الكاسكو يطيح ريشها شو الحل

[j77709]

السلام عليكم ورحمة الله وبركاته


عندي كاسكو عمرها 5 سنوات بس من 7 شهور وايد ريشها يطيح شو اقدر اخذلها من الدواء او شو الاكل المناسب لها او لازم اوديها عند الدكتور

[جداااوي]

اخوي جميع انواع الطيور تطيح ريشها بس
طيرك كيف الريش اللي يطيح منه
-هل التساط بشكل كثيف ويخلي الطير اصلع ؟؟

لو ترفق لنا صور للطير مع صور الريش المتساقط

[بكاتشو]

والله ما اقدر أفيدك كثير
لكن كثر له من فيتامين ( الف) ويوجد اكثر شي في الجزر يسلق بالماء ولا يضاف له اي شي ويكون مقشر يقطع قطع صغيره مكعبات ويعطى كوجبه مره كل يومين او ثلاثه
واحرص على ترويشه في الأوقات الدافئه ولا يتعرض لأي تيار هوائي سوا بارد او حار
هذا اللي عندي ويمكن انت تملك هذي المعلومه لكن لتذكير
موفق خير ان شاء الله

[j77709]

لا مب اصلع ويطيح كل الريش بس ريشها يطيح

[جداااوي]

طيب يا غالي عطه جزر مثل ما قالب الاخ مو لازم يكون مسلوق
معروف انو الجزر يفيد الطير في تقوية الريش

والترويش والتشميس في الشمس البارده او الدافئه عندك شمس الصباح او شمس قبل الغروب
لمدة نص ساعه الى ساعه

بالتوفيق

وزي ما ذكرت لك اول ارفق صور للطير وصور للريش المتساقط عشان نفيدك اكثر

[بلاك بيري]

السلام عليكم ورحمه الله وبركاته

اخي الفاضل الطيور بشكل عام تمر بمرحله القلش او ما تعرف باسم تبديل الريش لكن المهم انه الريش لا بد يكون نازل من جذوره وليس من الاطراف وان لا يكون فيها تكسير عندها تيقن بأنها ليست حاله مرضيه بل هي حاله عاديه اخي الفاضل

تحياتي

[آبوعبدالمجيد]

تأكد من الريش ينزل كله من جذورة كما قال لك الاخ بلاك بيري ..

ولايكون الريش مكسور لو مكسور ف طيرك عنده نقص فتمينات ولا بد عرضه على البيطري


تحياتي