ســــاعدووني *_*

[r0or0o]

السلام عليكم ورحمة الله وبركاته

انا قطوتي مرضت وصارت تستفرغ وماتتنفس زين ووديتها البيطري امس وقال عندها التهاب ف الرئه وحرارتها مررررتتفعه واعطاها ابره ومضاد بيتاموكس ( واحتمال تكون قطوتي حامل )
وقال اعطيها مرتين مره فالليل وره ف الصباح والحين وقت علاجها وهي من امس ع حالها نايمه ولا اكلت ولا شي .. يصير اعطيها العلاج بدون اكل ..؟؟
وشلون اخليها تاكل عجزت فيها كل شي جبته لها وماكلت .؟؟
عطوني حللل الله يجزاكم خير :(

[r0or0o]

محد يعرف ش الحل .!!!!!

[رووووزه]

لازم تحاوليها تاكل انا روزتي لما تعبت كانت بس نايمه ونفس الشي ماتاكل

بس ما اخليها اشيلها وهي نايمه وحطها عند اكلها واخذ من الدراي فود ف يدي واقربو من فمها والحمدلله اكلت وابلل يدي موي وامسح ع فمها فتشرب حاولي معاها بالطيب

[الخبيرة ناديا]

اسفه على التاخير يااختي

بخصوص قطتك هي في اي مرحله من الحمل .

في البدايه او المنتصف او في الاخير؟

والبيتاموكس ممتاز ومابيضرها ان شاء الله

استمري عليه واعطيها منه حتى لو مااكلت عادي لانه خفيف وماياذي القطط.

بعكس المضادات البشريه والتي تكون لابد تعطيها بعد الاكل حتى ماتتقرح معدتها او تلتهب.

ضروري تاكليها بالسرنجه ..

ضعي الدجاج مع قليل من الشوربه او مرقه الدجاج في الخلاط حتى يصبح مهروس مثل اكل الاطفال

واعطيها قليل وعلى دفعات صغيره بالسرنجه .

وايضا اعطيها فيتامينات حتى تقويها وتعطيها مناعه اكثر .

وضروري تدفيها وتبعديها عن التيارات الهوائيه حت تخف وتصبح افضل .

[باغيرا]

وعليكم السلام ورحمة الله وبركاته
ماشاء الله تبارك الله على الخبيرة ناديا
كفت ووفت الله يجزاها الخير
وبخصوص الاكل تقدري تاكليها بالسرنجة
بتهرسي الاكل الصحي والخفيف زي الدجاج الافخاذ المسلوقة الطرية طبعا من غير عظم
وممكن كوسة مهروسة مع القليل من المرق واعتني فيها واذا شفتي حالتها ازدادت سوء لا قدر الله
ضروري تصتحبيها للبيطري مرة اخرى
والله يشافيها لك ياااارب

[r0or0o]

الله يجزاكم خير جميعاً والخبيره ناديا..
واتوقع انها حامل مو اكيد لاني وديتها تزاوج من اسبوعين .. وبعدها تعبت ..
وقطوتي من امس ع حالها اعطيتها البيتاموكس الصباح وحاولت ااكلها بالسرنجه بالقوه لانها ماتكل حتى بالسرنجه
بس تشرب مويه وحاطتها بمكان دافي ..*_*
ع نفس حالها واحس فيها للحين حراره ماتحسنت
شنو الفيتامينات الي اعطيها ؟؟

[r0or0o]

قطتي مصابه بألتهاب الكبد .. بعد مراجعتي للبيطري مره ثانيه ..

وحالتها سيييييئئئئئه ..

الله يشفيها

[Octopus]

الله يشفيها و تشفين احلى كيتز منها

و كم عمرها حاليا

[r0or0o]

اللهم اميين ..مشكووره اختي ..

عمرها 9 اشهر وعيونها واطرافها صايره صفرا..

وماتكل ابد والبيطيري قال لازم اجيها له مرتين ف اليوم ف هالفتره لان حالتها سيئه..

[الخبيرة ناديا]

الله يشفيها لك يارب

واضبي على زياره البيطري فيها

واستودعيها الله وادعيلها.

الله يكون بعونك ويصبر قلبك

[Octopus]

اللهم اميين ..مشكووره اختي ..

عمرها 9 اشهر وعيونها واطرافها صايره صفرا..

وماتكل ابد والبيطيري قال لازم اجيها له مرتين ف اليوم ف هالفتره لان حالتها سيئه..


اول شي انا و لد مب بنت للعلم

[r0or0o]

يعطيك العافيه اختي ناديا ماقصرتي ..

والعذر منك اخوي اكتوبس مانتبهت .. *_*

والله يشفي قطوتي ويردلها عافيتها ..