مساعده الله يدخلكم الجنه

[عبد المجيد .]

السلام عليكم ورحمة الله وبركاته انا ابي مدرب للببغاء الكاسكو حقي وعمره 12شهر بس ابغا اعرف كم سعره وكم يحتاجه من الوقة وابيه بسرعه بسرعه بسرعه الله يوسعلكم

[مس^^مس]

ماتقدر تثق ب مدرب ..

دربه ب نفسك افضل ..

[بلاك بيري]

نصيحتي ربيه بنفسك واقراء مواضيع المنتدى راح تستفيد كثير

تحياتي

[honey1992]

اخوي دربه انت ليش مدرب ؟؟!!!
ماراح يتعبك كثير ولا راح ياخذ ذاك الوقت
وعشان تكسب ثقته وحبه لك اكثر
يمكن زي ماقالت الاخت يكون المدرب مو موثوق فيه ويصير لطيرك شي
او يجيه خوف دائم ويصير يخاف من اي شي
المدرب ماراح يحن عليه زيك ...
شفت معامله مو حلوه ابداً من ((( بعض))) اللي يتاجرون بالطيور مو كلهم
فما بالك بمدرب !!
هذا رأيي ونصيحتي لك والقرار النهائي راجع لك اكيد
ماعندي خبر يمكن غيري يفيدك
تقبل مروري واعذرني عالاطاله

[عبد المجيد .]

بس انا ما افهم شي كلش وقرية كل المواضيع وانا بصراحه اخاف منه اول ما يجعر تلقاني عند الجيران لاكن الحمدلله ما جعر على من شهر تقريبن لاكن راح اسمع كلامكم وان شاء الله راح اروضه باذن الله وشكرا ل<مسمس و بلاك بيري وHONEY>فدية قلوبكم كلكم ومشكورين وشوركم وهداية الله

[عبد المجيد .]

طيب اخر سوال حقي عمره سنه وحجمه جامبو كبير ووالله اخاف ياخذ اصبعي معه وش تنصحوني والله متردد, وكم يحاج وقت عشان يصير اليف

[honey1992]

والله هذي يبيلها لابتوب وقعده وتدريس
ولا يهمك انا اتكلم بجوال الحين لأني خلاص بنام
اذا صحيت بكرا ان شاء الله دخلت باللاب وقلت لك على كل شي ومشيت معك خطوه خطوه..

[لك عين تسحرني]

هههههههههههههه والله ضحكتني لمن قلت لا جعر تطير عند الجيران ههههههههههههه دامك تخاف ليه تشتريه وانا كمان من رئي اخواني دربه بنفسك احسن لان يجوز المدرب يبدله او يسرقه او يعذبه

[ٌابوعمر]

انا نصيحتي لك غير شكل بيعه براس ماله واشتري اليف وريح عمرك !!

[بغبغاء رمادي]

من جد كل اللي ما ياخذ صغير واليف ماربح^^

[بلاك بيري]

ههههههههههههههههههههه حلوة كل ما جعر وصلت الجيران اجل اليا جيت تدرب بلغ الجيران يخلوا بابهم مفتوح على طول ههههههههههههههههههههههههههههههههههههههههههههههههههههههه

الله يوفقك حبيبي وان احتجت شي تعال عندنا موب عند الجيران ههههههههههههه

[monybat]

هاهاها الصراحة انا كنت نفس الحالة

واخاف يعض بس شوف الجعير ما في من خوف وفي طريقة تخليه ما يقدر يعضك شفتها على اليوتيوب موقع اجنبي

وهي اعطاء الطائر ظهر اليد يعني سكر ايدك مثل البوكس وبعدين خلي الاصباع وهي مضمومه داخل بطن الايد وموجة للاسفل وبالتالي ظهر اليد هو بيكون مقابل وجه الطائر في خمس دقايق تتخلص من العض وراح يتعود عالايد انها بدأت تدخل القفص وما يقدر يعض لانك لام ايدك مثل البوكس بس مع نزول الكف للأسفل
وطبعا تبدأ من مسافة أي ايدك في الدقية الأولى خارج القفص بعدين سيبه وتعال ثاني ابدأ افتح القفص ومع تقريب اليد وطبعا ثبتها لا تحركا وخلة وتعال ثاني وقرب المسافة لين تلاقي ايدك ملامسة للمنقار

وبعدها لما يتعود روح جيب المبسم مال الشيشة حطة بصبعك وحط صبعك بالعسل اوكي وهو الان اتعود على شكل الايد لما تدخل صبعك حاب يستكشف فراح يحاول تقريب فمة مع عضة بسيط جدا ليجد العسل بها وبالتالي راح العض طبعا انت سمعت عض خفت هو ما راح يعض صبعك هو راح يعض المبسم ها اش رايك يعني انس العض اوكي وكل ما تدخل ايدك يبي يلحسها وممكن تستخد العسل او فيمتو او مربى توت

واذا حصلت فيديو راح ابعثة لك طيب في حالة انك حسيت فشلت تأكد انك ما فشلت لانك كسرت حاجز الخوف عندك بتنفيذ هذه الطرق وايضا اعطيت فكرة للكاسكو ان الان اصبح وقت التغيير وبالتالي انت نجحت وحتى لو بنسه ضئيله عاود المحاولة مرة اخرى ومن الممكن استخدام طرق الاخ سكر وبالتالي كل الطرق تؤدي لهدف تؤكدة للببغاء الا و هو الترويض وراح تنجح بإذن الله تعالي

واسف عالاطالة

[monybat]

ادخل على اليوتيوب واكتب how stop biting parrot راح تلقى الفيديو

[بكاتشو]

هههههههههههههه احس الجيران بناتهم عليهم عبايات حتى بالبيت متغطين من حضرتك كل شوي مشرف عندهم بالصاله
اخوي المشكله فيك انت مو في الطير ومشكلتك انك تخاف وكذا الببغاء ما راح يعطيك وجه ابد
زي ما قالووو الاخوان لا تبين خوفك وخله يعظ وأيدك في وضع ما يمسك الجلد زي قبضة البوكس ومسكر على الإبهام تكلم معه كثير كانك تسولف على واحد من ربعك
لا ترفع صوتك قوووه او تهاوش عليه اذا عض قله عييييب وارجع له مررره ثانيه
واهم شي اذا جنك عضة لا تحقد او تزعل اضبط ردة فعلك وبيعرف الطير انك انت اللي مسيطر عليه مو العكس
وانا شايف ابو جيرانكم بقسم الكلاب بيشتري بوليسي اجل انت السبب ههههههههههههههه
الله يوفقك

[بكاتشو]

هههههههههههههه احس الجيران بناتهم عليهم عبايات حتى بالبيت متغطين من حضرتك كل شوي مشرف عندهم بالصاله
اخوي المشكله فيك انت مو في الطير ومشكلتك انك تخاف وكذا الببغاء ما راح يعطيك وجه ابد
زي ما قالووو الاخوان لا تبين خوفك وخله يعظ وأيدك في وضع ما يمسك الجلد زي قبضة البوكس ومسكر على الإبهام تكلم معه كثير كانك تسولف على واحد من ربعك
لا ترفع صوتك قوووه او تهاوش عليه اذا عض قله عييييب وارجع له مررره ثانيه
واهم شي اذا جنك عضة لا تحقد او تزعل اضبط ردة فعلك وبيعرف الطير انك انت اللي مسيطر عليه مو العكس
وانا شايف ابو جيرانكم بقسم الكلاب بيشتري بوليسي اجل انت السبب ههههههههههههههه
الله يوفقك

[عبد المجيد .]

:oطيبmonybat من وين القى القفاز ابي امسكه لانه حجمه كبير او تفضل الفوطه وبجد انا اشكرك من كل قلبي انت وبيكاتشو وبصراحه والله حبيتك يا monybat:freind:

[عبد المجيد .]

واكيد بيكاتشو بعد

[honey1992]

هلا اخوي وش الاخبار ؟؟
ووش اخبار الجيران اليوم ان شاء جعر ورحت تتطمن عليهم ؟؟
القفازات الله يسلمك يفضل تكون حقت اللحام وبتلاقيها اعتقد في محلات السباكه وزي كذا يعني
والمنشفه والله مدري اذا خففتها اخترقها بمنقاره لأنو حاااد اسأل مجرب:d
واذا ثقلتها او خليتها كذا طبقه بيصعب عليك التعامل معه ومسكه براحتك غير كذا يمكن تمسكه بالغلط من جناحه او تسفط رقبته بدون لا تدري
وانتبه تبين له انك خايف انننتبه حسسه انك المسيطر زي ماقالوا
واذا حسيته هجم او قرب يعض لا تسحب يدك بقوه كذا بيحس انك تبي تهاجمه وبيبدا معك حرب تخليك تدخل بيتنا مو بيت الجيران ههههههههه
استهبل بس الله يوفقك ويعينك
وطمنا وعطنا اخبارك اول بأول واي شي تبي تستفسر عنه تعال هنا وبتلاقي جواب سريع بإذن الله
الله يسعدك
مووووفق ...

[monybat]

اخي العزيز اسف عالتأخير انا ما احب القفازات لانها تجعل الطير في حالة هياج وعصبية

افضل المنشفة وايضا لا تستخدما الا للضرورة وحاول قيل ما تسوي الحركة اللي قلتلك عليها ابدا بعصا صفير اصغر من حجم المجسم ومن الممكن وضع ليها الفيمتو او العسل من الامام وشوف ردة فعل الطير وفي حالة عض على العصا لا تسحبها على الخفيف ادفعها تجاهه وهذا يوضح ايضا اذا صبعك مكان العصا شنو راح يصير عند دفع الطير للخلف بس برفق طبعا العض لا يوجد به الم على فكرة انت تحس بالالم عند سحب الصبع مثال على ذلك قم بعض اصبعك :) مثلا هل قوة العضة اللي عند النسان اقوى ام الببغاء ستجد ان فك الانسان لا يستهان به ةخصوصا مع وجود الانياب فما بال ك بعض الببغاء شئ لا يذكر ولكن اذا قمت بسحب يدك يكمن هنا الألم كأنك تاكل ريش الخروف :) فاذا عض ادفعة للخلف بسيط راح يسيب اصبعك على طول وخلي في اصبعك عسل او توت

واحب اقولك شي مهم الجعير ليس له علاقة بالعض يعني ممكن تتخلص من العضة ويركب الطير عالايد وتمسحة علية ولكن يجعر وهنا عند وصول لهذه المرحلة سوف اقوم بإفادتك ان شاء الله

الان عندك يومين الجمعة والسبت من غدا قم باعطاءة نصف كمية الاكل مع التكد من ان صحة اوكي لا يوجد اسهال او ماشابه الساعة 9 مساء قم بوضع نصف كمية الاكل ايضا وغطي القفص بس خلي فتحات تهوية يعني ثلاث جهات فقط اوكي

انس الطير الان وعيش حياتك الصبح يبدأ الشغل الجمعة قوم الساعة 7 ارفع الغطاء غير له الاكل والمياه وبعده ابداء التدريب
اغلاق كل الاجهزه
حتى لا ينشغل عنك
عدم وجود اطفال او اي شئ يلفت انتباه

لا تضع القفص في مكان عالي اثناء التدريب حتى لا يتأذي الطير

ضعة عالارض اجعل بجانبك المنشفة (فوطة) او ماشابه احتياط
اجعل بجانبك عصا مثل المجسم او حجم اصغر
افتح باب القفص خلة يطلع في حالة ان جناحة كامل التدريب يكون داخل القفص

لانه ممكن يطير يتأذى وتأكد من شئ مهم وهو لا يوجد خوف الابرة اللي ناخذها بالمستشفى تؤلم عن العض
ولا تحط في باللك انه راح يشيل اصبعك خلاص لا لا تخف كل هذا تهيئات والله يكرمك وتقدر عليه

انت المسيط وليس هو .... توكل على الله

[monybat]

انت المسيطر وليس هو .... توكل على الله

[عبد المجيد .]

السلام عليكم ورحمة الله الكلام موجه لك انت ياhoney19وmonybat :freind:اول شي انا بدربه بعد خمس ايام عشان الاختبارات ثاني شي بسالكم انا بالبس القفازات واحط الفوطه للاحتياط هل يقدر يخرق القفازات:confused: واذا بديت ادربه كم يحتاج عشان يصير اليف والله انتم املي الوحيد بعد الله:shy:

[monybat]

اخي العزيز من غير قفازات ولو الببغاء تمكن من نقاط الضعف بالقفاز يخترقه الا في نوع يكون من داخل زي سلك قوي جدا مال الحداد بس لا انصح باستخدام القفاز لان ممكن تسويله عقده وما يحب كل شئ بالهدوء واذا ما استجاب اول مره ثاني مره يستجيب ان شاء الله خلي المنشفة جنبك احتياط فقط والله يباركلك

[عبد المجيد .]

السلام عليكم شوف والله انا اليوم جربة حطية عصا داخل القفص شكله حاس انه فيه شي فقام عضها لدرجه لني خليتها مع ان العصا حديد والله مقدر في محل عندنا برياض اسمه جون اخليهم يدربونه موثوق فيهم احسن من غيرهم وكل يوم اروح اشوف

[honey1992]

هلا عبدالمجيد
اعتذر تأخرت عليك ..
طيري اليف ورحت امسكه امس بمنشفه ابي بس اقدر احك راسه والله ويخترقها ومن الالم سحبت يدي ويوم سحبتها فلت من المنشفه وتعلق بإصبعي لييين حسيت ان العضه بالعظم ومو راضي يفكني ومادريت الا لازق في الكنبه زين بس مو في الجدار ويرجعلي مره ثانيه يعني يبي يعض مابعد خلص الاخ
قسم روضني هو مو انا اللي روضته :D خخخخخخ
شكل طيرك مرررره متوحش
شف بما انك ولد فإنت قادر تجلس عندهم وتشوف معاملتهم مع طيرك
جون مكان محترم ومعروف وانا اول مره ادري انهم يروضون !
انت انتبه لكل النواحي واذا بتكون عندهم وهم يروضونه فتوكل على الله وخذ الطير لهم
بس حط ببالك انو لو اسائو المعامله او اوجعوه او شي فإنت بتتحمل ذنبه
توكللل على الله وان شاء الله يكون خير
وطمنا اخوي وش بيصير معك
والله ييسر لك اختباراتك ويوفقك ولا تشغل بالك بالطير كثير اهم شي مستقبلك<<< اسمعو من يتكلم :D
اعتذر عالاطاله ...

[عبد المجيد .]

واخيرا لقيت احد معي اجل اتوكل على الله يمكن بعد كم يوم اروح مع اني بفقده لاكن وش اسوي وبخصوص محل جون هذا اخوي الي قالي يعني بشوف وان شاء الله يصير اليف:freind:

[monybat]

ما في مشكله وده المحل وخله يعلمك ويظبطه لك ولا تدفع فلوس لين لما تحط ايدك ما يفتح فمه يعني ينسى العض خلك من الجعير يطيح لحاله اهم شئ تخلص من العض ومسح الراس والله يوفقك

[RAYCARD]

انا دخلت الموضوع وانا كذا اسوي :eek:

بس ياخي فجعتني حرام عليك :D

حاول تدرب الطير انت احسن

يحبك ويتعود عليك افضل

والاخوان ماقصرو معاك بالرد :88:


تقبل مروري المتــواضع

[abo-m7md]

أخوي بالنسبة للعض شف هذا وتتخلص منه:.
http://www.youtube.com/watch?v=37j7rf_mFWw

وتقدر تحط على اصبعك عسل طبيعي أصح للببغاء