كيف اطير اخلي الحمام يحوم حول البيت

[حي ومانسيت]

السلام عليكم انا عندي طبه حمام زاجل و ذكر بااكستاني اذا فيكت لهم الباب مايحومون على البيت يجلسون عل الدرايش او على الصطح واحد قال لي اني اذا ابيهم يحومون اخوفهم بقطعه قماش ويحومون انا سويتها يحومون من 5 الى 11 دورة وينزلون مرة ثانيه على الصطح مع ان الحمام يغيم اذا طار

[bird96]

اولا : انا كنت مثلك بدي اياهم يطيرو و شوفهم ويضلو عالأقل 10 دقاق طايرين .

شو تعمل اذا همه كثار ؟؟؟ يعني اذا فوق ال 10 طيور يمكنك لكن انا فاهم من كلامك انهم عدد قليل صح ؟

لازم يكونو كثار 6 اجواز شو تعمل تطلع عالعشه تفوت تغير الماء او الأكل وتضل بالعشه وهمه بالجو شوي وهمه بالجو بدهم ينزلو بس يشوفوك بردو يعلوو وبس ينزلو اضع لهم علف كثير عشان يشعرو بالأمان وما انك خوفتهم وهيك يعني . :)

دير بالك تهوفهم ب قطعة قماش خطأ يمكن يخافو وما يرجعولك @@

[حي ومانسيت]

اها عشان عددهم قليل مايحومو عني
طيب انا حاطهم بمحاكر والمحاكر بالحوش تنصحوني اخليهم مكانهم ولا اغيره احطهم في الصطح

[فيوزي]

اذا تبيهم يحومين حطهم بصطح عشان لما تفلتهم يطلعو لي فوق بس لما تفلتهم من الحوش يطلعو لي الصطح ويجلسون
انا كان عندي 84 زوج غير الزغاليل والغير البيض كنت افلتهم من الصطح يطلعو لي فوق لانهم في الصطح اما لما يكونو بالحوش يطلعو لي الصطح ويجلسون
تقبل مروري

[حي ومانسيت]

مشكور على الافاده بنقلهم الصطح قريب
طيب اذا نقلتهم اخليهم مده ولا على طول افكهم

[bird96]

دير بالك لكا تنقلهم لا تفتح عليهم فوورا اصبر اسبوع وبعدين افتح عليهم .

ملاحظه اذا نقلتهم للسطح دير بالك لا يفوت عليهم ل جوا شمس مباشره او مطر دير بالك . :)

وأذا هو حمام هزازي و شيرازي او امريكي خطأ يطير خارج . :)

بالتوفيييييييييييق :)

[bird96]

دير بالك لكا تنقلهم لا تفتح عليهم فوورا اصبر اسبوع وبعدين افتح عليهم .

ملاحظه اذا نقلتهم للسطح دير بالك لا يفوت عليهم ل جوا شمس مباشره او مطر دير بالك . :)

وأذا هو حمام هزازي و شيرازي او امريكي خطأ يطير خارج . :)

بالتوفيييييييييييق :)

[حي ومانسيت]

لا نوعهم 2 زاجل اخوان
و 1 ذكر باكستاني

[мя.Ćởκάтiėℓ]

السلام عليكم ورحمه الله وبركاته ..


يعني الي عندك كلهم 3 ذكور الزواجل والبكستاني
شوف بقولك نصيحه ممكن تفيدك وبما اني اربي قبل حمام وحالياً راجع
لتربية الحمام لانه كله دواجن ..

