ساعدوني في شي صغير

[الجمال الصامت]

انا عندي 3 ارانب ودي اصلح لهم العاب بس ما اعرف وش العابهم ساعدوني :confused::rolleyes::o:shy::12:

[king.smb]

^__^ كان عندي ارنب وكان فيه كنب الأرنب استانس عليه سواله انفاق فيه وحفره حفر

يمكن هذي احسن لعبه عندهم *_*

[الجمال الصامت]

حلو لاكن كيف اسويلهم انفاق

او من وين اجيب لهم كنب

:confused:

[artos]

السلام

الارانب تحب اللعب بالرمل

حدي رمل بالزاويه علشان يلعبون ويحفرون ينططون عليه ^.^

او جيبي كرتون وافتحيه مع كل جهه راح يلعبن يدخلن ويطلعن

او جيبي حبل واربطي فيه اكل خليهم ياقفون وبعد مايمشن خطه ىتعطينهم الاكل

[خالد المكاوي]

1_ لعبة قطعة القماش وهي إنك تجيب قطعة قماش نص منر في نص متر يكون حرير أو أي نوع و ترميه على الأرنب
بعدين هو يشيلها عن وجهه يعني زي ما نلعب مع الأطفال وعيدها كل شوية وأرميها وراح تشوف كيف حينبسط.

2_تجيب كرتون مربع و تفتح فيه فتحة من كل الجهات الأربعة وطبعا هذي الفتحة ماتكون كبيرة يعني خليها على القد يادوب يدخل فيها الأرنب بعدين حط الكرتون على الأرنب وخليه يحاول يخرج مع الفتحات تراها لعبة ممتعة للأرنب والمربي .

3_ تجيب المكعبات حقت الأطفال وتسوي للأرنب بها متاهة أو أبراج يتسلقها أو تسويها زي الدرج أو تخليها مفككة عادي هو يجلس يلعب فيها لوحده.

4_ إذا اشتريت أرنب لوحده يعني ما معاه أرنب ثاني أشتري له دمية ناعمة بفرو مثلا دبدوب أو أرنب صراحة أنا اشتريت ارنب وبعدين حطه في القفص مع الارنب شوف كيف حيحسبه أرنب ثاني وكيف يسحبه معاه من مكان لمكان.

5_ ممكن كمان تشتري كورة بصوت جرس زي حقت الاطفال وتدفها على الأرنب وتلعبه بيها.

6_ علق في قفص الأرنب حبال وفي أخر الحبل علق أي شيء بصوت زي سرير الاطفال لما يعلقو فيه سمكة ونجمة وأشياء زي كذا بصوت عشين يمسكها الطفل ، فحتلاقي الأرنب يلعب فيها.

7_ من الأشياء اللي يحبها الأرنب المساج وهذا رابط في اليوتيوب لطريقة المساج بس طبعا تسوه بيدكم مو برجلكم زي في المقطع عشين ممكن يتآذى...

http://www.youtube.com/watch?v=d9x_1e66qVg&
feature=related

8_ ممكن تجيب لعبة متحركة عبارة عن أرنب يمشي بعدين ينقز وحطه للأرنب شوف كيف حيحاول يكتشفه ويحبه وهذا رابط

http:
//www.youtube.com/watch?v=Os43MEoBorE&feature=fvw

9_ ممكن تجيب أشرطة الفديو وتسوي متاهة للأرنب بس ممكن يطيحها لكن خليه هو ينبسط لما يطيحها .

10_ ممكن إذا كان أرنبك يئلفك تحطه على يدك زي الأطفال يعني يسير ظهره على يدك وبطنه عليك وعني تقلبه وتبدأ تأكله راح تجد متعة عظيمة إذا استجاب لك .

11_ طبعا مح تقدرو تلعبوا بعض الألعاب مع الأرنب إلين ماتعودو على مكان لقضاء الحاجة عشين ما يعدم البيت أو تسوو زيي وتشترو مشمع وهذا شيء زي النايلون شفاف تشترو من مكان البلاستيكيات وتفرشوه على الأرض وقت ما تبغو تخرجو الأرنب من القفص.

12_ تجيب ورق عادي وتكرمش الورق تخليه زي الكور أو الدوائر وتروح تجلس بعيد شوية وترميها على الأرنب بس برفق يعني ما تئذيه أو تخولفه وإنت ترمي.

أتمنى إنو الموضوع عجبكم ويمكن هذي الألعاب مو كلها أفكاري لكن أغلبها من أفكاري وبعدي كذا جمعتها في موضوع حتى يفيدكم ويفيد الجميع.