ارجو الاجاااااااااابة

[الهاشم]

السلام عليكم ورحمة الله
عندي كم سؤال واحب تفيدوني بالمعلومات الاكيدة :D
انا ناوي اشتري لي فرخ ببغاء ( 5- 7 ) شهور
وحصلت الآتي
African grey تقريبا 3500
Yellow-crowned amazon تقريبا نفس السعر 3500
Blue-fronted amazon تقريبا 2500

طبعا انا حاب الامازون وسمعت انه متحدث جيد وبعض الاحيان افضل من الرمادي
انا حاب واحد اكون سريع التعلم ولعوب
مع العلم اني في بولندا لهذا يمكن الاسعار مختلفة شوي
انتظر ردودكم

[آنآستــآزيآ]

.. مــا علمتنــا وش العملــة المقصــوودة ؟؟! إذاا أنــت محوولهــا لـ الريــال السعــودي فــي ذكــركـ ..

.. بـ النسبــة لـ الأفريقــي الرمــادي سعــرهـ مرتفــع جــداً !! ..

.. بـ النسبــة لـ اليلــو كــراون سعــرهـ فــوق اللــي يستااهلــهـ بـ شــوي ..

.. بـ النسبــة لـ البلــو فرونتيــد سعــرهـ جــداً ممتــاز .. وهــو أفضلهــم فــي اللعــب والدلــع .. الكااسكــو أفضــل منــهـ فــي الكــلام لكــن البلــو فرونتيــد أيضــاً يعتبــر متحــدث موهـــــووب جــداً وماخــذ المركــز الثالــث عالميــاً بـ الأمــازونياات فــي القــدرة الكلاميــة ..

.. آنآستــآزيآ ..

[الهاشم]

مشكوور آنآستــآزيآ هذي الاسعار مقربة للريال
يعني تنصحني آخذ البلوفرونتد على اليلو كراون لاني مسعت اليلو كراون افضل وطبعا الطيرين أليفين واعمارهم في حدود (6- 7 ) شهور

[آنآستــآزيآ]

.. البلــوو فرونتيــد سعــرهـ أعلــى وهــوو أكثــر محبــة بيــن النــااس ..

.. أنصحــكـ بــهـ .. بــس لــوو حبيــت اليلــوو كــراون أكثــر القــراار الأول والأخيــر راجــع لكـ .. ^_^ ..

.. آنآستــآزيآ ..

[الهاشم]

مشكوور وما قصرت بس أخر سؤال وسمح لي تعبتك معي لكن لان ما عندي خبرة ابد في الامازون بس حاب آخذ واحد
برايك ويش الافضل في الكلام وتقليد الاصوات والذكاء البلوفرينتد او اليلو كراون وهل الفرق كبير

[آنآستــآزيآ]

.. الفــرق ليــس بـ كبيــر .. البلــوو فرونتيــد ماخــذ المركــز الثاالــث .. واليلــوو كــراون الراابــع ..

.. شكلــكـ تبغــى اليلــوو كــراون .. :p .. خــلاص اللهـ يووفقــكـ فــي شــرااءهـ .. ^_^ ..

.. آنآستــآزيآ ..

[الهاشم]

هههههههه لا ابدا بالعكس البلوفنتد شكله احلى لكن لان المحل راسل لي رسالة بالاسعار وذي الشغلات فكاتب لي ان اليلو كراون افضل في الكلام وتقليد الاصوات
لكن بالنسبة لي البلوفنتد اجمل ^_^

[آنآستــآزيآ]

.. واللهـ كلهــاا أنــوااع جميلــة ! أنــت فكّــر قبــل مــاا تشتــري واللهـ يكــوون بعــوونكـ ..

.. آنآستــآزيآ ..

[بو اروى]

بصراحة البلوفرونتد لايعلى عليه خاصة بعد التدريب

يطلع لك طير تحفة

والله يوفقك في اختيارك اهم شي لاتنسى تصور لنا الطير في قسم الصور

[هاني25]

القرار الاول والاخير لك لكن انصحك تاخذ بلوفرنتد
بالتوفيق

[بلاك بيري]

انصحك بالبلوفرونتد امازون فهو طير اكثر من رائع

[الهاشم]

http://www.2zoo.com/vb/picture.php?albumid=1535&pictureid=13241

[الهاشم]

هذي صورة الطير ابي رايكم فيه طبعا على كلام صاحبه 7 شهور

[الهاشم]

http://www.2zoo.com/vb/picture.php?albumid=1535&pictureid=13240
وهذا اليلو كراون انا محتار بين الاثنين لكن احتمال كبير آخذ البلوفونتد لانه الافضل حسب راي بعض الاعضاء

[بلاك بيري]

خذ بلوفرونتد فرخ وحار وخلي حجله كبس بيطلع رخييييص جدا وانت رجال هاوي تبي تربي الحجل مابيفرق معاك كثير

تحياتي

[رضا علي]

السلام عليكم
شلونك اخوي الهاشم عساك بخير
ابي استفسر منك لو تكرمت
انا عايش في بولندا من خمسة شهور
وعجزت الاقي فروخ طيور او طيور مدربه
ياليت لو تعرف اماكن او مواقع او اي شي ممكن انه يفيدني ياليت تفيدني الله يوفقك
سجلت عشان اسالك لان موضوعك لفت نظري :$

