ممكن سؤال الكل يدش يفيدني

[azoOoz_h]

سلام عليكم


انا حاب اشتري جلب هاسكي وقاعد اسمع ان الجلب مايستحمل جو الكويت
وانا ابي جلب حق لعب وحراسه شخصيه مو يكون شرس وايد
ف شنو تنصحوني في ناس قالو الجيرمن
بس ينابح وايد ومزعج

[خبير كلاب2]

عليكم السلام و الرحمة بالنسبة للهاسكي :rolleyes: جميل شكلاناً و إطاعة و من يقول ان الهاسكي او الجيرمن كلب مزعج انا اقول له جميع الكلاب مزعجة لكن اذا دربت الكلب على عدم النباح فهو لن ينبح و سيكون هادي :)
وشكراً:88:

[Octopus]

اول شي نحن نعلم ان الكلب الهاسكي لا ينفع للحراسة بسب اصله بل ينفع ضد الكلاب الدخلية :)

و اما الهاسكي ف انه لا ينبح بل يعوي مثل الذئب

[azoOoz_h]

انزين اخوي انا ساكن بشقه وبحطه بالبلكونه وبالاسبوع اطلعه 4 مرات هل يضايق الجلب ولا لازم يوميأ اطلعه

[jassim99]

اخوي الغالي الهاسكي والجيرمن في بعضهم هادين وفي بعضهم مزعجين.... على حسب الجلب نفسه

الهاسكي مايفيدك بالحراسه

انا انصحك بالجيرمن شبرد شو لاين لانه مايحتاج رياضه كثر الوورك لاين

و بالنسبه للنباح

1_ تقدر تدربه على عدم النباح

2_ تقدر تركب عليه طوق الكتروني لعدم النباح

بمجرد ماينبح الجلب يعطيه الطوق ذبذبات كهربائيه تخليه يسكت

ويستخدم هذا الطوق لمدة 8 ساعات باليوم كحد اقصي... يعني مثلا لليل فقط

و اي سؤال لا يردك الا لسانك :)

[Octopus]

اخوي قصدك عن ال الاسكا اما الهاسكي لا يعوي بل ينبح و الهاسكي سلالتة قريبة من سلالة الجيرمن


اول شي انا قصدي الكلب هاسكي و كلاب الهاسكي اصلها من سيبريا

و عمرك سمعت عن كلب هاسكي حارس


و ثانيا راجع هذا الفديو بيفدك
http://www.youtube.com/watch?v=x2CaouIp1kE


و اقول احسن ان اخوي جاسم افادك اكثر

و افضل كلب للحراسة هو الجيرمن سبيرد

[azoOoz_h]

يعطيكم الف عافيه على ردودكم الحلوه
انا ابي جلب حق العب ويدافع علي
عالعموم انت نصحتني بالجيرمن لان زين حق الحراسه
وحبايب قلبي وان شاء الله مازعجتكم وياي

[خبير كلاب2]

اخوي انا ما تكلمت عن الحراسة و بعدين هذا دبل كوت غير عن ون كوت و الاخ يسأل عن تحمل الحرارة و الون كوت يتحمل الحرارة و انت قلت ان الهاسكي يعوي و اهو ما يعوي ينبح لكن نبحته طويلة بالنسبة للنبحه العادية و ذلك لنداء اصحابها و اهلها اذا كانوا بعيدين

[Octopus]

اخوي انا ما تكلمت عن الحراسة و بعدين هذا دبل كوت غير عن ون كوت و الاخ يسأل عن تحمل الحرارة و الون كوت يتحمل الحرارة و انت قلت ان الهاسكي يعوي و اهو ما يعوي ينبح لكن نبحته طويلة بالنسبة للنبحه العادية و ذلك لنداء اصحابها و اهلها اذا كانوا بعيدين


هل تعلم ان الكلاب مشهورة ب وفائها و الكلاب لها ذاكرة قوية تميزها بين صاحبها و بين الشخص المتبنيها و نحن عندنا قانون في المنتدى و هو ان الكلاب للتتميز بنوعها بل بصفتها و خلاص مشكور على الملاحظة و الكلب ينبح على شكل عواء الذئب

و نتمى المهم نشوف كلب اخونا في المنتدى

[خبير كلاب2]

اخوي انا اعرف بالجلاب و العفو ��

[jassim99]

اخوي خبير الكلاب السيبيريان هسكي والالاسكان مالموت يعوون و ينبحون

والجيرمن شبرد يعوي و ينبح لكنه قليل العواء

و اذا تبي نتكلم عن جو الكويت الجلاب كلها واحد عندنا كل الجلاب يحتاجون تكيف بالصيف و مكان ذرا بالشتا

[Abo_fahed]

