إستشارة لأهل الخبرة عن الكاسكو وشراء أنثى له

[الخبر مان]

السلام عليكم ورحمة الله وبركاته

ياشباب أنا عندي كاسكو وأفكر أشتري أنثى وأحطها معه بس مدري كيف من ناحية التأقلم

كيف أعرف إذا الكاسكو ناسبته الأنثى ولا لا .. اللي أعرفه إنه طيري مزاجي درجة أولى

وأنا تركته فترة والحين بديت أخصص له وقت بعد ماشفت إنه تغير علي وقلت أشتري أنثى

وأحطها معاه .. بس هل هذا الشيء يأثر على الطير من ناحية الكلام ؟

وشيء ثاني وش رايكم لو أشيله معاي محل الطيور وأوريه الطيور ولا أخليه عندهم وأشوف

أي وحدة منسجم معاها وأشتريها له إذا كان هالشيء مايأثر على كلامه ..

أبي نصايحكم أخواني لو تكرمتوا ..

جزاكم الله خير ..

[بلاك بيري]

وعليكم السلام الورحمه الله وبركاته

اخي الفاضل الأنثى الي بتختارها لطيرك لا بد تكون معاها شهاده تثبت جنسها اولا وقبل كل شيء
ثانيا هل انت متأكد من طيرك انه ذكر اصلا ؟ هل سويتله فحص دي ان ايه
طريقتك الي اقترحتها ممكنه بوضع طيرك مع طيور اخرى لكنها قد تؤثر على الطير سلبا من ناحيه اكتسابه للجعير او الامراض او الاصابات التي قد تنجم من طيور اخرى بالقفص وانت في غنى عنها
الطير ممكن كلامه يتأثر بوجود الانثى وخصوصا في اوقات التزاوج

تحياتي

[الخبر مان]

مرحبا أخوي بلاك الله يجزاك خير حبيبي

بالنسبة للطير اللي عندي ماسويت فحص ولا شيء بس على حسب ماقريت يعني شكل العين

وما إلى ذلك توحي من إنه ذكر بس بديت أشك من كلامك ..

بالنسبة للتزاوج أنا ناوي أشتري أنثى فرخ يعني في عمر 6 إلى 8 شهور هل يتزاوجون في الفترة

هذه ؟ وهل مثلاً لازم أوفر لهم صندوق خشب ولا عادي أغطي القفص وبس ؟

في الأخير إنت وش تنصحني أشتري ولا لا وصراحة ماودي يتغير الطير علي ويتأثر كلامه ويقل

مشكور أخوي الفاضل بلاك ..

[بلاك بيري]

هلا حبيبي
نصيحتي لا تستعجل بتكاثر طيرك ووضعه مع طيور اخرى ان كان عمره اقل من سنتين
والطير الانثى لابد يكون عمرها على الاقل سنتين وما فوووق
خليك على طيرك وخليه يطربك بكلامه احسن ما يسكت

تحياتي

[الخبر مان]

يسلموووا أخوي بلاك أجل باخذ بشورتك ولا بستعجل

مشكور أخوي والله يكثر من أمثالك يعطيك العافيية ..

[ابو محمــد]

الخبر مان شكلك جديد في عالم الببغاء الافريقي ؟؟؟

هل تعلم ان البلوغ للببغاء الافريقي ما بين 4 سنوات الى 5 سنوات

هل تعلم ان الذكر هو من يقوم بأختيار الانثى

اسرار الافريقي تحتاج الى الخبره والتفريخ يحتاج الى مكان هاديء وصبر.

بالتوفيق

[الخبر مان]

مرحبا أخوي أبو محمد يعطيك العافية

الببغاء اللي عندي صار له تقريباً سنتين وأعتقد والله أعلم إني شاريه وهو في عمر السنتين وصراحة

أخوي أنا ماني متعمق في أمور الببغاء الإفريقي ولا عندي خبرة حقيقة وأنا كان ودي أشتري أنثى ليس

لأجل التفريخ ولكن الأخ بلاك بيري يوم قال تزاوج وتفريخ قلت أستفسر عن التزاوج وإذا العملية سهلة

نسويها ونتوكل على الله بس على حسب كلامكم شكلها صعبة ..

الله يجزاكم خير أخواني ..

[آنآستــآزيآ]

الببغاء اللي عندي صار له تقريباً سنتين وأعتقد والله أعلم إني شاريه وهو في عمر السنتين وصراحة

.. يــآريت صــوورهـ تووضــح لــوون العيــن بـ هــذاا الخصــووص ..

بس على حسب كلامكم شكلها صعبة ..

.. مــاافي شــيء مستحيــل !! لــوو طيــركـ عمــرهـ فــووق الثلاثــة سنــواات جـــــــرّب !! مــاا بتخســر شــيء !! بـ العكــس .. أنــت بتستفيــد وبتزيــد خبيــرتكـ فــي إنتــااج الكااسكــوو وتصرفااتــهـ بـ شكــل كبيــــــر .. وتفضــل إقــرأ عــن إنتــااج الكااسكــوو وكيفيــة تهيئــة المكــاان لــهـ وانــ شــاءاللهـ يــووم تصيــر تملــكـ جــووز ويبيــض ويفــرخ عنــدكـ .. ^_^ ..

.. آنآستــآزيآ ..

[آنآستــآزيآ]

.. نسيــت أقــوولكـ .. لازمــ فحــص DNA علــى طيــركـ وع الطيــر اللــي بتشتريــهـ لــوو حبّيــت تنتــج .. ولازمــ بعــد تنتقيــهـ بـ كــل عنااايــة !! ..

.. آنآستــآزيآ ..

[الخبر مان]

يعطيك العافية أخوي أناستازيا الله يجزاك خير

أنا في الحقيقة أهملت الطير فترة بعد ماكنت مهتم فيه وأعتقد هذا الشيء اللي خلاه ينقلب علي

وماصار معاي مثل أول وعشان كذا فكرت أشتري أنثى ( إذا تأكدت إنه ذكر ) يقضي وقته معها وماطرت فكرة

الإنتاج في راسي إلا يوم ذكر الأخ بلاك بيري سالفة التزاوج والإنتاج فقلت في نفسي إذا العملية سهلة وتتوقف

على شراء أنثى بس بس الشغلة شكلها عويصة وأنا ماني محترف أخوي ولا عندي الوقت الكافي للإهتمام

بمسألة التفريخ ولا الود ودي والله أقضي أغلب وقتي معهم ..

شكراً أخوي أناستازيا ..