مساعدة بخصوص درتي

[amera222]

السلام عليكم ورحمة الله وبركاتة
شباب ابغا مساعدتكم بليز
انا اشتريت درة امس والحمدلله
والحمدالله تلعب وتتشعبط في القفص
لكن المشكلة انها ما تاكل ابدا ما شفتها تاكل والله خايفة عليها
وكمان كل شوية تنام ايش المشكلة رجاء ساعدوني واكلها حب الشمس هادا وحطيتلها تفاح بس ما اكلت
وللمعلومة ما اعرف مم عمرها بس في طوق عالخفيف يمكن ما ظهر لسه
ارجو مساعدتكم وشكرا

[Mr.3zo]

طيب شوف يمكن مانامت زين لأن الببغاء يحتاج 8 سآعآت للنوم فقط

آو يمكن ملت من حب الشمس يمكن اللي قبل كانت عنده مكثر لها حب شمس

او يمكن من القفص متضايق فيه

انا اقول لك

اشتر لها الحب المخلوط

وشوف كان القفص صغير وهي تدور فيه كثير اعرف انها متضايقة .

او يمكن مانامت زين انت خصص لها وقت تنوم فيه

انا قد صار لي مثلك اول ماشريت ببغاي البلو فرنتد

بس الحمدلله سويت معه كذا والحين ياكل ويلعب ومستانس

اتمنى انني افدتك

تقبل خالص تحياتي اخوك \ ابو محمد

[ٌابوعمر]

اول يوم مايقاس عليه اي شي لا الفة الطير ولا كلامه ولا اكله اصبر شوي لبكره وبتشوفه ياكل ولا تخاف ماهو ميت خليه بل حاله كم ساعه بتشوفه ياكل

[honey1992]

اهلاً يااميره
شريتي دره ؟ ماشاء الله تبارك الله الف مبروك الله يخليها لك ان شاء الله
خليها لحالها بغرفه ولازم تكون بمكان مرتفع
واعتقد لعبها هذا خوف وتبي تطلع
فنصحتي عن تجربه وخبره نوعاً ما
لازم تتقصص اجنحتها ويكون اكل الطير بالقفص وخلي بابه مفتوح بتلاقينه يطلع فوقه ولو بغا اكل راح ينزل ياكل من نفسه عشان يحس انو مو محكور ويحس انو حر وتصير نفسيته تمااام بأقل من الوقت الممكن يعني مثلاً عشان افهمك :- لو طيرك محتاج شهرين عشان يألف عليك ومايصير يخاف كثير راح تصير المده شهر !
انا جربت مع طير مافتحت له القفص لأني قريت هنا انو ماافتح له لحد مايتعود
وجربت مع طير ثاني كان مررره متوحش وعلى العكس لما فتحت للثاني القفص من ثاااني يوم شريته
وربك وربك صار اليف في اسبوع
وعاد تختلف طبعاً على عمر الطير ونفسيته لما كان عند صاحبه
لكن لو قسناها بالمنطق بنلاقي طبيعته حر ولما تسوين له اللي يحب راح تلاقينه يحس بحبك له وبيبادلك مباشره بحبه لك بإذن الله
{{عن تجججربه}}
انا اتمنى ترفقين صوره للطير وهو بالقفص
عشان نشوف حجم القفص ونحدد عمره وجنسه اذا تبين
واعذريني عالاطاله
ولو بغيتي اي استفسار حاضرين
تقبلي مروري الطويل
الله يوفقك ..

[honey1992]

اختي نسيت اقول انتي لسى شاريتها مستحييل تاكل من اول يومين وعندها احد وصوت او تحس انها مراقبه
ياليت توفرين لها هدوء قد ماتقدريييين لأن المسكينه مرره خايفه :( ومايجيها وينظف لها المكان ويعطيها اكل غيرك عشان تتعود عليك ..

[sweet_heart]

وضع طبيعي جدا

اصبري عليها