أسئله هامه عن الهامستر والأجوبه عند المشرفين

[عاشق الأبيض]

السلام عليكم ...

اخواني اليكم بعض الأسئله الي دارت في بالي

وحبيت أكسب من خبرتكم شويه

1- كيف أعرف أنه الأنثى حامل ..؟

2- كم فتره حضانه الأطفال..؟

3-وهل يجب فصل الذكر عن الأنثى وقت حضانه الأطفال..؟

4- كم يوم أخلي الأم تحضن عيالها..؟

5- كم أكثر عدد تقدر الأنثى ان تنجب وكم أقل شي ..؟

6- شو الي يخلي الأنثى تاكل عيالها ..؟

7- هل الهامستر يتأثر بالبرد و الحر..؟

8- ليش الهامستر يرقد بالصبح ويلعب بالليل..؟

9- كيف أقدر أهيئ قفص للهامستر يناسب طبيعتهم..؟

أتمنى احصل الأجوبه على أسالتي من قبل المشرفين و الأعضاء والسموحه عالقصور

[Withered Rose]

و عليكم السلام و رحمة اله وبركاته الصاروخ :)



1- كيف أعرف أنه الأنثى حامل ..؟

إنتفاخ البطن و تكوه و يظهر بوضوح بعد 10 أيام لكل الأنواع و زياده تخزين الطعام و بناء العش ..

- كم فتره حضانه الأطفال..؟

21 يوم الفطام ..

3-وهل يجب فصل الذكر عن الأنثى وقت حضانه الأطفال..؟

نعم

4- كم يوم أخلي الأم تحضن عيالها..؟

21 يوم هنا تقدر تعزلهم و تقدر تخليهم معاها أيضاً .


5- كم أكثر عدد تقدر الأنثى ان تنجب وكم أقل شي ..؟

بالنسبه للروسي ممكن تنجب في الغالب من 2 إلى 8 و ممكن أكثر و لكنه قليل أما السوري المتوسط من 5 إلى 12 و قد وصلت حاله إلى 20 صغير ..


6- شو الي يخلي الأنثى تاكل عيالها ..؟

الضغط و التوتر بكل أنواعه سواء من زوجها او المربي يجب تركها وحيده و توفر الهدوووء بالمكان و توفر الطعام و الشراب 24 ساعه لتجنب توترها أو تعرضها للجوع فتلجأ للصغار .. و أيضا تعويدها مسبقا على أكل اللحوم يشجعها على أكل الصغار .


7- هل الهامستر يتأثر بالبرد و الحر..؟

نعم الحر يقتل الهامستر و أيضا البرد الشديد عموماً درجة الحراره لازم تكون بين 18 إلى 25 درجة مئويه ..


8- ليش الهامستر يرقد بالصبح ويلعب بالليل..؟

طبيعته :)
و أيضا نظره الضعيف لا يساعده على الرؤيه جيداً في الأضواء ..


9- كيف أقدر أهيئ قفص للهامستر يناسب طبيعتهم..؟

أقفاص الهامستر المخصصه المتوفر فيها العجله و النشاره و المشربه و منزل صغير كفيل بإسعاده طوال حياته و يراعى حسن اختيار المكان الذي سيوضع به القفص و يكون هادئ معتدل الحراره ..





تربية موفقة إن شاء الله :)

[عاشق الأبيض]

مشكوره يا Withered Rose

لج من عندي أحلى باقه ورد والسموحه جان تعبتج معاي

بس عندي سؤال متى الأنثى تتهيأ للولاده او متى فتره التزاوج

[Withered Rose]

مشكـــــــور ما تقصر مافي أي تعب :)

الانثى عندها كل 4 أيام ممكن تتزوج .. أول شي إعزلهم اسبوع و بعد الإسبوع ردهم مع بعض إذا الإنثى ما تقبلت الذكر اعزلها و ردها اليوم الثاني .. و نفس الطريقه بالنسبه لليوم الثالث و الرابع .. واحد من هالأيام راح يكون ممكن تتزوج فيه .. هذي طريقة قريتها و نفعت مع هامستراتي أتمنى تنفع مع هامستراتك ..

[رعوود]

اختي ويذر سبقتني وردت عليك

وما شاء الله عليها كفت ووفت كعادتها

[jojo111]

لكن اذا عندك معلومات اضافيه زيدها
يا خبيرنا

[توازن]

الاجوبة عند المشرفين

وانا وش دخلني؟

[ميشوٍ جدهـ]

توزان عآديُ عآدي تسير في ارقى العائلات لووولُ ^^"

يآلله توزآن آطلعى زييُ خخخخ < طرده قوويه :D

وماقصرت الاخت ويذرُ

بآلتوفيق

[عاشق الأبيض]

شكرا لكم كلكم بدون أستثناء

[مدمن حيوانات]

أنا كنت أبي أعرف هذا الشي عشان أتأكد وهامستري حامل
هل لازم أفصله عن الذكر ؟؟؟؟