مشكلتي مع الدرة .. الله يرحم اهلكم ساعدوني ..

[حمنا]

السلام عليكم ورحمة الله وبركاته ..

انا عندي درة ذكر وابغاه يصير ولوف معاايا هوا يطلع على يدي برا القفص لكن ما يجلس على يدي على طول يطير ولا يطلع على كتفي وانا ابغاه مكان ما احطه يجلس والمشكلة اني اذا جيته في القفص دخلت يدي عنده يشرد ويجلس ينقز عشان لا اجيه مع انه ياكل من يدي وانا اللي اكله وكل شي انا بس مو راضي يعترف اني احبه واخاف عليه ... مني عارف ايش اسوي معاه عشان ما يصير يخاف ويجلس معايا .. واللي قاهرني اكتر انو اذا خرج برا القفص وطلع على يدي اقدر اسدحه على يدي وامسح على راسو بس احسو يخاف مني يجلس شوية ويطير ولا يطلع على كتفي ... الله يخليكم اعطووني حل والله تعبت ..

وراااااح اكون شاااااااااااكر لكم ..

[honey1992]

اهلاً اخوي
داخله المنتدى عندي نفس مشكلتك تقريباً
اول شي الله يخليه لك
ثانياً حسب خبرتي الاقل من بسيطه مع طيور بالغه وقدرت اروضها
عليك بالصبررر الصبرررر ثم الصبر
حلو مادام انو يجي معك بس يبي لك تعيد نفس الحركه اكثر من مره
مهما قاوم ارجع عيد له
لأنو الطير بالغ ومكتمل كل شي عنده والتعليم اكيد صعب هو بعد متشتت مو عارف اش تبغى بالضبط
ان شاء الله يفيدونك الاكثر خبره
لكن ارجع واقولك الصبر مافي غيره
تقبل مروري :)

[حمنا]

الطير عندي من يوم هو فررخ .. وكان اليف معايا بس جات فترة اسبوع سافرت انا وخليته وكان في درة تانية وجلس معاها ولما رجعت الطير مو عارفني ومن ديك الفترة وهوا زعلان عليا .. انا ما عندي مشكلة استنى ما راح اطفش لاني والله احب الطير وهدا اللي مخليني اتحمل كل دا .. وشاكر لكي ردك

[honey1992]

ياالله :(
من جد ؟؟
الببغاء ذكي مايحتاج اقولك
بس ياإنو زعلان بجد او ناسيك
بس مااعتقد الاغلب انو مخالطته بطير ثاني هي السبب
واتمنى مايكون للحين مع طير
خلاص مادام ماعندك مشكله تستنى اعزله وتحمل ومتأكده بيرجع احسن من اول
بس اعزله وزي ماتعود يتغير بيتعود يتغير ويصير اليف اكثر من اول
موفق
والله يديم المحبه ويخليه لك

[حمنا]

ما اعتقد انو ناسيني بس اعتقد انو زعلاان .. لا ابشررك الان هو لحالو مافي معاه طير تاني .. بس عندي طيور الحب بس وهم معاه في نفس المكان ممكن ياثرو عليه ...؟؟ وكيف اراضيه اذا زعلان ...؟؟ وايش الاشياء اللي اسويها عشان يرتاح من ناحيتي ... وبالنسبة اني اعزله يعني ما اخليه يشوف احد غيري ولا اعزله اذا كان مع طير تاني ..؟ واشكر لك ردك وتفاعلك معايا ..

