تسجيل الدخول

مشاهدة النسخة كاملة : شوية آسئله عن البط ~

القصايد
15-01-2012, 02:03 PM
آلسلام عليكم

اهلين آخواني و خواتي اخباركم ؟
انا مالي بالمقدمات


قبل فترة رحنا ممجمع ولقينا فيه محل حيوانات وآشترينآ بطه صغيرون ماعرف كم عمرها بس كانت
صغيره مره مثل البط الملون الي يبيعونه بالمحلات لكن مو ملون ,!

^
المهم ماعرف نوعها ولا جنسها
الحين صآر لها شهرين عندنا وصآرت آكبر وحجمها آكبر ,]
انا حاطها معنا بآلبيت لـ سبب آن آختي تخآف عليهآ خوف مش طبيعي
الحمدلله آختي تنضف ورآها على طول يعني مو مسببه مشآكل بس المشكله
ان من يوم ماجاتنا ماحطينا لها حوض ونفس السبب ان آختي تخاف عليها من البرد
تخاف يصير لها شي وهي تبي تشوف آرآئكم
وهنا ألآسئله بـ آختصآر


كيف آعرف جنسهآ ؟


كيف آعرف نوعها ؟


وبخصوص التسبيح ونحط لها حوض علما كل شي متوفر لكن تخاف عليها من المرض والبرد
لن الجو بآرد هالفترة


وكم كل فترة نحط لها الحوض عشان تسبح وكم مدته ؟





والسؤال ألآخير والمهم انا نفسي آجيب 3 كبار عشان يجلسون مع بعض
لن قريت من كم مشاركه مو زين نخلي البطه لحالها وانا نفسي يكون لي بط غير حقت اختي
بس في مشكله لو اجيب أكبر منها حجم أو نوع غير ؟



ويآليت آذآ احد يعرف ناس يبيعون آو عندهم بط وللبيع يعلمني سوآء بالموضوع او على الخاص
ويعطيكم الف عافيه وشكلي طولت عليكم ,]!
мя.Ćởκάтiėℓ
15-01-2012, 02:13 PM
وعليكم السلام ورحمه

اختي البط انواعها ماشاء الله كثيره بس الي عندك ارفقي لنا الصوره
او اسهل ادخلي قوقل واكتبي انواع البط وتطلع لك الصور والنوع البطه الي عندك ارفقيها لنا
بالمنتدى ونقولك لانه كل بلد له مسمى يختلف عن البلد الثاني

والذكر البط ميزته صوته مثل صوت الضفدع
اما الانثى يختلف صوتها عن الذكر والحجم والحركات تبين الذكر من الانثى

والبطه اذا كانت وحيده لازم تحتاج بط ثاني معاها ولا راح تزعجكم بصوتها
والبط احلى مافيه انه معناته جدا قويه ويتحمل البرد والحر وقليل اصابته بالامراض
وخليها تسوي لها بركه ماي احسن للبطه
ومافي مشكلة تجيب بط ثاني لانها وحيده
القصايد
15-01-2012, 02:29 PM
آخوي آلبطه الي عندنا ماعندها صوت نآدر تسسمعه
وهو نفس صوت الدجاج الصغار وعندي فيديو قبل يومين مصصوره هذآ هو

http://www.youtube.com/watch?v=chH3xlSQO2Q&context=C34b3d4fADOEgsToPDskIJYzWDnoMSw89QVJRUUtzk

آخوي ممكن تعلمني وش نوعها ؟

وجنسهآ آذآ تقدر والبركه مو مشكله نسويهآ
بس في مشكله لو جبنها مثلا اكبر منها بكثر ؟
او حججمه آصغر آو نوعها غير ؟

وآذآ تعرف آحد يبيع بط الله لايهينك عطني
شكرآ مقدما
мя.Ćởκάтiėℓ
15-01-2012, 02:40 PM
اها للحين فرخ صعب نحدد جنسها تقريبا والنوع مايبين الى بعمر الشهر ونصف الى شهرين
والي بالفيديو هذي البط المصري يكون له لحميه فوق منقاره ويختلف عن شكل البط الطيار
يكون شكله احلى وافضل ولو صوره لها افضل يمكن انعرف نوعها تقريبا اما الجنس فصب جدا


لازم اشوف صوره البطه لانهم تضطرون تشترون بنفس بعمرها لو كبار صعب لانه ممكن
يصير ضرب اما بنفس العمر تلاقينه بالاسواق او تطلبين بقسم الطلبات العمر البطه
وترفقين صوره البطه الي عندك وبتحصلين
القصايد
15-01-2012, 02:44 PM
آن شآء الله آصورهآ آلحين
بس حبيت آوضح لك نقطه لما شرينها قبل شهرين تقريبآ ,,]
يعني الحين عمرها اكثر من شهرين
والحين بصورها وبحطها بالموضوع

وعلى كلامك في نوع احلى اسمه الطيار
بس عندي سؤال ممكن يكون غبي
هل يطير ؟
وممكن اسعاره بحدود كم وين يبيعونه
او تعرف احد يبيعه
وصورته

سويت موضوع بقسم الطلبات ,,]
يعطيك العافيه
мя.Ćởκάтiėℓ
15-01-2012, 02:47 PM
والله اختي انا من الكويت ولا كنت بفيدك
بس راح تلاقين تفاعل بموضوعك لانه مربي البط كثار ماشاء الله
والله في انواع احلى من الطيار بس بيكون زينه :$
اهو اسمه طيار وخضاري واكثر من مسمى على حسب البلد واهو يطير بالاصل
بس تربية البيوت والمزارع يكون داجن مايطير عكس الي بالطبيعه
يهاجر من منطقه لمنطقه ثانيه
والله يعافيك
القصايد
15-01-2012, 02:48 PM
وودي آقول نفسي ببطه بيضا مثل كذآ
وش نوعها ؟
وسعرها
وهل تطير لن مابي بط يطير

http://www.youtube.com/watch?v=FpGGIA2j0c4
القصايد
15-01-2012, 02:49 PM
اخوي انا مابي بط يطير نهآئيآ
وكيف اعرف اذا البطه تطير ولالا لن اخاف اجيبب بط ويطير
мя.Ćởκάтiėℓ
15-01-2012, 02:51 PM
هذا النوع فرنسي الابيض
ودايما يستخدومه للحم وللبيض
بس المشكلة بالتحديد الجنس صعب هالنوع يبيله معاينه مو بالصور وبس
لازم بالمعاينه الراس والصوت والحركه ولو اشوف البط الطيار احلى
لانه الذكر يكون رقبته خضرا والانثى تكون بلون اما اسود او بني او لون بني فاتح
мя.Ćởκάтiėℓ
15-01-2012, 02:52 PM
لالا البط مايطير الي بالبيوت والمزارع يكون داجن مايطير ابد
بس حبيت اوضح لانه النوع بالاصل يطير بس الي يكون داجن وتربية الانسان مايطير
القصايد
15-01-2012, 02:54 PM
اهاا يعطيك العافيه


آن شآء الله هالفترة آشتري بط وانزل صورهمم
بس الى ألآن مالقيت
мя.Ćởκάтiėℓ
15-01-2012, 02:56 PM
انتي استعجلتي بطلبك وشفته
ذكرتي بط كبير لو حابه البط الكبير افصليهم عن البط الصغير
لازم يكون البط الي حابه تشترينه بنفس عمرها حتى ماتصير مشاكل
القصايد
15-01-2012, 02:58 PM
آيه والله صآدق

على العمومم مششكور
mosen6
16-01-2012, 09:23 PM
مستر كوكتيل أفادك\كِ كالعادة ما شاء الله:88: