أبغيكم تقولولي إذا ببغائي مريض ولا لا !!

[الطبيعة الخلابة]

السلام عليكم ورحمة الله وبركاته

عندي ببغاء الكويكر " الراهب "


http://t0.gstatic.com/images?q=tbn:ANd9GcRvvt9ps13dhl1PnbHNHgdFA-Fh8IK9eiMN2TIPZqgPKASotPoOnw


هذي النوعية اشتريتهم من سنة 2009 بعد رمضان

كان عندي اثنين ولكن واحد منهم أصابه مرض في منتصف عام 2011 وكان يعض رجوله و يطلع دم من رجوله

وتحت جناحه وقرأت عن المرض بالنت ولكن ماعرفت العلاج .. بعدين وديناه عند البيطري وعطانا بخاخ

ولكن مانفع فوديناه عند وحدة بيطرية .. وعطته إبرة وقالتلنا استخدموا اليود وبعده مرهم " فوسيميد"

ولكن للأسف الشديد .. تأخرنا كثير عليه ="( ولكن قدر الله وماشاء فعل ..

ولكنه في البداية كان بصحة جيدة ثم بعدين بأت تتدهور حالته ولما اصابه المرض .. كان ضعيف جدا على تحمله ..

أما الثاني .. انتقلتله العدوى ولحقنا عليه وعطيناه العلاج والحمد لله اللي شفاه .. ورجع بصحة جيدة

لكنه ألحين من مدة كان يعض اسفل رجوله و فيها كأنه جلد ميت لكن ملتهب وهو يقطع ويطلع دم شويه

المهم كان طول الوقت على خير مايرام .. لكني من فترة بدأت أشوفه يضعف وهذيك العظمة اللي في صدره شوية برزت وأول ماكان كذا !!

وأحيانا يعطس شوية مو كثير .. فقرأت في النت أنو في فطريات اسمها القراد على ما أعتقد

وأنها تسبب نفس الأعراض .. ولكنهم قالوا انه اذا ماعالجناه ينتقل للمنقار ويطول ويصير مايقدر ياكل ويموت =(

لكن ببغائي منقاره لازال مرتب والحمد لله .. وبدأت أعالجه في رجوله ومنقاره .. أنظفه باليود وبعدين أحط مرهم " فوسيميد " ولكن ما أدخل في فمه فقط من الخارج ..

ألحين أبغيكم تقولولي .. هل هذا مرض ؟ وإذا مرض كيف أعالجه ويفضل لو طريقة غير الروحة للطبيب البيطري .. لأنه في مدينة ثانية .. ولكن إن شاء الله بحاول إذا مافي إلا الطبيب البيطري

وأبغي رايكم في هذا النوع من الببغاء وكيف ممكن أهتم فيه عشان مايمرض ؟

أنا أنظف القفص ولكن مرات أتأخر ويكون غير نظيف وأحيانا هو ياكل هذي الأوساخ وينبش فيها

وأنا أطلعهم العصر في الحوش وأخليهم يتمشون في التربة .. لكني قرأت أنه فطريات القراد تجي من التربة احيانا ..

حاليها عندي بخاخ نظفت القفص ورشيته على الزوايا وتحت والمكان اللي يوقف عليه ..

أتمنى أني ما أكون أثقلت عليكم بكل هذا الكلام .. وأتمنى أني أكون قلت كلام تفهمونه ..

أسأل الله لببغائي الشفاء التام وببغاواتكم

تحية طيبة لكم جميعا

[بلاك بيري]

سلام الله عليكم ورحمه الله وبركاته

اخي الفاضل تحيه طيبه وبعد :

من وصفك للطائر اظن نعم انه فيه مرض ففقدانه لوزنه وبروز عضمته يدل على وجود امر ما غير طبيعي وقد يكون اسهال او التهاب جهازه التنفسي
ان كان البراز متغير نفضل استخدام الباي تريل
وان كان الجهاز التنفسي مريض يفضل استخدام التايلان
بالنسبه للفيسميد هو مضاد حيوي اسمه العلمي فيوسيدك اسيد وهو ممتاز ولكن ليس للفطريات بل للبكتيريا وقد يكون السبب في اعطائكم هذا الدواء هو فقط لمنع اصابات بكتيريه ثانويه في مكان الاصابه

نحن كهواه ومربين نفضل استخدام ماده الكيتوكونازول او الجرايزوفلافين كمراهم موضعين توضع على اقدام الطيور المشكوك باصابتها بفطريات
كما تتميز هذه المراهم بقدرتها الواسعه على جميع الفطريات اضافه الى انها ان دخلت فم الطائر فأنها لا تؤثر عليه بشكل سلبي
استخدام اليود ممتاز لكننا نفضل مسحه بعد عده دقائق بالماء لانه يسبب جفاف وحساسيه بالجلد

نوع الغذاء لطيرك حافظ على نظافه القفص والمجثم خصوصا اغسله يوميا بالماء الفاتر والديتول وعرض القفص بشكل دوري لاشعه الشمس

استخدم البايتريل في حال انه الطير كان متغير برازه بجرعه 2 سي سي من ابره الانسولين لمده لا تقل عن خمسه ايام

اتمنى ان اكون قد افدتك ولو بقليل


تقبل مروري

اخوكم \\ بلاك بيري

[الطبيعة الخلابة]

شكرا لك يا أخي الكريم وبارك الله فيك على الرد السريع والمفيد ..

بالتأكيد أفدتني .. كثيرا وليس قليلا .. جزاك الله خير الجزاء

إن شاء الله أنا براقب الطير أكثر وبلاحظ اذا تغير شي

وإن شاء الله سأبذل قصارى جهدي في تنظيف القفص أسبوعيا وتنويع الطعام

وبحاول أمسح اليود .. فعلا هو ينزعج لما أحطله ويعظني و أول مايشوفه في ايدي يحاول يهرب

وحقا جزاك الله خيرا على ردك السريع والمفيد

اسأل الله ان يوفقني في علاجه

تحية طيبة

[بلاك بيري]

لا شكر على واجب وبلغنا باخر اخبارك

تحياتي

[الطبيعة الخلابة]

إن شاء الله

إلى الآن لم تتسن لي الفرصة للذهاب إلى العيادة ..

ولكن عندي بعض الأسئلة

اتضح لي ان ببغائي عنده اسهال ... هل الاسهال يموت ؟

هو ضعف حاليا .. هل ينتهي به الأمر إلى الموت إذا تأخرت ؟

وايضا هو عنده حبه في نهاية عينه من الخلف .. مو داخل العين من برة ..

ولكن ببغائي اللي مات اول كانت صحته تعبانة وكان دايما تطلعله حبة في عيونه .. إيش السبب ؟

وهل الشاي الحليب مضر بالببغاوات ؟ هو كل ماشافني أمر بكوب يبغي يعرف ايش فيه ويبغي يشرب

وكمن مرة عطيته شاي ..

ويجزيكم ربي خير

[monybat]

اوقف الاسهال باي تريل عشره بالميه
واذا ما حصلته سوي شاي ساده بالماي يمسك بطنه ابعده عنه اي شئ مثل الفاكه وعطه الحبوب بس
والابره تؤذي الطير ابعده عن تيارات الهواء ودفيه عدل وخبرنا

[بلاك بيري]

اخي الفاضل الاسهال والضعف قاتلين للطير ان لم يتم العلاج بشكل سريع وفعال

اتمنى ان لا تتجاهل الاسهال مطلقا

بالنسبه للحبه وعلاقتها بالمرض لم اصادفها من خلال خبرتي اتمنى من من هو اخبر مني افادتك بخصوص ذلك

والبايتريل هو الافضل والاشهر في محاربه الاسهال

[ٌابوعمر]

لا تتجاهل الموضوع ممكن تفقد الطير باي لحضه ارجو ان تسارع به الي اقرب طبيب بيطري وان كنت ماتبيه اعرضه على اي احد ياخذه ويتكفل فيه حرام عليك تخليه كذا يتعذب

[الطبيعة الخلابة]

طيب جزاكم الله خير على المعلومات

بإذن الله اليوم بروح البيطري وبعرض ببغائي عليه

وبشتري بايتريل 10% بإذن الله

....

وقبل ما أروح ... ببغائي يحك نفسه كثير

تحت الجناح والرجلين وفي الذيل !!!

هذي وشو بالضبط ؟

أعررضه لأشعة الشمس ولا أشتريله بخاخ ؟

البيطري المرة اللي رحتله عطاني هذا البخاخ


وش رايكم فيه ؟ ينفع ولا لا ؟


http://www.2zoo.org/uploads/13276575361.jpg (http://www.2zoo.org/)


http://www.2zoo.org/uploads/13276575362.jpg (http://www.2zoo.org/)


http://www.2zoo.org/uploads/13276575363.jpg (http://www.2zoo.org/)


http://www.2zoo.org/uploads/13276577051.jpg (http://www.2zoo.org/)



وأنا سبق وأن قرأت انه هناك فطريات تصيب رجل الببغاء

وتنتقل للجناحين والذيل والمنقار ومنقاره يطول ومايقدر ياكل

وصاحب الموضوع حاط دوا اسمه ocemycine

الحين ببغائي إلى الآن هو نشيط لكنه ضعف ="(

ويحك نفسه بشكل ملحوظ انه فيه شي ومنقاره شوية طول بشكل غلط لكنه نشيط ومرح ويغني

واناا ما اقدر اعرف اش فيه .. اخاف اروح هناك ويعطيني دوا غلط مثل المرة السابقة

وما الحق إلا بعد فوات الأوان ..

اختلط علي كل شي والله مادري شو اسوي ابغي الحق قبل مايصير شي ="(

ويا أخي ابو عمر

والله لو ماكنت ابيه و احبه ماكنت جيت اسأل عن مشكلته ...

[بلاك بيري]

البخاخ ممتاز اخوي وهو مضاد للحشرات الي تعيش على ريش الطيور لكن لابد الحذر من ان لا يلامس عين الطير او انفه
ويفضل تغطيتهما اثناء البخ

بالتوفيق

[الطبيعة الخلابة]

الحمد لله

ايوا البيطري قال لي اغطي وجهه وابخ من بعيد

مشكووور

جزاكم الله خير

[الطبيعة الخلابة]

امس ولله الحمد رحت عند الصيدلية البيطرية

وقلناله انه ببغائنا صار ضعيف

قالنا انه عنده ديدان في بطنه وعطانا هذا الدوا + فيتامين اللي في كيس

http://www.2zoo.org/uploads/13277779741.jpg (http://www.2zoo.org/)

وقالنا القطرة نحط 5 مل في الماي لمدة يومين في هذا الاسبوع

ونوقف ونحط الفيتامين .. والاسبوع اللي بعده نحط مرة وحدة ونبقى نحط له الفيتامين ربع ملعقة ..

لكن طلعتلي مشكلة ثانية .. قاعد يحك نفسه شوية ولة بدأ ينتف ريشه وطلع دم شوية

بخينا عليه الحمد لله وقف .. ولكنه مهووس قاعد طووول الوقت يبي يقضم بس اذا ماقضم يقعد زعلان

واذا احطه مكانه فوق القفص يقوم يمشي تحت يجي عندي يبي اوديه فوق وما يهدأ إلا لما يقضم الستارة من فوق

ههههههههه

بإذن الله هو سيتماثل للشفاء .. والشفاء بيد الله وحده ومالدواء إلا مجرد سبب للشفاء

وثقتي بالله أكبر من ثقتي بالدواء

والحمد لله

ما رأيكم بالأدوية ؟

[آنآستــآزيآ]

.. ماشــاءاللهـ تبــاركـ اللهـ ..

.. أولاً إعــذرني مــا شااركت بـ الموضــوع مسبقــاً لـ عــدم إنتبااهــي لــهـ .. عمــووماً الأخ بــلاكـ بيــري مــاا قصــر كفــاا ووفــاا اللــهـ يخلّيــهـ .. ^_^ ..

.. وصــرااحة فرصــة عنــدكـ كويكــر !! طيــر نــاادر وفاائــق الرووعــة ولعــووب ودلّــووع ونشبــط .. ربــي يحفضــهـ لكـ ويعــووضكـ عــن اللــي رااح ..

.. لا أوصيــكـ عــااد بـ الإهتمــاام بــهـ مــن جميــع النــوااحي .. ^_^ ..

.. بـ النسبــة لـ الأدويــة الجديــدة ممتــاازة انــ شــاءاللهـ وإستمــر عليهــاا ..

.. آنآستــآزيآ ..

[بلاك بيري]

بشرنا عن طيرك اخوي عساه بخير واحسن من اول

[الطبيعة الخلابة]

أهلا بكم جميعا

لا عليك أخي أنستازيا وشكرا لاهتمامك

وفعلا أخونا بلاك بيري ماقصر الله يجزيكم جميعا الخير

الحمد لله صار أحسن .. قبل ايام كان ماياكل زين

وكان ينام كثير ويحس برد .. لكن الحمد لله صرت أحطه معاي بالغرفة واشغل المدفأة

وصار أنشط .. لكنه لازال ضعيف وعظمته بارزة

::

بيستعيد صحته تدريجيا ولا كيف ؟!!

::

أنا طول هذي الأيام كنت أعطيه زنجبيل دافي مع العسل .. وثوم مع الليمون

وزيدت عليهم الحبة السودا .. وهو عجبه الماي ويشرب كثير ..

ولما كان تعبان عطيته زنجبيل مع الثوم والعسل في الماي الدافي

وأول ماشرب الحمد لله تغير وصار نشيط وقام يرقص ويغني ما شاء الله هههههههههه

الحمد لله ... وكليوم أعطيه الزنجبيل مع العسل والحبة السودا والثوم والليمون

الله يشفيه ويعافيه ويرجعه أحسن مما كان عليه .. آآآآمين

أشكركم على اهتمامكم =)

[بلاك بيري]

ممتاز جدا استمر معاه بالخلطه المستخدمه من طرفك وانشاءالله راح يتحسن اكثر واكثر

[الطبيعة الخلابة]

إن شاء الله .. وبإذن الله كل ماتحسن سأوافيكم

شكرا لك على المتابعة المستمرة

[آنآستــآزيآ]

.. اللهـ يحفضــهـ ويخلّيــهـ ويحميــهـ ويشفيــهـ لكـ يــــآرب .. ^_^ ..

.. آنآستــآزيآ ..

[بلاك بيري]

يا هلا وغلابك ونحن على اهبه الاستعداد