اللي عنده حبرة بالقنفذ يدخل لو سمحتوا

[بــيــدوؤو]

السلام عليكم ورحمه الله وبركاته

شلونكم يالاخوان

من زمان ما دخلت المنتدى اشتقتلكم :freind:

عندي قنفذ من اربع ايام وحاطه بقفص همستري القديم وحاط له بيت كبير له وماي بصحن وتمر شويه

لاني ما اعرف شلون يشرب ولا شنو ياكل

لاحظت عليه باكل التمر فحطيته له

بس ساعدوني وقولولي شنو ياكل وشلون يشرب

والقفص شنو تكون مواصفاته يعني طوله وعرضه وشنو يكون داخله

وشلون العبه يعني احط له عجله ولا شلون ؟

وانا فرشت ارضيه قفصه نشارة خشب هل لازم احط له حمام رمل يتونس فيه ولا لا ؟

اتمنى تردون بسرعه .... :rolleyes:

[marshmallow]

وعليكم آلسسلآم ورحمة آلله وبركآته ..

آلقنفذ لـآيتبع فصيله آلقوارض .. لـ ذلك ينقل آلموضوع لـ موسوعة آلحيوآنآت ..

بآلتوفيق ..

[Heloderma]

شنو ياكل وشلون يشرب

ياكل حشرات ، لو قدرت توفر له الحشرات ولو بشكل أسبوعي يكون أحسن
لكن لو ما قدرت تقدر تعطيه أكل القطط المعلب عادي ، بس تأكد من انها شركة كويسة :)
و مافي مشكلة لو عطيته خضار ( جزر - خيار - خس ) لكن مو بشكل يومي ( سناك بس )

والقفص شنو تكون مواصفاته يعني طوله وعرضه وشنو يكون داخله

يفضل يكون واسع قدر الإمكان ، يعني طوله أو عرضه أما الارتفاع مو مهم مرة
و عمومًا هو تقريبًا مثل القطط تخليه في البيت أو معاك أغلب الوقت
يعني إذا عندك صغار في البيت ( تقريبًا من 5 سنوات و تحت ، حسب الشقاوة :D ) ما أنصحك بالقنفذ كحيوان أليف

وشلون العبه يعني احط له عجله ولا شلون ؟

لازم تحط عجلة لأنه يحب يمشي و يتجول خاصة في الليل ، و حط أنفاق و أشياء يتخبى فيها

وانا فرشت ارضيه قفصه نشارة خشب هل لازم احط له حمام رمل يتونس فيه ولا لا ؟

حط له حمام رمل عادي من البر لكن يكون رمل نظيف و ناعم ، ومادري إذا ضروري أو لا لكن ما أعتقد

و إذا حسيت ان القنفذ مرة توصخ تقدر تروشه بيدك بفرشاة أسنان

[Octopus]

في مواضيع للتربية القنافذ تلقيها في الفهرس:)

و انتبهي من اشواكه الحادة

[بــيــدوؤو]

اسف توني ادري انه مو قارض

شكرا عالرد يالاخوان بس انا والله احترت من وين اجيب له عجله واهوا حجمه كبير وايد

طيب محد يعرف وين يبيعون عجله كبيرة بالكويت ؟

العجلات اهني كلها صغيرة

والتمر ما يضره؟ لانه صعب اجيب له حشرات :-C

اللي عنده اي معلومات اضافيه عن تربيه القنفذ لا يبخل علي بكون شاكر لكم وايد





*

[ابن الطبيعة]

القنفذ يمووت في اللحم والسممك ويصير يجري لما يشم ريحة لحم مشوي في البيت و الاحسن انه ياككل لحوم و احيانا فواكه و لو حصل في البيت حشره راح ياكلها و اللحم ياكله ني و مطببوخ ما عنده مشكله ببس الخضروات مره في الاسبوع و بعدين هو ياكل الثعااااابين

[النمر الأبيض]

القنفذ من الحيوانات القارتة اي ياكل اللحوم والفواكه والجيف ايضا
غذاؤه الرئيسي يعتمد على الحشرات وياكل الثعابين أيضا وقد ياكل بعض النباتات قليلا وخصوصا اذا لم يجد اللحوم
تقدر تعطيه دجاج او سمك او اي نوع من انواع اللحوم بس ما يكون معفن تقدر تعطيه خنافس (تصيدها من البر او المزارع)
طبعا الخنافس بتكون وجبته المفضلة وتقدر تعطيه تمر ما عندك مشكلة لكن ما تعتمد عليه كغذاء رئيسي
بالنسبة للقفص كل ما كان اوسع كل ما كان افضل واريح بالنسبة له ويفضل تسوي له مكان يتخبا فيه وقت النوم
طبعا القنفذ حيوان ليلي
والرمل افضل من نشارة الخشب بالنسبة له لانه حيوان صحراوي بس تقدر تحط نشارة الخشب
واي استفسار حاضرين

[kingx]

الكوسا والخيار بحبها القنفذ بس لا تقطعيها خليها زي ما هي
وين هالغيبة انتي ليش موقوفه ارجو الرد برساله