تعبت وياه لدرجه اني ودي ابيعه

[Skin]

السلام عليكم عندي فرخ كروان ربيته من عمره 18 يوم وكنت اغره بالابره والى هالوقت صار عمره 3شهور واسبوع وحاولت افطمه بس مافاد معي اذا تركته وجيته بعد 7 ساعات احس انه بموت موراضي ياكل من الاكل حقه ابي طريقه اخليه يتعود ياكل لحاله*

[الريـان]

اخوي انا بأعطيك طريقتي في فطم الفروخ .. وصدقني افطمهم ولسه باقيلهم 5 ايام او اقل ..
عمومآآ .. اتركه في قفص وعنده حب للكروان وماي ..
وسوي له بيض مسلوق ..
قطع البيض الى قطع صغيره او متوسطه .. المهم قطع البيض ..
روح للفرخ واعطيهم شوي بيدك .. حبه حبه .. بعدين مد له البيض وخليه يجي بيأكل بس لا يأكلها ..
وخليه يمشي ورى يدك لين يوصل الاكله مالت الحب .. اذا وصل لها اعطيه شويه ..
وبعدين نفس الطريقة مد يدك له ولا يآكل البيضه وحطه له على الحب وخليه يشوفهااا .. بيجي وياكلها ..
اذا اكلها كويس حط له شوية بيض .. شوية لا تكثر حطها فوق الحب وخليك معاه لين تشوفه ياكل منهاا ..
بعدين لا تخاف عليه .. بياكل البيض والحب وبيتعود على ان اكله هناا مو بالغر .. ومهم حاول لا تغره نهائيآ ..
مصيره بيجووع وبيآكل غضب عنه ..
وحط له البيض او التوست لمدة اسبوع مع الاكل مرتين باليوم فقط .. وخلال اسبوع بتشوفه ياكل حب عآآدي ..
....................
اخر طريقة سويتها مع فروخي وعددهم 3 .. لما كملوا شهرين مع الام .. سحبتهم ووضعتهم في قفص وما اعطيتهم بيض .. بس حب وماي .. ويأكلوا منه عادي ..
...................

بالتوفيق لك .. ودعوآتك ..

[طير المملكة]

مثل ما فادك اخونا العزيز الريان

اخي الغالي السبب هو انه الى الان ما يعرف ان الي تعطيه هو اكل
لانه من البداية متعود ياكل بالأبره
فالي عليك انك تاخذ له اكل كناري او زيبرا وحطه في صحن وخله جنب الطير
طبعا هالشيء ما يصير بين يوم وليله ما يصير تغره اليوم وتفطمه على طول بكرة

لازم تقلل له درجة الغر فأذا كنت تغره 3 مرات في اليوم حط له الحب وغره مرتين في
اليوم مرة الصبح ومرة الليل وطبعا في الفترة الي ما بينهم هو راح يجوع
وممكن الفضول يخليه يجرب الحبوب
وبعد يومين غره مره في اليوم
وانت اول ما تشوفه ياكل الحبوب خلص وقف غر و اعتمد على الحبوب

[Skin]

لاهنتو على الردود ويعطيكم العافيه نقول انشالله

[عاشق الكوكتيييل]

كمـ ــآ قــآل لــك آلــآخ آلــكريــم..{الريـان}..

لك
أجمل تحية