اخوي خلط الانواع هذي تقلل من الطيران الطير لانه يفضل كل نوع مع
نوعه بتقولي ليش ؟ لانه كل طير له طيران معين

عند الحمام اللقلاب الي احنا نسميه بالكويت " آلوت "
لو فكيته مع حمام نوع مثل " اللاحم ولا الكينق " ولا حمام سمين
او مايطير تلاقي اللاحم والكينق او الشمسي والطيور الزينه تاخذ لفه وترجع تطب
سوى بالسطح ولا بالحديقه مايطير وتلاقي الطير آلوت او البكساتي يكون معاهم
مايطير لانه الحمام لما يطير يطير على شكل مجموعات مهع بعض


لما تفك الحمام بكستاني كله مع بعض بتلاقي يروح فوق وبعض الباكستاني ماتشوفه
ماشاء الله من طيارانه سوى كان بالسطح ولا بالمزرعه او بحديقة البيت


والزاجل معروف بطيرانه روعه وسرعه بس الي عليك حاول لما تطير طيورك
اول شي مايكون الطير مثقل بالاكل يعني ماكل وشبعان ؟ هذا اهم نقطه
يعني حاول تجوعهم وبعدين طيرهم وحاول بالعصا خشبيه وتغطيها بخيشه
او بكيس الزباله وانتو بكرامه الاسود هذا يخوف الحمام تخليه يطير فوق ،،


بخصوص مكان طيورك هذا يعتمد على المكان والمساحه الي عندك
اذا المكان الي عندك كله شجر ونخل والبيوت قراب من بعض والمكان ضيق
انسى حمامك يطير بشكل صحيح تلاقي لفه لفتين ويطب بالبيوت المجاوله
او ينزل بسرعه

اهني مالك الى تنقلهم للسطح واذا نقلتهم حاول تسوي لهم " محكر " او المكان المخصص
لهم وبعدين جيب قفص صغير حاول تحط حمام وتخليهم فوق العشه او المحكر ليش ؟
خليهم يشوفون المكان ويتعرفون عليه لمده اسبوع حتى يحفظ المكان وبعدها
تطيرهم بشرط يكون الطير مو ماكل وشبعان حتى يرجع مره ثانيه
وحاول تزيد من حمامك اما زواجل او باكستاني ولاتختار انواع ثانيه حتى مايكون تهجين
بينهم ،،

واتمنى افدك ولو بشي بسيط ،،

[حي ومانسيت]

مشكووور افدتني الحين ان شاء الله ببدي مشروع انا وولد جيراننا
بنحط حمام ودجاج بالبر وبنخليهم ينتجون لين السنه الجايه وبنبدا نبيع
عندي كم سؤال زياده اذا حطيت 20 حمامه 10 ذكور و 10 اناث كم يبيلهم عشان ينتجون والنوع اللي بنربيه باكستاني ان شاء الله كيف انتاجهم واحنا مابنطيرهم بنخليهم ينتجون الفكرة ذي زينه ولالا

[мя.Ćởκάтiėℓ]

والله براحتك ،،

الباكستاني ينفع للانتاج وينفع للهوايه لما تطيره
لانه من افضل الحمام عندي لما يطير " ينجم فوق " بعضها بالعافيه تشوفه
والدليل لو تلاحظ مربي الباكستاني يرش من الجناح الداخلي " بلون احمر " حتى يشوفه
واهو بعيد فوق يقدر يلاحظه


اما تبي الانتاج [ وتبي تربح من وراه ] عليك [ بحمام المصري او اللاحم الابيض ]
لانه ماشاء الله سريع التفريخ يعني اول فرخين حتى الفروخ ماتغادر العش تلاقي وضعت
البيض الدفعه الثانيه لك حرية الاختيار
لانك بالبر والباكستاني راح يطير فوق بسبب الهوا ،،

[حي ومانسيت]

اها مشكور
بس بطلنا المشروع
ماعندنا فلوس ومالقينا اغراض ولا لقينا حمام

[قاسم الحاسم]

الله يعينكم

[bird96]

سهل جدا كل هالأشياء .

الفلوس مو شرط تشتري كل شي ما عندكم بالبيت مستودع استخدمه .

والحمام كمان مو شرط نوع غالي متوسط ما بين البلدي و الأنواع االغاليه (^_^) :)