الافريقي واسعاره الافادة والتوجيه مشكورين

[العـامـودي]

السلام عليكم ورحمة الله وبركاته..
تحية طيبة للجميع..


اخواني الهواة والخبراء.. افادتكم العاجلة..

كاسكو الافريقي.. عمره - على ما يقول الدكتور- 6 شهور..
وفعلاً.. دخلت يدي ومسكته هادئ جدا ً.. عيونه سودا وهذي علامة الطفولة.. أظن..!!
المهم هنا..!!
استغربت انه نشاطه جدا ً ضعيف.. مدري هي علامة الألفة والإستئناس.. او خمول يعني ضعف يعني مرض..!!



يقولي بـ 2600..!!
وصحي ونظيف مافيه اي علة..

وش رايكم يسوى..؟
لأن الدكتور حذروني كذا واحد منه.. كلن له موقف سلبي معاه..

ارجو جميع الخبراء واصحاب المعرفة والاختصاص إفادتي العاجلة..
لأني معجب بالببغاء جدا ً.. بس صار لي موقف في درة هندية من قبل ما انساه..وخلاني أتعقد..


--- المطلوب..
تقدير سعر الطير..
ايضاح علامات تحديد العمر..
وتفسير هدوء الطير.. خوفي انه ضعف ..ماهو الألفة..!
واي معلومة مفيدة بشراء طائر جديد..

وفق الله من يساعدني بكل خير..

اخوكم العامودي.

[old-alkasiko]

أخوي إذا أنت تقصد ببغاء إفريقي [ غير محجل ] فالسعر إلي أنت حاطه غالي جدا ، والبنسبة لهدوء الطير إذا كان الطير في حالة خمول سواءا دخلت يدك أو لا فهذه من علامات مرض الطير غالبا ، أنصحك إنك تبتعد من هذا الطير بسبب احتمال إصابته بالمرض وارتفاع سعره ..
والأخوان يفيدونك أكثر..

[العـامـودي]

بارك الله فيييك اخوي old-alkasiko

بخصوص التحجيل.. افتكرت للتو ان فيه حلقة حول قدمه اليسرى تكررم.. بس ما دققت النظر فيها ..
بأعاود الافادة بسنة الانتاج منها... ان كانت هي..!

والسعر ما ادري.. هل فعلا الكاسكو ال6 شهور يعتبر فرخ بهالعمر..؟ وعليه يستحق هالسعر..؟
هل هذا السعر معقول..؟
او ممتاز ولقطة على ما يقولون..

عموما شكري وتقديري لإهتمامك وردك..

وبإنتظار مزيد من إفادات الشباب واصحاب الخبرة..

[العـامـودي]

للرفع يا اخوان..

بحاجة للمساعدة والافادة ..

[بلاك بيري]

السلام عليكم ورحمه الله وبركاته

تحيه طيبه اخي الفاضل وبعد

الطير الي تفضلت بوصفه هو الرمادي الهولندي حيث انه محجل

وهذه الطيور مشهور عنها قدرتها على اخذ المرض بسهوله وذلك لضعف مناعتها

ودام انه الطير خامل من الاصل نصيحه خلك بعيد علشان لا تزعل عليه ان صارله شي

واسعارها ان كانت اليفه وسوبر جامبو وتطلع على اليد وفرخ عمر اقل من 8 اشهر والريش رمادي فاتح وصحتها ممتازة تكون ب 2200 ريال او اقل السعر اشوف انه غالي نوعا ما

اتمنى ان اكون قد لبيت ندائك واجبت عن استفسارك

تحياتي

[العـامـودي]

بارك الله فيك اخوي بلاك بيري..

والله مدري ياخوي.. وربي تعلقت بالطير..

امس مريت مرة ثانية.. واطمئنيت كذا ..

دخل قلبي اول ما حكيت له راسه جا يرخي راسه عندي بالقفص ههههههههه

بحاول انظر في محلات عندها نفس الهولندي هذا بس يكون اكثر نشاط.. ومطمئن..

