كاسكو مريض وابي منكم المشوره ..

[مسمار جحا؟؟]

السلام عليكم ..

اخواني ياليت اللي له خبره يساعدني ..

انا عندي كاسكو عمره سنه وشوي .. وله يومين ما اكل من " حب عباد الشمس " ولا شي .. >> مضرب عن الطعام الاخ :) ..

المهم .. يوم نزلت القفص لقيت " برازه " وانتوا بكرامه زي المويه ..

أخاف الطير منصاب مع البرد >> لا حد يقلي كوّيه :) ..

ايش صايرله .. وايش اقدر اسوي له عشان يتعدل حاله ..

[فديت الكاسكو لو يدري]

عليكم السلام ,~,
اخووي انا كان عندي كاسكو و زي حالة طيرك . وللاسف اهملته لاني كنت مبتدأ وماكنت اعرف له وحسبالي امر عادي انه مضرب عن الطعام والكلام بعد ..
ومر يوم ورا يوم وحالته زيد سوء ولما وديته عند البيطري قال لي انه مريض .. ومالحقت اعالجه ومات ..
فنصيحتي لك لا تترك الطير وخل اي دكتور مختص وواثق منه يعاينه قبل لا ازيد حالته .
وشكراً .

[آنآستــآزيآ]

.. لازمــ تعاالجــهـ بـ أقــرب وقــت !! ..

.. إشتــر لــهـ مضــااد حيــووي اسمــهـ .. بــاي تريــل 10% .. ممتــااز جــداً ومفعــوولهـ كذلــكـ .. وإبــدء معــااهـ مــن الغــد أو اليــووم لــوو تقــدر ..

.. إذاا لاحضــت بعــد يــووم أو يووميــن الطيــر مــاا أكــل حااجــهـ لا سمــح اللهـ جيــب سرنجــهـ وعبّهــاا أكــل فــرووخ مخلــووط جيــداً وغرّهــاا فــي فمّــهـ ..

.. طبعــااً لا تنســى تنظــف قفصــهـ بـ إستمــراار .. وتعرضّــهـ لـ أشعــة الشمــس يوميــااً .. وتبعــدهـ عــن البــرد خصــوووصاً !! ..

.. واللهـ يشفيــهـ يــــآرب ..

.. آنآستــآزيآ ..

[مسمار جحا؟؟]

شكرا لكم يا اخوان على هالتجاوب الطيب ..

انا رحت بعد المغرب لمحل طيور وعطاني تركيبه من ثلاث ادويه ..

واحد ابيض وواحد وردي وواحد اصفر .. وخلطهم سوا وقلي حطهم للطير في الماء .. ( ايش رايكم في اللي عطاني اياه )

عموما اي شي يصير معي راح انبرشلكم هنا واسألكم عنه وانتم ماشالله ماتقصرون ..

والله يجيب اللي فيه الخير ..

وشكرا ..

[مسمار جحا؟؟]

ياجماعه انا اليوم حطيتله تفاح بعد ما يئست انه ياكل من الحب اللي عنده .. هل في التفاح ضرر عليه وهو مريض ..

افيدوني الله لا يهينكم ..

[مسمار جحا؟؟]

وينكم يالربع مافزعتولنا اليوم .. وين المميزين والثقات " اناستازيا - بلاك بيري " ولا يهون الباقين ..

ياجماعه انا قمت أخبّص في محاولات يائسه لانقاذ طيري ..

انا اليوم عبيت " سرنجه " بالماء اللي يحتوي على الدوا وشربتها للطير ..

هل هذا يكفي ولا باااقي ماسويت شي ..

وبالنسبه للاكل اللي نصحتني فيه يا اخ اناستازيا , كيف اخلطه لأني ماعرفت ايش نوع الاكل بالضبط ..

انتظر ردودكم لا هنتهم ..

وشكرا مقدما ..

