[MoOoOoOn]

اي بطلت تلهث .. لما اطفي الدفاية .. لانها ماتحب الحر ..

[الخبيرة ناديا]

لا الحمدلله اطمني يالغاليه .

الان عرفنا سبب اللهث .

والانتفاخ بيكون طبيعي ومع الايام بيزول ..

لاتخافين ..لو باقي مشيمه او كيتنز ..بتلاقين افرازات كبيره للدماء والقطه تتالم وتدفع كل ساعتين.

[MoOoOoOn]

الله يعطيك العافية .. مدري وشو كنت بسوي من غير الله ثم وجودك .. الله يوفقك ..
الله يسعدك .. و يكتب لك في كل خطوة لك كل خير ..

ان شاء الله بطمنك اول بأول ..

[MoOoOoOn]

عندي تساؤل لو ادخل الذكر عادي ولا في مشكله

[الخبيرة ناديا]

لا انصحك ماتدخليه على الانثى

لان ممكن ياكل الكيتنز او ياذيه ..واحتمال لا .

وعلى حسب تصرفات وطباع الذكر بتعرفين ..هل هو ودود او شرس ..مع الاناث

[MoOoOoOn]

بصراحة هو ودود مع ايميلي ويخاف منها بس مع القطة الصغيرة الي قبل للحين متحلف فيها
مره شافها بحظني وجاء بسرعه يبي يطقها بس رفعت ايدي وصرخت لا ضربني وطلع زعلان
كاسر خاطري يبيني بس ماقدر ادخله خائفه علي الكيتنز
سويت لايميلي دجاج وكثرت المرق بس كلت شوي ورجعت تنام
واليوم لاحظت عليها خلت الكيتنز يمكن ساعه الا خفت انها عافتهم راحت تبي تطلع من الغرفة وتمشت بالبيت بس بصراحه رجعتها الغرفة لأنهم كسروا خاطري ودخلت ترضعهم

[MoOoOoOn]

وفي شي بعد من امس ماسوت حمام .. هل في مشكله ؟ الله يكرمكم

[الخبيرة ناديا]

اهلين ياقمر

لا عادي لاتخافين ..بتظل من يومين الى يوم ماتروح لليتر بوكس

وبعدها تتوجه لليتر بوكس لوحدها ..

[MoOoOoOn]

الله يوفقك وعساك علي القوة
��