استفسار بخصوص وجود دود فى البراز

[ام شريف]

السلام عليكم ...

القطة اللى جبتها من اكتر من شهر ونص عشان تبقى عروسة ميشو لما جبتها كانت ضعيفة وشعرها بيقع واول براز عملتة عندنا كان فية دم ... رحت صيدلية بشرية وجبت دواء ديدان اسمة فلوفير ...
واديتها منها مرة يوميا لمدة 3 ايام وراح الدم والبراز بقى عادى .. من يومين بقى لقيت عى الشعر حول فتحة الشرج 3 بويضات وظاهرين بالعين المجردة .. والنهاردة لقيت اسهال فية دود حى بيتحرك .. دود ابيض .. وشكها تعبانة ومش بتقدر تلعب زى الأول بس شهيتها مفتوحة وعايزة تاكل على طول ... هى شيرازى عمرها 7 شهور .. يا ترى فية علاج ؟ انا ممكن اجيبلها من صيدلية بيطرية مش مشكلة اروح اى مكان ادور واجيبلها بس المهم تكون حاجة كويسة وتجيب نتيجة ...
جزاكم الله خيراً

[شاهستا]

وعليكم السلام ورحمه الله
اهلا بيكى ام شريف
فى دوا فى الصيدليه البشريه اسمه بنداكس لاطفال
هتديها 3 سم مرة فى اليوم لمدة 3 ايام
وادى كمان ميشو لان الديدان معديه
والجرعه هتكرريها كل 3 شهور

[الخبيرة ناديا]

مثل ماقالت مشرفتنا ضروري تعطي العلاج للجميع القطط الموجوده عندك في البيت

وكرري العلاج بعد اسبوع من الايقاف والراحه بنفس المقدار اللي وصفته لك شاهستا

والله يشفيهم يارب

[ام شريف]

شكراً جزيلاً على إهتمامك ... اجيبة ان شاء الله واتبع التعليمات ... فى حاجة كمان .. هي لونها ابيض ثلجى وطبعا مش بحميها عشان الشتاء والجو صعب جدااا .. وهى لونها بقى غامق من قلة الحموم .. يا ترى فى حاجة ممكن اجيبلها ممكن تنضفها وتخلى ريحتها حلوة .

جزاكم الله خيراً

[الخبيرة ناديا]

ممكن ترشي عليها بودره التنظيف الجاف ..

تعطي القطه نظافه وريحه حلوه.

لاكن لاتغني عن الاستحمام ابدا .

حاولي تدفئه المكان واغلاقه جيدا وتحميمها وتنشيفها جيدا باستشوار ..

وان شاء الله مايضرها شي

[ام شريف]

شكراً جداً جداً على ذوقكم وردودكم ... يارب بالتوفيق لمنتداكم الجميل