تسجيل الدخول

مشاهدة النسخة كاملة : كلبتي على وشك الولاده واحتاج مساعده

Bo-Rashed
08-01-2012, 08:58 PM
السلام عليكم

كلبتي ثاني حمل لها و علي وشك الولاده

هي حالياً في يومها ال 62

ولكن الي استغرب منه انه اذا ظغطت على حلمتها ما يطلع حليب

بالاضافه الى ان بطنها غير متفوخ كثير + انها لحد الحين تلعب بحماس و تركض ؟!

في شباب نصحوني اعطيها حبوب كالسيوم ؟ رايكم ؟

ومشكورين وماقصرتوا مقدماً :)
jassim99
08-01-2012, 09:07 PM
ممكن ترفق لنا صور للكلبه من ناحية البطن !!
mr>محب الارانب
08-01-2012, 09:08 PM
+1 صوووره
Abo_fahed
08-01-2012, 09:36 PM
ممكن ترفق لنا صور للكلبه من ناحية البطن !!

انا مع راي أستاذ جاسم

الموضوع محتاج صور

وعندي سؤال لصاحب الموضوع

انت ذكرت ان هذا ثاني حمل لها

حملها السابق هل كان حمل كاذب؟

او حملت وانجبت ؟

اذا حملت وانجبت من قبل

هل كانت بنفس هذي الظاهرة ؟


وفي حل سريع تقدر تعمله

وهو أنك تعمل أشعة لبطن الكلبة

حتى تتأكد من وجود الأجنة
MoHaMmAd _999
08-01-2012, 09:58 PM
كلام اخوي جاسم على متمه ياريت صوره

تقبل مروووري............
Bo-Rashed
08-01-2012, 10:24 PM
المرة الاولى حملت وانجبت

لكن المرة الاولى كانت متينه حيل ف البطن ما كان اصلا مبين

وتفاجئت انها انجبت من كثر ما كانت متينه فما كنت متأكد انها حامل

والصور للأسف ما أقدر اصورها حاليا لانها بالشاليه

بو فهد ولد عمي اخذها ووداها البيطري و يقول انه سوالها سونار وانا مو متأكد من كلامه صراحه لانه دائماً ماله خلق بس السونار قال انها حامل على كلامه ( ادري كلامي غريب ، بس أهوا يحب يطلع فيها و يقز p; ، و أنا شرطت عليه انه يفحصها )

ولاحظت ان شهيتها قلت بالنسبة للأكل و هذي مؤشرات حمل ، والله محتار !

س/ اذا كانت فعلا حامل ماهو اقصى مدة للحمل هل هي 66 يوم ؟

س/ هل ممكن تكون حامل وما يكون الانتفاخ كبير ( الكلبه هاسكي ) ، و هل من الطبيعي في بعض الحالات انها تركض و تكون بحماسها لما تلعب و يكون الحمل موجود فعلا ؟

س/ شرايكم بحبوب الكالسيوم تنصحون أعطيها ؟
DobermanFAN
08-01-2012, 10:29 PM
أخوي بكراه تاخدها وتمشيها وتركضها وقت طويل .... وخير ان شاء الله وتولد ^^
~S3ood~
08-01-2012, 10:33 PM
مدة الحمل عند الكلاب تتراوح بين 58 و 63
وآذا على الحركـه الزايده فهاذا شي عـادي آنا كانت عندي بت كله تناقز وكانت حامل فهاذا شي عادي
وباقيلكـ يوم آنطر آذا حامل بتقط اليراوه فآصبر وجوف
Abo_fahed
08-01-2012, 10:38 PM
الحمل الطبيعي لغاية 63

قد يتأخر الى 68


الكلبة لازم تخف من مجهودها

يمكن تكون حامل والعلم عند الله

في الوقت الحالي

اهي تحتاج للبروتينات أكثر

ولا مانع من الكالسيوم


والكالسيوم تحتاجه أكثر

بعد الولادة
Bo-Rashed
08-01-2012, 10:58 PM
بو فهد أنا عندي ال Vigest متى تنصح ابلش أعطيها ؟ و هل أعطيها مع وجباتها ؟

مشكورين جميعا و ماقصرتوا

وبإذن الله اذا تم الحمل راح انزل الصور بالمنتدى

يعطيكم العافيه :)
Abo_fahed
08-01-2012, 11:00 PM
الـ Vigest

فيتامينات يالغالي

يعوضها عن الأملاح والمعادن

تعطيها للكلبة مرتين في اليوم

ويكون على يوم وترك


بإذن الله وراح نفرح بالجراوي

وننتظر الصور بشدة