كاسكو يعرج!!؟

[YaSeR_IRQ]

السلام عليكم

شلون الصحة اخوان وشلون صحة طيوركم ان شاءالله بخير يارب..

الموضوع مبين من عنوانه .. الكاسكو مالي كان طبيعي في القفص رحت للشغل ورجعت شفته جالس اسفل القفص .. بالبداية شفت الضروك ماله تكرمون .. طبيعي لكن حركته شوية خمول

اخيرا اكتشفت بانه يعرج .؟؟؟ الظاهر واكع او شي ( الكاسكو حقي بدون مخالب ماادري ليش من اشتريته )

المهم هل خطر على الطائر او مسألة وقت ويرجع ؟ ام مرض خطير؟


ارجو الرد يااخوان الخير وماتقصرون مقدما

[ٌابوعمر]

اتوقع طايح من اعلى القفص او شي مثل كذا ممكن تكون مجرد رضوض وممكن اكثر ياليت تحط مقطع فيدو عشان نشوف مستوى العرجه عنده وان شاء الله مافيه الا العافيه

[YaSeR_IRQ]

مشكور ابو عمر على الرد السريع ... الصراحة مااقدر احمل فديو على النت ... خطي بطيء
بس ممكن تكون حالة خطرة ؟؟ او يحتاج مجرد راحة؟؟ وشنو نصيحتك ؟؟ اخلي بالقفص او على الستاند او على مكان عدله حتى يرتاح اكثر؟

[ٌابوعمر]

متغير لون رجله الي تعوره ؟ يوقف عليها ولا لا؟ اكله طبيعي ؟
انصح تخليه بل قفص وتنزل المجثم تحت خليه قريب من ارضيت القفص عشان مايحاول يرقى ويقوم طايح مره ثانيه

السبب عدم وجود اضافر برجلينه

[YaSeR_IRQ]

لا مامتغير لون الرجل ... لما يوقف مايكدر يوقف عليها يرفعها ... الاكل قليل نوعا ماا ..ومشكور ماتقصر .. يعني حالة ماتخوف ان شاءالله؟

[ٌابوعمر]

ان شاء الله مجرد رضوض ننتضر الاخوان وان شاء الله يفيدونك اكثر مني بس اتوقع مجرد رضوض

[YaSeR_IRQ]

بارك الله بيك اخ ابو عمر ... وننتظر رأي الشباب ايضا

[YaSeR_IRQ]

اخوان بدأ البغبغاء ينام اكثر من الطبيعي زائد الاكل قليل ؟؟اكو خطر ؟

[هاوي الغيني]

ببغا ئي كم من مره طاح منفوق القفص ما سا رله شي وهو غيني

[honey1992]

اخوي السؤال
ليش ماتودي المسكين بيطري يريحه ويعالجه
شي طبيعي تنتكس حالته
المسكين لاقادر يتكلم ولا يشكي بس يتألم ومو المفروض ننتظر نشوف وش يصير له
حاااول قد ماتقدر توديه للبيطري ويارب يشفيه ..

[YaSeR_IRQ]

ببغا ئي كم من مره طاح منفوق القفص ما سا رله شي وهو غيني

اخوي الظاهر الي عندك اصلي والي عندي صيني هههههه ^_^

اخوي السؤال
ليش ماتودي المسكين بيطري يريحه ويعالجه
شي طبيعي تنتكس حالته
المسكين لاقادر يتكلم ولا يشكي بس يتألم ومو المفروض ننتظر نشوف وش يصير له
حاااول قد ماتقدر توديه للبيطري ويارب يشفيه ..

اخوي العزيز اولا انا ليش كتبت استفساري هنا؟؟ لان عندنا مايفهمون ... قبل فترة مات عندي كاسكو ... لان عطو ادوية غلط

[ٌابوعمر]

للاسف ماقدر اقولك غير الله يشفيه ماعندي خلفيه عن الموضوع الله يكون بعونك

[honey1992]

مشكله والله
خلاص ارسله لي بريد انا اوديه بيطري بس مو اكيد ارجعه لأني اعشق الحيوانات ههههههههه استهبل معك
طيب اخوي وش صار عليه الحين طمنا وقول لنا ايش سويت له ..

[Mr.3zo]

آنآ ببغآئي جسمة قوي من ناحية اني اخرجة للشمس وكذا

وهو يطيح احيانا من فوق بس مايجسه شيء

طيب شوف وده لطبيب بيطري وشوف وش يقول لك !!!

[YaSeR_IRQ]

مشكورين اخوان .. على الردود .. الصراحة الخميس وديته لعشر عيادات بيطرية لكن كلهم معزلين ..
ورحت لغير مكان ايضا معزل .. لان الخميس نص دوام عندنا ..

واليوم وديته على بيطري الوحيد الي يفتح هذا اليوم ... شكله اول مرة يشوف بغبغاء هههه
رح اصبر لبكرة .. اودي مرة ثانية ..


حاليا البغبغاء تقريبا تعافى من مشكلة رجله لكن حاليا يعاني من خمول وعدم اكل + الاخراج اصفر مع اخضر ...

العلاج الي عندي .. فيتامنيات مع علاج ثاني للالتهابات والاسهال واتمنى يعدي هذه النكسة .. دعائكم *_*

[bab-32]

انا كان عندي امازون الله يذكره بالخير كان يحب الاستطلاع و مرة وقع من الطابق الثاني للطابق الاول و كمل للمطبخ بعد هعع و لما شافني لحقني يريد يرجع فوق لمكانه فوق القفص هع

[YaSeR_IRQ]

مات ..

[honey1992]

يإالهي :(:(:(:(
مسكيييين:(
لا تعليق:(
الله يصبرك ويعوضك خير