[honey1992]

والله مااقدر اقولك شي مو متأكده منه
بس بقولك اللي حصل معي
كان عندي دره وطيور بادجي وطيور البادجي ذكيه واليفه بس من صار الطير معاهم ماصارو يجون معي ولما ادخل يدي بالقفص يعضون !!
عجزت افهم معنى هالتصرف
اما بالنسبه للدره فكانت فرخ وماكانت تصرفاتها واضحه
بس الحين انت بمرحلة ترويض من جديد لأن تصرفات الطير تغيرت بشكل كامل
فـ{إذا امكن} الافضل تعزله عن الطيور اللي معه فقط لأنو اكيد بيتابع تصرفاتهم حتى لو بعيد عنه
لكن افضل محد يجيه ويمسكه غيرك لا بأس يكون فيه ناس بالمكان بس انت اللي تقرب منه عشان يسترجع ثقته فيك لأني اعتقد انو فقدها لما تركته وهذا الشي اقرب من انو زعلان
اهم شي ثقة الطير فيك
ولا تزعل بس شكلك كسرتها لما تركته وانت قادر تسترجعها بس اتمنى تسوي اللي قلت لك عليه

ورداً ع سؤالك وش الاشياء اللي تسويها عشان يرتاح
اهم شي انت تكون معه ومايجيه احد غيرك زي ماقلت
وماتسوي اي شي يضايقه او يخوفه
ونقطه مهمه نسيت اوضحها لازم مكان الطير يكون نظييييف هذا يأثر على نفسيته بشكل كبير

اعتذر عالاطاله ... موفق وياليت تقول لي وش صار معك اول بأول

[حمنا]

الله يعطيكي العافية يارب ما قصررتي ..
بس انا اللي قاهرني انو لما يخرج بررة القفص احسه يرتاح شوية ويطلع يجلس على كتفي واحيانا ارجعه القفص من كتفي ما يرضى ينزل القفص يروح ع الكتف التاني واحيانا يطلع ويجلس شوية ع كتفي وبعدين يطير ... وانا ان شاء الله راح ابدا معاه من اول وجديد وان شاء الله ترجع الثقة احسن من اول .. وشااااااااااااكر لك تفاعلك ..

[honey1992]

بس مادريت انك تدخله القفص !!!
شي طبيعي يتضايق من الحكره
انا ما اايد وضع الطيور بقفص ابداً اذا مروضه طبعاً
وانا ماعمري حطيت طيوري بقفص اخليه لهم ومفتوح لو بغا ياكل ويشرب يروح له براحته
المهم تكون اجنحته مقصوصه وياليت فترة الترويض البسيطه تخلي قفصه مفتوح وهو يروح له بس ماتدخله انت وتسكر عليه
العفوو حبيبي ماسويت الا واجبي :)

[حمنا]

طيب ايش الحل يعني ما ارجعه القفص الا لما هوا يكون يبغا يرجع ..؟؟ يعني احيانا انا اكوون داخل انام وهوا على كتفي .. وانا زي ما قلتلك ان شاء الله راح ارجع ابدا معاه من جديد الين ما يرتاح وترجع ثقتو فيني ... وراح اكوون متواصل معاكي اول اول .. الله يعطيكي العافية ..

[honey1992]

شوف حبيبي وقت النوم اكيد هو من نفسه بيرجع للقفص
او اذا هو معك بالغرفه عادي تنام وتخليه هو بالمكان اللي يريحه مثلاً طيوري تحب القفص بس تكون عليه من فوق لكن ماتحب تدخل بس لا تنسى تسكر باب الغرفه
لكن ارجع اقولك مسألة انك تدخله غصب وتسكر عليه اكيد بتأثر ع نفسيته الببغاء حساااس جداً
الله يعينك عشان تبدا من جديد لكن مو مشكله الطير اليف نوعاً ما وراح يرجع ان شاء الله بكل سهوله
يسعدني انك تتواصل معي
راح اكون معك بإذن الله وبفيدك من خبرتي باللي اقدر عليه

[آبوعبدالمجيد]

الله يعطيكي العافية يارب ما قصررتي ..
بس انا اللي قاهرني انو لما يخرج بررة القفص احسه يرتاح شوية ويطلع يجلس على كتفي واحيانا ارجعه القفص من كتفي ما يرضى ينزل القفص يروح ع الكتف التاني واحيانا يطلع ويجلس شوية ع كتفي وبعدين يطير ... وانا ان شاء الله راح ابدا معاه من اول وجديد وان شاء الله ترجع الثقة احسن من اول .. وشااااااااااااكر لك تفاعلك ..