[الهاشم]

ههههه اخوي انا توني امس شاري الفرخ واعرف كل الفروخ الموجوده عندهم الآن
المحل في وارسو ولا في توصيل

[الهاشم]

انت ويش تبي بالظبط ببغاء ولا طيور عادية

[رضا علي]

مرحبا اخوي
شنو الي شريته وكم كلفك اذا مافي مانع؟
انا ابي فرخ ببغاء
يعني
كاسيكو افريقي او امازون
والطلب الاول هذا
Rainbow Lorikeet
http://upload.wikimedia.org/wikipedia/commons/thumb/c/c0/Trichoglossus_haematodus_-Jurong_Bird_Park%2C_Singapore_-Dec2009.jpg/800px-Trichoglossus_haematodus_-Jurong_Bird_Park%2C_Singapore_-Dec2009.jpg
اذا مالقيته بخذ لي امازون او افريقي
ياليت تعطيني موقع المحل بوارسو اذا ماعليك تعب
انا ساكن في لوبلن وكل ويكند انزل وارسو اقضي الويكند فيها
شكرآ لتعاونك

[الهاشم]

طيب اخوي بعطيك المعلومات عن الفروخ اللي عندهم لان صرت عارف كل اللي موجود من فروخ
طبعا انا ما ادري كم الميزانية اللي انت حاطنه ليه لكن الموجود
فرخين كاسيكو (5-6 شهور ) 3500 زلوتي
فرخ يلو ناب امازون ( 5800) زلوتي طبعا هو صحيح غالي لكن هذا نفس السعر اللي عندنا في السعودية ويمكن ارخص وهذا النوع بالذات افضل ببغاء متحدث وتقدر تقرا عنه وتشوف
فرخين كراون امازون ب 3500 زلوتي
شوف انت ادخل على البومي بتحصل صورة لمجموعة من البغباءات هذي المحل رسلها لي قبل ما اشتري طيري

اناا انشاء ذي اليومين بشوف لك عنوان المحل لاني ضيعته
للاسف ما عندي اي معلومة عن الطير اللي تبيه لكن ما اعتقد في فرخ لاني سالتهم عن الفروخ الموجودة وقالوا صعب تحصل في ذا الوقت فروخ لهذا اعمارهم بين 5-7 شهور
اي اسالة انا حاضر

[رضا علي]

يعطيك الف عافية ماقصرت
بالنسبة لفرخين كروان امازون ب 3500 زلوتي الواحد ب3500 لو الفصل ب 3500؟
واهم شي الفروخ الي عندهم ماتجعر وتصارخ
طيب عزيزي انا في انتظار العنوان عشان امرهم الاسبوع الجاي ان شالله
والحمدلله اني لقيتك لاني طفشت بدون طير ..متعود بالبيت على ثلاثة طيور مينو وكروان وبلبول واجي اعيش هنا ماعندي شي ورحت اكثر من محل الي يكونو بالمجمعات وكل الي عندهم كروانات وببغاوات كبار في السن مو اليفين
ولقيت موضوعك وفرحت :D

[الهاشم]

لا تخاف اخوي مية بالمية قبل الويكند الجاي بكون العنوان عندك وانت روح شووف
انا ما ادري اذا كانت تجعر او لا لاني اخذت بلوفرونتد امازون وكان هو آخر حبة فكلمتهم قبل وقلت وخبرتهم يحجزوه
وامس لما رحت المحل كان محطوط برا ( طبعا طيري مرة تمام كان خايف في المحل بس الحين يلحقني رغم انه اول يوم ليه معي لكن ما يبيني المسه ابدا)

[الهاشم]

صحيح الكروان امازون هذا للفرخ الواحد وفي صورة ليهم في البومي من المحل يمكن اسعارهم غالية شوي لكن لاني احب الطيور فقلت يلا ما في مشكلة انا لما رحت شفتهم من بعيد فما ادري اذا يجعروا او لا وعلى كلام راعي المحل انهم مأكلين بالايد
انت شكللك زيي اذا نويت على شي بتاخذه

[رضا علي]

طيب عزيزي يعطيك العافية
واذا لقيت العنوان اكتبه لي هنا لان الرسائل ماتشتغل عندي لازم 50 مشاركة
واذا محتاج اي استفسار في بولندا انا حاضر

[الهاشم]

طيب ما يصير خاطرك الا طيب

[الهاشم]

طيب عزيزي يعطيك العافية
واذا لقيت العنوان اكتبه لي هنا لان الرسائل ماتشتغل عندي لازم 50 مشاركة
واذا محتاج اي استفسار في بولندا انا حاضر


اهلين اخوي انا حصلت موقعهم في النت
http://papugi.com.pl/en/?strona&id=2
ادخله وبتحصل فيه العنوان
لكن مو تصدق كل المكتوب لان ما عندهم جميع الانواع خصوصا في هذا الوقت :p:p

[رضا علي]

يعطيك الف عافية
ان شالله هالاسبوع اذا قدرت راح امرهم او الي بعده
مشكور وماقصرت غالي:)