[sweet_heart]

بالنسبه للتفاح ما فيه اي ضرر بالعكس يعتبر مضاد حيوي طبيعي

بالنسبه لخلطة الاكل جيب اي خلطة حبوب جاهزه من اللي تباع في المحلات ومخصصه لطيور الببغاء

وممكن تضيف عليهم كورن فلكس وفواكه

وتخلطهم بالخلاط الين تصير مطحونه مره وتضيف عليها مويه دافيه وتخلطهم كويس يعني مو مره تكون مويه لا اثقل شوي

وحطها بالسرنجه وغر الطير فيها

اتمنى اكون افدتك مؤقتا الين يجوون الاخوان ويكملون الباقي

[بلاك بيري]

اخي الفاضل تحيه طيبه وبعد

ناديت ومالك الا نلبي النداء

طيرك ان ما اكل حب موب مشكله ياكل تفاح اهم شي ياكل شي يمسك بطنه الين نعالجه بالشكل الصحيح والمطلوب
انا افضل استخدام الخلطات الغذائيه المتوفره بكل صيدليه بيطرة وان ما لقيت تلاقي السيريلاك بالفواكه المشكله ممتاز جدا خلي ملعقه سيريلاك وخففها بسيرنجه مليانه ماء فاتر دافي وغر الطير واتبعه ب 2 سيسي ونص سيرنجه انسولين باي تريل 3 مرات باليوم وتاكد من ابتلاع الطير للدواء وخلال 24 ساعه راح تلاقي تحسن ملحوظ انشاءالله تعالى

اتمنى ان اكون قد افدتك

تحياتي

[بلاك بيري]

لا تنسى تدفي الطير وتغطيه بالليل وتبعد عنه اي تيار هوائي وخلي مع الحب الفول السوداني
وان ما كان عندك باي تريل اغلي رز وخذ موته وخليها عند الطير في المشرب وان ما كان عندك رز شاي اغليه وغليه غامق بدون سكر وحطه لطيرك يشرب منه

شد حيلك واحنا معاك قلبا وقالبا

تحياتي

[houston]

عطه شاي من غير سكر
وعطه فواكهه شكل له اكل اذا موراضي ياكل شمسي

[مسمار جحا؟؟]

يعطيكم العافيه جميعا كلا باِسمه ..

انا امس سويت زي ما نصحتوني وحطيت شوية تفاح مع شوية موز وحب طيور مشكل مع رشه من الدوا اللي ينحط في المويه وغريته للطير بعد الخلط طبعا ..

بس انا لاحظت انه يطلعه بلسانه كأنه ماهو مستسيغه لكن اكل منه بالقوه .. والحمد لله ..

وللمعلوميه الطير للحين ما اكل ولا حبه حب ووضعه ماهو مطمني ..

عموما .. نصبر عليه ولو فيه جديد ابلغكم بالنشامى .. وادعوله بالشفاء ..

وفيه استفسار .. هي فترة شفاء الطير من مثل هالمرض كم تستغرق من الوقت ..

واذا في اي نصيحه لاتبخلوا علي بها ..

وشكرا لكم ..

[بلاك بيري]

ممتاز جدا استمر على كذا وعاده الطير نفكه من الغر بمجرد ما يستعيد قواه ويوقف وياكل من نفسه
بالنسبه لمده العلاج بالنسبه لحاله طيرك افضل انك تستمر على العلاج فتره خمسه ايام بعد ما يتحسن الطير ويصير طبيعي حتى يتم الاستئصال الكامل للمرض من جسمه

تحياتي

[مسمار جحا؟؟]

شكرا لكـ اخي بلاك بيري وشكرا للجميع ..

استحملوني هاليومين الين يبرا الطير باذن الله ..

انا اليوم لاحظت تحسن في " برازه " وانتم بكرامه لأنه أول كان سائل فقط والحين بدأ ينشف شوي ..

وابغا اعرف هل ترويشه يضر الحين لأني وانا اغره امس وسخته وجيت اليوم الظهر روشته ؟؟

انتظر افادتكم الله لا يهينكم ..

وشكرا ..

[بلاك بيري]

ممنوع ممنوع ممنوع اذا الجو للطيور السليمه ممكن يمرضها
ترويش الطير وهو مريض خطأ ما يصير

[مسمار جحا؟؟]

الله يستر .. الله يستر ..

[tomoo7]

السلام عليكم

انا طائري نفس الاعراض بداية المرض كان سهال وخمول ونافش الريش وكحة خفيفة وكان ياكل طبيعي رحت للبيطري وخلاه عنده يعالجه وبعد سته ايام قالي الطير طاب تعال خذه ، ولكن لاحظت ان اكله قليل جدا مو مثل اول واصبح اضعف من اول بس تعافى من الكحة ونفش الريش لكن السهال موجود فلت احط له ثوم وليمون يمدحونه في المنتدى وللاسف بعدها بطل ياكل او يشرب واستفرغ مرة وحدة فقط قلت اعطيه سيريلاك واشربه الماء بالابرة اليوم الأول مشي الحال اليوم الثاني صار مايبلع الطعام . ومن جهلي وقلة خبرتي امس غريته سيريلاك وانخنق لانه مايبلع ومات بالحال .

لذلك يجب انك تتاكد من كمية الأكل لاتزود وتأكد ان الطائر يبلع الي انت عطيته

هذه تجربتي وطائري كان عمرة ثمانية شهور وماتحمل البرد الي قبل اسبوعين وماكمل الشهر من شرائي له .

اتمنى اني افدتكم ولكم تحياتي في اولى مشاركاتي .

[مسمار جحا؟؟]

^^^

الله يعوض عليكـ ياخيي ..

ثم ...

اولا : شكرا لكل من ساعدني بمشوره او نصيحه تخص علاج طيري ..

ثانيا : الحمد لله الطير اليوم بدأ " برازه " يتحسن بشكل واضح وبدأ ياكل الحب بشكل طبيعي ..

ثالثا : اخر وصفه غريتها للطير تتكون من ( تفاح اخصر - موز - ملعقتين لبن زبادي - بطاطس مسلوق - ملعقة
عسل - فص ثوم - رشة من دواءة - غطاء دواء اسهال للأطفال ) >> حشى محل عطاره مهي وصفه :) ..

والحمد لله اليوم صار احسن ..

وطريقه الغر كانت بجعل الخليط سائل بحيث يبتلعه الطير بمجرد دخوله الفم ..

وكنت احرص على ان لا اكتم انفاسه اثناء الغر .. يعني اغره واسيبه يتنفس ..

والحمد لله نقدر نعتبر ان الطير تعافى ..

شكرا للجميع ..

[ٌابوعمر]

الف مبروك تعافي طيرك يا ليت اخوي ماتستعمل الخط هاذا لانه يوجع الراس وماقدر اقرا زين هاذا

[بلاك بيري]

ممتاز جدا جدا خليك محدثنا بحاله طيرك علشان لو في شي نقدر نتصرف بسرعه

[مسمار جحا؟؟]

من عيوني يا بو عمر اغيرلك الخط :) ..


الاخ المميز بلاك بيري .. اشكركـ على حرصكـ على انتهاء مرض الطير بشكل نهائي .. اقدر لكـ هذه الخدمه حقا ..

اليوم .. قمت بوضع ماء للطير بدون ان اضع له الدواء فيه ووضعت له الحب المشكل كالسابق .. بقصد ان يعود
الطير لحالته السابقه قبل المرض من ناحية الماء والاكل وعدم تغطية القفص ... الخ ..

ولكن لاحظت وانا انظف القفص ريش ابيض لم يكن يسقط من الطير قبل مرضه

علما ان شكل الطير متناسق ولا يوجد به تنتيف .. هل هذا طبيعي ..

واذا مهو طبيعي .. مالحل لذلكـ ..

وشكرا مقدما ..

[بلاك بيري]

طبيعي جدا ولا تقلق
لا تحرم الطير من المكان الدافئ ابدا دايما غطي القفص خصوصا اثناء النوم وابعده عن التيارات الهوائيه


تحياتي

[مسمار جحا؟؟]

السلام عليكم ..

اخواني الافاضل كيف الحل .. ان شاء الله تكونوا بأفضل حال ..

ياجماعه بما انكم معي من اول حالة مرض طيري الى الان فأنا فضّلت اني استشيركم اولا قبل لا اروح للطبيب البيطري ..

الطير الحمد لله خف الاسعال عنده لفترة اسبوعين واصبح ياكل بشكل طبيعي لكن الطير له اسبوع تقريبا يعاني من اسهال شديد .. الاسهال يكون فيه براز " وانتوا بكرامه " لكن يغلب عليه الماء السائل بكثرة ..

وانا لاحظت ان الطير يشرب اغلب الماء اللي في المشربيه .. اول ما كان يشرب ربع اللي يشربه الحين ؟؟؟

ايش تنصحوني ..

وشكرا مقدما ..