المساعد الشخصي الرقمي

مشاهدة النسخة كاملة : ابي اشتري عصفور

adam12a12
20-01-2012, 06:53 PM
ابي اشتري طير يكون ببغاء بس اصغر من الكروان ( يعني مثل حجم طيور الحب )

وابيه يكون رخيص ومتوفر ويكون ذكي جدا وسهل التربية وسريع التآلف

ومايكون نوع من البادجي لان عندي بادجي:D

بأي طير تنصحوني
adam12a12
20-01-2012, 07:05 PM
ويش تقصد

ان طيور الحب مو رخيصة؟؟
سماء النور
20-01-2012, 07:14 PM
فروخ الروز مو غالية اسعارها رخيصة
وممكن تدريبها والافضل الذكر لان الاناث تصير شرسة
جورجي
20-01-2012, 07:24 PM
لو تبحث راح تلاقي روز او فيشر باسعار مناسبة ..
والاناث مثل ماقالت الاخت سماء النوء تصير شرسة .. الذكور اهدى من الاناث .. لكن لاحظت ان الاناث عندها قابلية لنطق كلمة او كلمتين بعكس ذكور الروز .. يعني كل واحد له مميزاته ..
اذا حاب تربي فروخ لازم يكون عندك خبرة عن الغر ومعرفة بها لان يمكن اي خطأ بسيط يمكن يموت الفرخ .. تراها كائنات حية وامانة عندنا
adam12a12
21-01-2012, 09:17 AM
انا ابيها فروخ بس تقدر تعتمد على نفسها شوي

مو لازم تصير بعمر اسبوعين

ممكن عمر شهر او شهر ونص

الحين شنو الافضل الروز او الفيشر؟؟
جورجي
21-01-2012, 09:41 AM
تقدر تشتريها وهي فروخ توها مفطومة من اهلها .. يعني لما يكون عمرها شهرين
ووين الافضل بين الفيشر والروز .. مااعرف .. لانني ربيت الروز فقط وماربيت الفيشر من قبل
اشتري اللي يعجبك .. اما جوز فيشر او جوز روز
adam12a12
21-01-2012, 09:48 AM
الرد فيس من الفيشر او الروز؟؟

لاني افكر اشتريلي واحد بعمر شهرين

وانا اقصد من الافضل بين الفيشر والروز من حيث سهوله التربية والذكاء



عالعموم شكرا لكل من رد على الموضوع
سماء النور
21-01-2012, 08:28 PM
لو تبحث راح تلاقي روز او فيشر باسعار مناسبة ..
والاناث مثل ماقالت الاخت سماء النوء تصير شرسة .. الذكور اهدى من الاناث .. لكن لاحظت ان الاناث عندها قابلية لنطق كلمة او كلمتين بعكس ذكور الروز .. يعني كل واحد له مميزاته ..
اذا حاب تربي فروخ لازم يكون عندك خبرة عن الغر ومعرفة بها لان يمكن اي خطأ بسيط يمكن يموت الفرخ .. تراها كائنات حية وامانة عندنا

ايوه انا بعد عندي انثى تقول تعال وتطلع صوت ضحكة وتقلد احيانا ما شاء الله عليها
الذكور مايتجاوبو كثر الاناث من ناحية التقليد بس الذكور اكثر الفة
اما بالنسبة للافضل الروز ام الفيشر اعتقد على الشخص نفسه لان اشكالها متشابهه فقط الالوان مختلفه وعند العين جفون الفيشر ابيض لونه وقرأت ان الفيشر اقل ازعاج من الروز
لكن جربت تربية الروز فقط وعندي اجمل من الفيشر
adam12a12
21-01-2012, 09:24 PM
اوك سؤال اخير مامعنى كلمة (الفطام)؟!؟!؟!
جورجي
21-01-2012, 10:23 PM
معنى كلمة فطام او فرخ مفطوم .. بمعنى ان الفرخ اعتمد على نفسه بالاكل والشرب .. وصار يعرف يقشر الحب الشمسي وبقية الحبوب بالاضافة الى تناوله الوجبات اللينة كالبيض بالبقصماء والخس ويروح بنفسه ويشرب الماء
اي سؤال اخر احنا حاضرين :)
د / محمـد ابراهيــم
22-01-2012, 04:57 AM
اوك سؤال اخير مامعنى كلمة (الفطام)؟!؟!؟!

اخى الكريم معنى كلمه فطام هى اعتماد الطائر على نفسه فى التغذيه دون تدخل الابوين او ايدى المربى
adam12a12
22-01-2012, 11:15 AM
شكرا كثيرا يا جورجي ومحمد ابراهيم

معليش طولت عليكم اخر سؤال

الفطام يكون بعمر كم؟

واذا كل طائر له عمر معين فكم العمر لطيور الحب؟
جورجي
22-01-2012, 03:20 PM
الفطام يكون بعمر الشهرين ..
العمر الافتراضي لطيور الحب ماادري .. لكن حسب العناية والاهتمام تعيش عندك ..
مثلاً البعض عندهم روز اعمارهم فوق الخمس او الست سنوات .. وماشاء الله الى الحين عايشين عندهم
adam12a12
22-01-2012, 04:50 PM
اوكي فهمت

انشاء الله بشتريلي فرخ رد فيس واربيه معي