قطتي مريضه ومحتاج بيتاموكس

[Legend 511]

السلام عليكم .،

آنا من مدينة الخبر في السعوديه ..

قطتي عمرها تقريباً شهر .. من امس ما تاكل ولا تلعب واليوم يوم جيتها لقيت حول عيونها مادة حمراء

ويوم شافتني قامت تصارخ شوي وبعدين سكتت وفاتحه فمها .. وبعدها قامت تعطس .. وما تتنفس

من خشمها وكل ما حاولت ما تقدر ..

الحين بيطري جدة مسكر في الخبر .. ومحتاج بيتاموكس .. وين آلقاه ؟

وكم آعطي القطة جرعه ؟

مع العلم آن عندي آخوها عينه كانت تنزل واليوم وقفت وقام ياكل ذرة بس ،،

محتاج ردودكم بآسرع وقت

[الخبيرة ناديا]

القطه واضح ان عندها زكام .

ممكن تعطيها مضاد ايموكس من الصيدليه البشريه .

وخذ المخصص للرضع ..اي الاقل جراما .

اعطيها بمقدار اربع نقط في الفم مره كل يوم ولمده خمس ايام.

مع مراعات وضع القطه بمكان دافي واعطائها زبادي دافي ..

وايضا فيتامينات حتى تقوي مناعتها .

[Legend 511]

طيب الان انا عطيتها قطره العين في كل عين لها

وعطيتها 5 m.l من البيتاموكس ..

هل اللي سويته صحيح ام لا ؟

مع العلم انا الان قاعده وفاتحه فمها واذا شافتني تموء بصوت خفيف ..

وهل هي فاتحه فمها تتنفس منه ولا ؟

ورافضه الآكل

[الخبيرة ناديا]

لاتنتظر عليها اكثر

وديها على البيطري الان حتى يعطيها محلول مغذي .

القطه وضعها صعب جدا الان

[Legend 511]

البيطري اللي عندنا مسكر ..

طيب ما فهمت اللي سويته انا الان غلط ولا كيف ؟

[الخبيرة ناديا]

طريقتك صحيحه ..والبيتاموكس ممتاز.

واعطيها منه مره يوميا ..

لاكن ايش نوع القطره ؟

وهي مو محتاجه لاي نوع من القطرات حاليا .

لاكن اذا كانت القطه لاتاكل نهائي ..

ضروري توديها بيطري حتى يعطيها المغذي.

لانها ماراح تعيش بدون غذاء ابدا ..

بتضعف مع الايام ويصيبها جفاف لاقدر الله .

[Legend 511]

نوع البيتاموكس هو العادي نفسه ..

طيب البيطري عندنا مقفل ..

ما ينفع اشتري مغذي واعطيها بنفسي ؟

[الخبيرة ناديا]

اخي الغالي

انا اقصد اسم القطره المستخدمه لعين القطه ؟

والمغذي ماينفع تعطيها بنفسك لان ماعندك خبره بطريقه تثبيته فيها .

واي خطاء ممكن تروح فيها القطه.

الافضل حاليا تبحث عن بيطري وبسرعه.

والان حاول تعطيها الاكل مخلوط بالخلاط واكلها بالسرنجه ..على دفعات صغيره

واعطيها محلول الجفاف ..اي نوع خالي من النكهات والالوان .

بمقدار صغير ( 5مل كل 4 ساعات )

لمده يومين حتى تتاكد من استرداد صحتها وعافيتها

[Legend 511]

طيب اذا وديتها للبيطري اقوله بس عطها مغذي ؟

وكيف آعطيها محلول جاف ؟ ،كيف آعطيها آكل مخلوط وهي رافضه الآكل تماماً ؟

[الخبيرة ناديا]

البيطري اعطيه كل المعلومات عن القطه بالتفصيل ..

واطلب منه يعطيها مغذي في الوريد لانها ماتاكل ابدا ورافضه .

وبخصوص محلول الجفاف بتلاقيه في زجاجه ..وهو سائل لونه مثل الماء.

اشتريه من الصيدليه البشريه مع برواز ابره .

وافتح العلبه واحضر الابره وازيل منها السن . واسحب من المحلول الى مقدار معين

واطعم القطه منه . وايضا الاكل ..اخلطه بالخلاط واسحب قليل منه بالسرنجه واطعم القطه

منه.

هنا فيديو يوضحلك طريقه اعطاء القطه الاكل او الدواء بالسرنجه:

hovjaElAMm0&feature=channel_video_title

[Legend 511]

الان تاكدت ان البيطري مسكر شهر كامل للاجازة ..

الان اخلط زرة واعطيها عن طريق الابرة ( بدون الابرة الحادة بل العادية ) ؟؟؟

[Legend 511]

الان بدات تشرب من امها حليب ..

[شاهستا]

اكليها بالسرنجه بدون الابره يعنى شيلى الابره خالص

ومادام ابتدت ترضع ان شاء الله هاتبقى كويسه

[Legend 511]

^^

انا ولد جزاك الله خير .،

[الخبيرة ناديا]

ان شاء الله تحسنت؟

اذا رضعت من الام باذن الله تكون بخير

طمني عنها

[Legend 511]

والله امس كانت ترضع واليوم رفضت .. لكن الغمص اللي كان بعينها قل بكثيير .. الحمدلله ..

[Legend 511]

الحمدلله قبل شوي رضعت ..


بس الشيء اللي لاحظته هو ان الام لازم انا اثبتها على الارض عشان يرضعون ..

واذا رضعو تنزعج وتقعد تصارخ !

[الخبيرة ناديا]

ممكن تكون حلماتها ملتهبه !

او القطط في سن الفطام ..والام تحاول تقليل جلوسها عندهم وارضاعهم

كلها احتمالات وعليك معرفه السبب