الإخوان ماقصروا صراحة

أنا اتفق مع راي أخوي جاسم


اصرف النظر عن الهاسكي

ماراح يتلائم مع وضعك أبداً

خصوصاً انك ساكن في شقة

والهاسكي يحتاج الى مكان واسع ورفيق


لو اشتريت الجيرمن لازم انك تطلعه يومياً

على الأقل مرتين يومياً

وابحث عن سلالة طيبة ولايقل عن عمر4 شهور

وشرط يكون مطعم ومعاه شهادات تطعيمات معتمدة

ويفضل مايكون من بلود لاين أمريكي

لان هذا البلود لاين الديفينس درايف عنده ضعيف

;)

[خبير كلاب2]

اخوي جاسم انا ما اختلف معاك لكن بالنسبة للجو في نوع من الهاسكي يكون عنده طبقة واحده من الشعر و هذا الشي تغير جيني في الحيوانات للتأقلم مع البيئة فهذا النوع من الهاسكي يكون شعره قصير و يتحمل الحر وشكراً

[azoOoz_h]

مشكورين على نصايح
واحترم راي الكل
وانا ساكن بشقه بس اروح نادي يوميأ ف اخذ الجلب وياي
وان شاء الله مثل مانصحتوني اني اخذ الجيرمن
وعسى ماتعبتكم بالاسئله :p

[jassim99]

ماقصرت يابوفهد عالتوضيح

اخوي خبير الكلاب انا فاهم قصدك

لكن هذا الكلام مو عندنا بالكويت

الحر حر بشر مايتحملونه حتى لو الريال بيربي دوبرمن هم يحتاج تكيف بالصيف و مكان ذرا بالشتا

[jassim99]

و عفوا احنى مانبي الجلب يتحمل و مايموت

احنى نبيه يكون بأفضل صحه

و الي مايقدر يوفر ابيئه المناسبه لكلب افضلله يغير تفكيره و يربي شي ثاني

ياما و ياما ماتو كلاب بالكويت بسبب حر الصيف و إهمال أصحابهم

[خبير كلاب2]

اها يعني بس يتحمل الجو المعتدل و شكراًً للمعلومة و اكيد نبي الجلب بصحة جيدة و اخي عبدالعزيز كلمني وقال بياخذ جيرمن شبرد شولاين لونج هير و الاخ صديق عزيز علي

[Nona999]

كل شخص حر بما يختار لكن احنا هنا لاعطاء النصائح اللي نشوفها افضل بسبب تربيتنا للكلاب والمشاكل اللي تمر علينا كثير " ولا اقول هذا الكلام للفخر " لا ابداً ..!

ولكن بالنسبه لحالته ينفع له جيرمن شيبرد لانه كلب حراسه ممتاز بعكس الهاسكي


والهاسكي يعوي مثل الذئاب وبأمكانكم مشاهدة ذلك بمقاطع اليوتيوب بالنسبه للجيرمن نباحه اكثر من العواء نادر مايعوي " الا اذا كان مسوي اوبرا فالليل وانت نايم :d "

يعوي مرات من الطفش ولوجوده لوحده ..

والكلاب جميعها تحتاج الى تكييف فالصيف وتدفئه بالشتاء بغض النظر عن نوعها الا اذا كان بلدي او جعري ممكن يتحمل الحر بنسبه معينه ولكن يتعرض لامراض وممكن يؤدي للموت لاقدر الله ..

بالنسبه لشعر الكلاب بعضها لونج هير " شعر طويل " ( ثلاث طبقات ) ميديم هير "شعر متوسط " ( طبقتين ) شورت هير " قصير الشعر " طبقه واحده ..

وكثافة الشعر مالها دخل ابداً

للتوضيح : الكلاب تأكل اكل يحتوي على بروتين و فيتامينات وغيرها من عناصر الغذاء التي تؤدي الى توليد طاقه داخليه للكلب وحراره عاليه " يقولك اذا بردت اكل عشان تدفى "!!

وخاصه الدراي فود يولد حراره وطاقه عاليه جداً ويتم تفريغ الطاقه عن طريق تمشية الكلب واللعب معه والركض..

هذا كله للايضاح وترتيب معلومات الاخوان ^^

[azoOoz_h]

ممكن سؤال اذا دخلت الجلب بشقه تطلع الملائكه
في ناس قالو مايطلع اذا كان حراسه شنو رايكم ؟

[Nona999]

احنا مانفتي اخوي منتدانا منتدى تعليمي مو ديني

وتقدر تسأل المشايخ فيها واهل العلم الديني بهذي المسأله

موفق

[azoOoz_h]

يعطيكم الف عافيه
وان شاء الله راح اسال

[Abo_fahed]

الله يعافيك ياعبدالعزيز

الموضوع أخذ حقه وزيادة

الجميع ماقصروا معاك فيهم البركة

وبخصوص سؤالك الأخير

أختي نونا ماقصرت بالإجابة

(( المنتدى علمي وليس فقهي ))



يغلق.

:rolleyes: