اسئلة عن الهامستر (ضروري)

[punisher]

السلام عليكم و رحمة الله و بركاته
شلونكم شخباركم
والله انا قررت اني اشتري هامستر (انثى و ذكر)
و حبيت استشيركم بعدة اشياء
ف الله اخليكم لا تبخلون علي بأجوبتكم الحلوة:) :D
الاسئلة::D
1_اي نوع تنصحوني اشتري؟؟؟؟
2_في نوع روسي و سوري ما الفرق بينهم و اي واحد من هالنوعين اكبر....او احلى؟؟؟؟ ما عليكم امر اذا تقدرون حطوا صور
3_انا 3 مرات شريت هامستر بس ولا مره ولدوا عندي ليييييش؟؟؟؟
4_اذا وضعت ذكر و انثتين هل سيتشاجران الانثتين؟؟؟(((((لغة عربية فصحة))))));) :p
5_اذا ولدت الانثى و ما فارقت ولا عزلتها عن الذكر ماذا يحصل؟؟؟؟؟؟؟
6_شنو (ماذا) اعطيها لتأكل اذا حملت؟؟؟؟
7_متى اعزل اطفالها عنها؟؟؟وليش؟؟؟؟؟:D
8_كم لازم يكون عمر الانثى و الذكر ليتزاوجون؟؟؟؟؟و كيف اعرفاعمارهم اصلا؟؟؟؟
شكرررررررا
انا اسف اني طولت عليكم بالأجوبة الكثييرة
بس سامحوني صارلي مدة طويلة مو داش المنتدى
شكرررررا

[Withered Rose]

و عليكم السلام و رحمة الله و بركاته :)

1_اي نوع تنصحوني اشتري؟؟؟؟

النوعين حلوين أثنينهم فيهم مميزات غير عن بعض الروسي مثلا صغير و نظيف جداً بس عضته شوي قوية و السوري بعد حلوو سهل بالمسك و الإلتقاط من وجهة نظري يصلح للمبتدئين ..


2_في نوع روسي و سوري ما الفرق بينهم و اي واحد من هالنوعين اكبر....او احلى؟؟؟؟

الروسي موجود منه نوعين بس بسوق الحمام دايماً موجود مهجن بين النوعين و المهجن يكون تعبان ما يصلح للتربيه :
نوع كامبلس : فيه كل تدرجات الألوان فيه اسود و ابيض و رمادي و بني و بيج و تدرجاتهم بالإصافة إلى لون العين اما يكون اسود أو أحمر.
نوع ونتر وايت : فيه بس 3 ألوان .. أبيض (لؤلؤي)و رمادي (نورمال أغوتي )و رمادي فاتح (ياقوتي) .. مافي تدرج بينهم و العين دايما سوده ..

النوع السوري فيه كل الألوان و التدريج و هو اكبر تقريباً 3 مرات من الروسي و فيه منه لونق هير و ميد و شوريت هير .. يصير بعضة مرقط بلون معين و بعضة مطوق بالأبيض ما نقدر نحصر جميع أشكاله لتنوعه الكبير ..

3_انا 3 مرات شريت هامستر بس ولا مره ولدوا عندي ليييييش؟؟؟؟

يمكن لإنهم صغار على الإنتاج أو مهجنين ما ينفعون للإنتاج أو أحياناً البائع يعطي 2 أو أكثر نفس الجنس إذا ما عنده ..

_اذا وضعت ذكر و انثتين هل سيتشاجران الانثتين؟؟؟

إذا كانوا روسيين ماراح يتشاجرون أما السوريين إذا كانوا صغار ماراح يتشاجرون بعد و لكن لما يكبرون راح يتشاجرون .. :D


5_اذا ولدت الانثى و ما فارقت ولا عزلتها عن الذكر ماذا يحصل؟؟؟؟؟؟؟

التوتر و الضغط كله تحطه الأم بالأطفال و تاكل بعضهم كنوع من التنفيس أكثر من مره صارت عندي تولد من غير لا ادري و الذكر موجود لما اشوفهم اشوف ولد واحد أو ماكو عيال (تاكلهم) ..


6_شنو (ماذا) اعطيها لتأكل اذا حملت؟؟؟؟

أكلها الجاف + الماء 24 ساعه الحامل تحتاجة + قطع صغيرة من البيض المطبوخ أو الجبن قليل الدسم أو تقدر تستبدل الجبن بحليب الكتنز أو حليب مخفف ..

7_متى اعزل اطفالها عنها؟؟؟وليش؟؟؟؟؟

الأفضل تخليهم معاها لفوق الشهر عموما كلا النوعين موعد فطامهم بعد 21 يوم تقدر تعزلهم و لكن ما تبيعهم أو توزعهم بهالعمر .. إذا كان لغرض الإنتاج أفضل تعزل الذكور عن الإناث الصغار عشان لا يحملون بسن مبكره ..

8_كم لازم يكون عمر الانثى و الذكر ليتزاوجون؟؟؟؟؟و كيف اعرفاعمارهم اصلا؟؟؟؟

عمرهم لازم يكون بعد 4 أشهر و البعض بعد ال3 اشهر .. و تقدر تسأل البياع عن عمرهم اهم دايما يبيعونهم بعمر الشهر أو شهر و نص ..



ومبروووووووووووووووكـ مقدما punisher على الهامسترات :)

[رعوود]

ما شاء الله عليها اختي ويذر ما قصرت

واي سؤال حاضرين

[punisher]

شكرررررررررررررررررا اختي ويذر بس انا 3 مرات شريت الروسي(الصغير)
و عجبني و ارتحت له
و قررت اشتريه مرة ثانية
شلون اعرف انه مو مهجن ويصلح للأنتاج؟؟؟؟؟
شكرررا

[Withered Rose]

عفواً ما إنتبهت إنه 3 مرات :p
هذا الموضوع فيه معلومات عن النوعين و شلون تعرف تفرق
http://www.2zoo.com/vb/showthread.php?t=14349
أنصحك ما تشتريه من سوق الحمام لأنه اغلبهم مهجنين ..

[punisher]

انت من وين شاريه هامستراتج؟؟؟؟
و شكررررا عالرابط

[Withered Rose]

آنا الروسيين خذتهم من سوق الحمام من زمان الحين بس عندي بس أجيالهم (ونتر وايت) .. و السوريين خذتهم من عندهم السوري واحد ما تخاف لما تشتريه لأنه مافيه نوعين ..
محل بيتس هاوس عندهم أصليين أحسن من سوق الحمام :)

[punisher]

وين صاير هذا (بيتس هاوس)
اتدلينه ولا بس كلام
خخخخخخ
ما عليه كثرت الاسئلة سامحيني

[توازن]

مشترفتنا ما قصرت والله

واذا فيه اي سؤال ثاني انا حاااضرة

[punisher]

توااااااااازن دورك اتولاج بالأسئلة الي ما تخلص الللللللللله يعينج
سمعي انتي بالكويت؟؟؟؟؟؟؟
اذا انتي من الكويت ابيج اتقولين لي وييين محل ((بيتس هاوس)) هذا
و شكررررررررررا
و الصراحة مثل ما قلتي مشرفتنا ما قصرت
شكرررررررررا

[توازن]

لا والله ان مو كويتة انا سعودية من جدة

واتولجيني عاااادي حياج

[punisher]

ياااااااااااا نااااااااااااس تكفه انا مو بنت انا صبي صبيييي صبي
نص المنتدى اقولون لي (((حياج.مشكورة.الله يعطيج العافية))))
شكررا