الى هنا تمام لاكن بالردود الي بعدها خربتها ليش ترجعهٍ.~؟؟

خله يلف ع راحته وخي باب قفصه مفتوح صدقني راح يجوع ويرجع القفصً..ولمن يبي ينام بيرجع القفص

بما انه طير اليف ماراح يقعد بالقفص ابداً.~

لو كان متوحش بيقعد بالقفصً.~ْلان المتوحش خواف ويخاف يطلع برا القفص عشان كذ1 القفص اريح له

لاكن درتك باين انها اليفه لاتدخلها القفصً.~هي ببترجع بنفسسها

آبوعبدالمجيد

[ٌابوعمر]

ان شاء الله يرجع احسن من اول وبتوفييق

[حمنا]

يعطيكي العافية اختي ما قصررتي والله ..
انا حاليا خليته في غرفة لحاله وكل شوية ادخل اعطيه اكل شوية خضار شوية فواكه شوية تمر والله يجيب مطر ان شاء الله .. وبالنسبة انوو ارجعه القفص غصبا عنه انا اخده على يدي غصبا عنه يعني يكون بررا القفص اجي اخده احيانا يطير واحيانا يحاول يرجع القفص بس امسكه قبل ما يدخل وانا دحين قصيت اجنحته عشان لو طار ما يتعبني.. وزي ما قلتلك بعض الاحيان ما يرجع ويجي ع الكتف التاني ... معليش على الاطالة بس من جد انا شاااااااكر لك وراح اتعبك معايا ..

الله يسمع منك اخوووي ابو عمر وادعيلنا ..

الله يعطيك العافية اخووي ابو عبدالمجيد بس انا ارجعه القفص عشان القفص على ستاند ولو خليته ما راح يرجع واخااف انه يجلس ويجووع وانا ابغا اخليه يثق فيني اكتر ويحبني اكتر وان شاء الله يرجع زي ما كان واحسن ..
دمـــتــ بود ــم ..

[آبوعبدالمجيد]

الله يعطيك العافية اخووي ابو عبدالمجيد بس انا ارجعه القفص عشان القفص على ستاند ولو خليته ما راح يرجع واخااف انه يجلس ويجووع وانا ابغا اخليه يثق فيني اكتر ويحبني اكتر وان شاء الله يرجع زي ما كان واحسن ..
دمـــتــ بود ــم ..


لآمن قــآل لك مآرآح يرجع صصصدقني لوجاع بيرجع ووقت نومه بيرجع ترا فصيلة الببغاوات طيور ذكيه

حتى البادجي الاسترالي الصغير ذكي فـ كيف الدرةٍ.~.؟؟

آقول يآرجآل..خله برآ القفص وصدقني بتدعي ليً~.

لأنك حآلياً جالس تحرمه من حريته وتحبسه بالسلوك

[حمنا]

اوووكي اخووي انا راح اخليه برررا القفص انا اصلا مخليه في القفص وفاتح القفص من فوق عشا لو يبغا يطلع بس لو طلع وجيت اخده يا انه يطير ولا يرجع القفص بس ان شاء الله حتى لو كان بررا راح اجي اعطيه شي يريحه اكتر عشان ما يخااف ... انا احسه يخاف مني لما يكون هوا في القفص لكن لما يكون خارج القفص لو احطه ع الارض وانا جالس جمبه يجي ويطلع يجلس على فخدي واحيانا يتسلق على كتفي بس في النهاية يطير ما يجلس مكان ما اخليه .. الله يعطيك العافية يا غالي ما قصرررت والله ..