مشكور لاهتمامك وووقتك بالرد وشاكر لك كثير..

[بكاتشو]

اخوي العامودي
السلام عليكم معروف الكاسكو الهولندي ببغاء راح تحبه بشكل جنوني والسبب انه أليف تحس انه دميه مو حقيقه وتلعب معه طول الوقت وهو يعتبر الانسان هو امه وأبوه لانه تفريخ مزارع وأكل وشرب على ايدي الانسان وكذا هو مجرد تحط له الاكل والماء يومين راح يتعرف عليك
يعني بيكون عندك اكثر من ببغاء بوقت واحد ذكاء الكاسكو + تحدث الكاسكو + تعلق الامازون بصاحبه + وغيرة المكاو + ولعب الكوكاتو=كل هذا بطير واحد وهو الكاسكو الهولندي
لكن اهم ملاحظه : انك تاخذ الببغاء كبير يعني من سنه واكثر لان الصغير عادة ما يكون عنده مناعة وفي الغالب يموت الا اذا انت بتابعه كانه طفل توه مولود ههههههههه يعني لا برد وتعقيم ونظافة وأبعاده عن ايدي الاطفال ولا يكون بالبيت اي حيوان او طير ثاني لانه يكسب المرض بشكل سريع وهو صغير
حاول تشتريه من شخص مربيه يعني من بيت وخل عنك المحلات لان طيورهم تنقل المرض لبعضها فتابع بالنت تحصل واحد مسافر بعثه ومضطر يبيعه بس تأكد تراء كل الشريطيه بيروحون بعثات
اذا أخذت الطير اكبر من سنه بيكون مدرب يطلع على اليد ويتكلم طبعا أشرط الكلمات على البياع او يرجع الطير هو بيعطيك اسبوع او مقاطع للببغاء وانت احكم بس تأكد انه نفس الطير
باقي شروط نظافة ريش الطير وتشوف تخريجه وعيونه تلمع ونشيط ورجوله ما فيها عيوب والريش مكان الإخراج نظيف مافيه بقايا لاصقه بالريش
طبعا طير زي كذا بيكون سعرة من ٣٠٠٠ حتى ٣٥٠٠ ريال والإخوان الاعضاء يفيدوك اكثر بالسعر
أسف يمكن كثرت عليك كلام بس لأني ما أبغى ينظر مسلم يستشير وانا املك المعلومه ومتأكد منها ولا ارد رد شافي ووافي
والله يوفقك اخوي *

[بلاك بيري]

ماشاءالله تبارك الباري افادكم اخونا بيكاتشو بشكل كافي ووافي ربي يوفقك بأختيار الطير المناسب لكن فعلا الهولندي انا جربته وغريته بيدي ونصيحتي ان ماكان لك الخبرة الكافيه للمحافظه على هذا الطير شوفلك طير يساعدك اكثر ويستعدك اكثر انت ممكن تدفع نفس المبلغ او اقل في افريقي لكنه حجم وصحه وفرخ ولون وكلام وولافه وعلى اليد ومع الشبك بعد ههههههههههه

ربي يوفقك

تحياتي

[بكاتشو]

الله يرفع قدرك اخوي بلاك بيري تكفي الشهاده منك من واحد خبير
والله مو مجامله ولا ريا وبصرف النظر عن ردك لي
يعلم الله أني اطارد ردودكم ( بلاك بيري ) و (ناستازيا) في كل موضوع لأني في كل رد لكم احصل معلومه بين السطور استفيد منها
والله يخليكم ذخر لهذا المنتدئ الرائع

[بلاك بيري]

شكرا شكرا شكرا على كلامك الذواق الي يدل على طيبك واصاله معدنك وان احتجت اي شيء ترانا بالخدمه

[العـامـودي]

الله يعطيك الف الف الف عافية اخوي بكاتشو...

وهذي بوسة على راسك..!!


والله ماتدري قد ايش انا محتار بهالببغاء..

ودي أخذه باي طريقة.؟.. رغم ترددي بعض الشيء من بعد كلام اخونا بلاك بيري..

