ارجوووجوو ساعدونى [الأرشيف]

artos

26-01-2012, 09:56 PM

ايه تقدر تحمل بس الافضل ماتحمل الا بعمر 4 اشهر

هاذي قصة ارجو من كل عضو ان يستفيد منها لعضوه بمنتدى اخر

بداية القصه

لولو

هامسترتي الحبوبه الهاديه

عمرها حول الشهر واسبوعين نوعها روسي / ونتر وايت

احببتها دون عن كل الانواع اللي ربيتها

لدرجة اني تاركه لها غرفتي تسرح وتمرح فيها على كيفهاا

لولو

اخذت لها من زاوية غرفتي مكان لنومها

واول ماتصحى تطير على كيس الاكل وتدخل فيه وتملى خدوهااا

وبعد ماتاكل تجيني طيران

ترقى على وتتمشى على الابتوب وكثير كنت اكتب رود لكم

لاتخلو من بعض لماسات رجلينها وايدينها على ازرار الكيبورد عندها حب المشاركه في اي شي تلقاني مشغوله فيه

لولو

دائما تحب تشيك على قفص الذكر وتعطيه بعض الصراخ والخربشه

وهو طاير من الفرحه ..يدور وراهااا لكن الشبك كان مانعه عنهاا

وكل يوم على هذا الموال ..الى ان بدأت لولو تخرب وتقرض زاوية الكنب تبحث عن مخبأ

تحس فيه بالأمان لأنها كانت تكره صوت المكنسه الكهربائيه

وقتها قررت ان اعطيها جزء من القفص اللي فيه الذكر لكبره

طبعاا انا وضعت بينهم حاجز من شبك حديد وكنت متطمنه رغم محاولاتها الفاشله للخروج منه

وفيوم من الأيام صحيت ..لقيت الشبك مائل والهامستره عند الذكر

وقتها انصدمت واطير الذكر بعيد عنها واعزلها بفقص اخر

بعد مافشل اختراعي..وبديت اتخوف من انها تحمل منه في هالعمر

قررت اجهز لها قفص خاص فيهااا مع انه كان صعبان علي اسجنهاا

وكانت زعلانه /متعوده على الحريه من لحظة وصولها

المهم صارت عصبيه دوم متعلقه بسقف القفص تدور مخرج

استمرت على هالوضع كم يوم وتأقلمت مع الوضع الجديد اخيرا

فكنت اطلعهااا اول ماتصحى تلقط رزقها بغرفتي ربع ساعه تقريبا وارجعها للقفص

وكانت مستسلمه وتعودت على هالاسلوب لدرجة اني اطول احيان ماارجعها تحوم

حولي تدور ايدي لجل ترقاها وترجع القفص تخبي اكلهااا وتنااام

ولاحظت مع الايام ان بطن لولو يكبر يوم عن يوم

طبعاا كل يوم كان يعدي كنت اقلق عليهااا اكثر من اليوم اللي قبله

بديت اهتم بأكلها بيدي وكنت مهمته فيها بشكل مكثف بعد ان اكتشفت انها حامل

وطبعااا كنت راحمتها بقوه لانها صغيره كيف تشيل كل هالحمل في بطنهاااا !!

لولو

كانت مجاهده ومتحمله وتاكل بشراهه

وفاليوم الثامن لاحظت لو نظراتها توحي بالالم والتعب

وكثيره التنقل فقصها من زاويه لزاويه وبطنها اكبر زياده عن الاول

قلت اكيد اللي في بطنها بيبز واجد من سوء حظها ..وكنت حزينه عليها ..ومتخوفه من الحمل عليهاا

مع كل ملامح التعب والالم عليها الا انهااا مازلت تجلس جنب باب القفص تنتظر الخروج

كاسبق عهدهاا /الا اني منعهااا في هذه الفتره خوف من ان الحركه تتعبها زياده

وجااا ...اليوم العاشر وضعتها جنبي على السرير حتى احس فيهاا وفحركتهااا

واقوم خوف انه يجرى لهااا شي وانا نايمه ورحت في نوم عميق

صحيت على الظهر لجل اعطيها بيدي اكل الا والصدمه

اثاااااااار نقط دم على النشاره!!

ولولو ذبلااانه ...حاولت اعطيها سريلاك قلت خفيف وتحبه ممكن تاكل

اخذت من شي بسيط جدا ورجعت لعشها وعيونها يالله تفتحهااا

قلت ان شاء الله تتحسن امورها بعد ماتنام بعد ما تطمنت ان النزيف وقف معها

طبعاا نظفتها وشربتها حليب وفرحت انهااا قدرت تنام لحد العصر

طبعااا اخذت لي غفوه بسيطه لأني كنت قلقانه لأجلها واعصابي مشدوده

صحيت عقب العصر

الاااا...ولولو تحتها بقعة دم كبيره ومنكشمه على نفسهااا :(

وقتها المنظر كان محزن ماانكر اني بكيت عليها ..ودعيت لأجلهاا..وحاولت اني اساعدها بكل بشي اقدر عليه

كلمت البيطري ..قال بكل تحطيم وبالفم المليان ..راح تموت

ماينفع اسوي لها اي شي.. لأنها صغيره

قلت له ماعندك دواا.. اي شي ممكن تخليها تنزل البيبي

قال اصلا هي ماراح تقدر تولدهم لانهم اكبر من انها تشيلهم ببطنها

وعلشان كذا هي راح تنزف لحد ماتموت

تحطمت ..تحطمت ..تحطمت

ورحت وحملتهاا ففوطه نظيفه ولفيتها بمناديل وشربتها حليب بالقوه

لولو صارت ترفض خلاص اي شي

لولو بطلت تفتح فمهااا

لولو صارت ترتجف وانا اضمها بين ايدي اعطيها دفااا

لولو ضلت تنزف ...تنزف ..تنزف

لولو

ماتت ..ماتت ...ماتت..

بعد مانزفت دمها كله وصارت ايديها ورجليهاا مصفره..

لفيت لولو .. وحسيت بحزن العضوه موني / لمن ماتت هامسترتها لنفس السبب

وشكت لنا معاناتهاا قبل بجد موني كنتي معذوره

دفنت لولو من غلاهاا واحساسي بالذنب وتأنيب الضمير بمزرعتنااا

فالمكان اللي كانت تحب تلعب فيه دائمااا

وتبقى لولو..وموقف لن انساه ماحييت .ودرس تعلمت منه الكثير

لولو ..اصبحت ذكرى ..مؤلمه