[honey1992]

اعتذر منك اخوي عالتأخير
زين سويت كل خطواتك بإذن الله صحيحه
لا تيأس والافضل تبعد القفص وتصير انت تعطيه الاكل والشرب زي مااسوي ببغائي
ماياكل ولا يشرب الا معي واهم شي اصصصبر
انا جلست اكثر من سبعة اشهر اعود طير بالغ على كذا
ان شاء الله ربي بيعينك بس حاول تتسلى وانت تسوي معه كذا عشان ماتمل
وانصحك بهالموضوع الاكثر من رااائع
http://www.2zoo.com/vb/showthread.php?t=235525

وابداً لا تعب ولا شي حاضره بخدمتك في اي وقت^_^
بالتوفيق لك

[حمنا]

يعطيكي العافية اختي ...
وبالنسبة للمقطع انا طيري لو يجلس يعض فيني اعرف اتصرف معاه بس المشكلة انو لو اجيه زي كده وهوا فوف القفص ع الاستاند يطير ولا يدخل القفص ولا انا شفت المقطع دا قبل كده ورحت سويتها مع طيري بس انو يطيييير على طول ...

[honey1992]

مو مشكله حبيبي لازم تستنى عليه بعد تذكر اني زي ماقلت لك كنت اجلس بالشهووور مع طير واحد ... بس انا نسيت اذكرك او انبهك على حاجه ماادري اذا انت منتبه لها او لا
حركتك مع الطير لازم تكون بطيئه وهاااديه جداً
وركز ع حركه وحده
الطير واضح انو خواااف ومو عارف انت وش تبغى منه بالضبط
عشان كذا كرر له قددد ماتقدر حركه وحده كل مره لحد مايتعود ومو مشكله كل مره تعيدها له
واعتقد لما كان يطير هذا قبل تقص اجنحته وشي طبيعي لكن بعد ماتقصها بيطير كم مره وبيتعود انو مايقدر يطير وراح يخاف لا يطيح وبكذا بيكون ماله الا يكون معك (ارجع واقول انا اتكلم عن شي جربته شخصياً مع الطيور اللي عندي وكلها بنفس الطريقه)
بس كلهم استغرقو وقت طويل بصراحه
اصبر وثااابر وراح تعجبك النتيجه وتريحك بإذن الله
موفق وانتظر جديدك ..

[حمنا]

اكييييييييد اختي الحركة بطيئة وانا دحين مركز على اني امسح عليه وعلى راسه عشان يرتاح وبعدين باخليه يطلع على يدي ... وبالنسبة انه يطير انا دحين قفلت الاستاند اللي فوق القفص وخليته يجلس فوق القفص وخليت باب القفص مفتوح عشان اذا يبغا يدخل ابشررك ما صار يطير وهوا فوق القفص بس صار يعض ويوخر يدي واذا جيته بقووة يطلع بس انا ما ابغاه زي كده ابغاه على طول يطلع ويكوون متطمن ... تسلمي ما قصررتي والله .. شووفي الصورة حقتي صورته امس انا مسدحه ع الارض وهدا اللي يخليني انقهر اكتر واكتر انوو حتى انا مني عارف هوا اليف ولا لا ..

[amera222]

شوف انا زماااااااان لمن كان عمري يمكن 8 سنين اشتريت درة صغيرة حلوة والله طولت معايا عشان اتعودت
بس شوف نصيحتي لك حاول تلعباها تعطيها لعبة على شكل كورة دبدوب اي شي دخلو لها في القفص
وحاول كل يوم مرتين او تلاتة مرات تخرجها من القفص وتكلمها وتمسد عليها صدقني بتتعود عليك
انا اول ما اشتريت الدرة ما كانت طايقتني صراحة
بس بعدين صارت توقف على كتفي وتلحس بأدني الييييين ما ماتت الله يرحمها
بس زي ما قلتلك اهم شي تحاول انك تتفاعل معاها
وبالتوفيق لك معاها
معليش عالاطاله

[حمنا]

الله يعطيك العافية اخووي ما قصرررت ..
وبالنسبة للالعاب انا معلقلها في القفص العاب عشان تلعب .. والمشكلة عندي انها تخاااف لما تكون فوق القفص واحيانا اخرجها احسها ترتاح معايا شوية بس تجلس شوية على يدي ولا كتفي بعدين تطير ... انا ابغاها ترتاااااااااااااااااااااح من ناحيتي ما ابغاها تخااف مني .. والله ييسر الحال يارب ..