المساعد الشخصي الرقمي

مشاهدة النسخة كاملة : ببغائي ينتف ريشه :( ساعدوني

Chilli88
22-01-2012, 11:56 PM
السلام عليكم
أنا جديدة بهالمنتدى
و محتاجه مساعدة اذا ماعليكم زحمه
أنا عندي ببغاء الماكو الأحمر الاصلي
عمره ست أشهر
صارله كم يوم ينتف ريشه
بالبدايه بدا ينتف ريشه القدام و البارحه بدا بذيله
يمسك ريشه ذيله الطويله و يضل ياكل فيها لحد ماتتنتف
ساعدوني الله يخليكم
ابي احد يعرف السبب
قرات بالنت في مكتوب من الملل
و في مكتوب نقص فيتامين
هل هالاسباب صحيحه ؟؟
انا الصراحه مافهم بفيتامينات الببغاء
أحد يعرف فيهم؟؟
ProOoF
22-01-2012, 11:59 PM
حياك الله

بأذن ستجد كل الأجوبه

عادة النتف إن لم يكن بسبب القمل أو إي أمر

يكون صحيح بسبب الملل إن أمكن صور حتى نفيدك بشكل صحيح



.................

موفق بكل خير
Chilli88
23-01-2012, 12:15 AM
مشكور أخوي على الرد اخوي
والله الحقيقه ماعندي صور
و حتى لو عندي مارح يبين
لان بدايتها
أتمنى استفاد من خبراتكم
Azo0oz-10
23-01-2012, 12:29 AM
نفس حالتك يا خويتي

وان شاء الله تروح عنه هاي العادة عوديه ان هذا الشي غلط ولو من القمل الحل ان شاء الله يكون سهل
البراهيم
23-01-2012, 01:01 AM
اخوي وده البيطري وهو يروشه ويعطيه فيتامينات وان شاء الله تروح عند العدوه
ماليزيا
23-01-2012, 10:34 AM
الى الان مو معروفة هالحالة بالضبط سببها ايش .... احتمال ملان حاولي تحطييه مكان في ناس وتلفزيون ما تخليه بروحه
لان احتمال من الملل والشعور بالوحدة :(
ربي يشفيه ويرجع طبيعي
بلاك بيري
23-01-2012, 06:34 PM
تحيه طيبه وابعد اختي الفاضله :

طيرك قد يكون فيه فعلا اكتئاب وهذه حاله مرضيه نفسيه ولكن انشاءالله راح نحلها ابدئي بما يلي :

اولا : ملاعبه الطير ومداعبته يوميا
ثانيا : اضافه الالعاب للطير داخل القفص
ثالثا : اضافه مراءه مقابل القفص
رابعا : تنويع اكل الطير من الحبوب للخضار والفواكه
خامسا : تعريض الطير لاشعه الشمس مع غسله بماء فاتر
سادسا : غسل القفص وتعريضه لاشعه الشمس ويفضل غسله بالديتول
سابعا : استخدام مالتي فيتامين اسمه مالتيفيت ملعقه صغيره جدا في مشرب الماء لمده اسبوع
ثامنا : وضع عضم الحبار للطير لتزويده بالكالسيوم والهائه عن النتف بشكل مؤقت

اتمنى ان اكون قد افدتك

تحياتي

اخوكم \\ بلاك بيري