والحقيقة يقولي عمره 6 اشهر..

طيب لحظة حبة حبة..!!

العمر 6 اشهر.. يعني نقول اذا اخذته وعدت 6 اشهر ثانية يارب العافية..بالعافية.. نقدر نقول اننا تعدينا مرحلة الخطر وضعف مناعة الببغاء.. صحيح..؟ سنة كافية يعني..؟

اكيد نظافة الطائر والقفص والاكل.. انا بإذن الله بأعطيه وقت واهتمام خاص وتنظيف مستمر للقفص وصحبة وتواجد لاني بصير عزوبي بعد فترة ههههههههه.. <-- تعيينه بيصير بالجبيل ان شاء الله..

السعر.. تشوفه 2600 مناسب يعني..؟

اما ملامح الطائر والعلامات الحيوية فيه من أثر الإخراج وصحة الاقدام والريش والشكل العام.. هذي بأراجعها بزيارتي اليوم للمحل.. إن شاء الله.


مشكورين جدا ً اخواني بكاتشو و بلاك بيري.. الله يوفقكم لكل خير فيما يحب ويرضى.. آمين..

[بلاك بيري]

ههههههههه حبه حبه نقولك ان وصل الطير عمره سنه وهو بصحته وبعافيته انا اعتبر مناعته صارت مليون بالميه قويه
وان كنت ناوي تهتم بطير مثل اهتمامك بابنك ويمكن اكثر انا اشد على يدك واقولك توكل على الله الطير ممتاز من وصفك له

الموضوع الجاي ابي اباركلك فيه على الطير هههههههههه

تقبل تحياتي

[حب استطلاع]

مداخلة بسيطة حتى نكون منصفين

لا شك أن مناعة الفرخ تختلف عن الطير البالغ

مثل الطفل والإنسان البالغ

الطفل يكون عرضه لأي مرض بعكس الإنسان البالغ إللي تكون عنده مناعة أقوى

لكن الفروخ المحجله سادت إشاعة إن مناعتها ضعيفه وتموت بسرعة

والسبب ما يرجع لأنها محجله أو فروخ

السبب في طريقة شحنها وتكدسها مع طيور ثانية

وإختلاطها بطيور مريضة

ولو حصلت عليها من المربي مباشرة بتحصل طير ولا أروع عندك

وأضرب مثال الإنتاج المحلي والمستورد من الخارج

المستورد مر بمسببات المرض

والمحلي من المربي إلى الهاوي مباشرة بدون المرور بما مر به المستورد

والشي هذا ذكرته في كثير من ردودي على مثل هالإستفسارات

نصيحتي لك الموسم على الأبواب

وأنتظر الحصول على إنتاج محلي أفضل بكثير من المستورد

بالتوفيق لك

[بكاتشو]

اخوي العامودي
تكرم ويسلم راسك
طبعا لا كلام بحضرة بلاك بيري اخبر مني كثير
وانت شف تابع مواضيع الاعضاء من ناحية النظافة والفيتامينات ودرجة الحراره المناسبه للغرفه طبعا أنصحك تاخذ مقياس حراره وتحطه جنب القفص وهذا اهم شي شوي برد وتلبك معوي يروح الطير وانت تشوف وتاخذ غطاء للقفص لازم ما يتعرض لأي تيار هوائي سواء حار او بارد اما الجو العام انت تضبطه
الايام هذي برد لا تروش الطير الا كل اسبوع
وارجع واكرر نظافة أرضية القفص مهم جداً جداً جداً وتحط ورق او نشارة خشب لسحب الرطوبه من فضلات الطير وتغير الماء يوميا طبعا ماء صحي مع غسل أطباق الاكل والشرب وتتنشف وتحط الماء والاكل الجديد ولا تخلط الأطباق اللي للماء يستمر للماء وتحط كالسيوم واذا ما أخذه او لحسها ممكن تطحن منه شوي قليل جداً وتحطه مع الاكل
وفيه قطره اسمها فيتا هذي ملتي فيتامين كل ثالث يوم اربع نقط في مشرب الطير
طبعا خلطة الثوم والليمون مهمه في الاسبوع مرره وحده فقط وتترك ست ساعات وتغير الماء لانها اكثر من كذا تكون مضرره
الله يوفقك ولا تنسى انك صرت مسوؤل عن روح اولا فاكسب فيه الأجر ولا تنسى انك دفعت مبلغ من تعبك وعرق جبينك وانا أخوك
واذا خايف من التجربه او حاس انك ما تملك الخبره او طولة البال اشتري طير عدا مرحلة الخطر زي ما قلت لك اول وانت بالخيار
اتمنى لك امتع الأوقات

[العـامـودي]

سلاااااام عليكم شباب...

رحت امس صورت الطائر وتفحصته..

الحجل مالقيت عليه سنة انتاج..!! او اني ماعرفت اقراه..
والمحل زحمة والدكتور يالله فضى .. آخرتها قالي ماعليه سنة.. عليه ارقام بس .. وبشوفها لك.. وراح ولا رجع..

المهم.. لاحظت علامتين بالفرخ..

العيون... حولها موضع ابيض لوردي...
بالصور اوضح..

http://www.plylive.com/upload/download.php?img=189 (http://www.plylive.com/upload/download.php?img=189)

http://www.plylive.com/upload/download.php?img=190 (http://www.plylive.com/upload/download.php?img=190)

http://www.plylive.com/upload/download.php?img=191 (http://www.plylive.com/upload/download.php?img=191)

والاقدام الله يعز اقداركم.. ما ادري اللون الاسود اكثر من الطبيعي او يتهيا لي..

http://www.plylive.com/upload/download.php?img=192 (http://www.plylive.com/upload/download.php?img=192)


افاادتكم اخواني بلاك بيري وبكااتشو... والجميع من اصحاب الاختصاص والخبرة مشكورين..

[ٌابوعمر]

انا عن نفسي مارتحت لطير شكله حلو وصغييير بل عمر يمكن اصغر من 6 شهور 5 او 4 لونه فاتح وحلو بس اقولك لا تستعجل بتحصل احسن وارخص واذا تبي نصيحتي خذلك امزوني بلو فرنتد مثلا لان مناعته قويه ما شاء الله اقوى من الهولندي والافريقي وحتى لو جتك فتره وانشغلت عنه ماينتف ريشه ويسوي لك قروشه وشكله احلى وقدرته على الكلام افضل بس سعره اغلى يبدا من 3200 الي 4500 ولا تشتري قبل ماتسال والله يوفقك ان شاء الله

[العـامـودي]

يعطيك العافية ابو عمر على طرح رأيك وإفادتك..

يعني سعره تراه غالي..
والمناعة بالصغير ضعيفة إلى جانب اراء الشباب بنفس المنظور..
بدأت أتردد عن امتلاكه لصغر سنه.. وطبيعة دوامي شيفتات بتصعب اهتمامي فيه خصوصا هالفترة لصغر سنه..

محتار يا جماعة..

يعطيكم العافية جميعا ً وبإنتظار المزيد من الاراء والافادات..

[ٌابوعمر]

لا تحتار ولا تتردد بس اختيارك لطير غلط دور بتحصل اكبر بل عمر وارخص

[العـامـودي]

طيب ايش رايك في الكوكاتو جالا..؟
شفته واعجبني..
لقيت واحد بـ 3000 ..عمره سنة وشوي... بكل تطعيماته وصحته ممتازة ..

ولا البلو فرونتد يظل الافضل..
ياخي شكله مدري كيف.. كأنه عصبي كل وقته :$ !!

[ٌابوعمر]

والله شوف تبي كلام بلو فرنتد خذه ماتندم ابد تبي لعب خذ كوكاتو ماتندم وسعر 3000 ممتااااااز جدا على الكوكاتو بس بشرط يكون على الاقل حجل 2010 اذا كان اكبر وماهو اليف مانصح تاخذه