اسفسار عن نوع كناري اول مره اسمع باسمه ..!

[طلع لي قرون]

السلام عليكم ورحمة الله وبركاته ..

وش اخباركم عساكم بخير وان شاء الله كل طيوركم مستانسه بهالاجواء :D


الموهيم انا حبيت اشتري كناري .. بما اني بالدمام .. ما ادل فيها محلات ..

لكن في واحد كلمته وقال عندي ذكر ما يوقف تغريد .. ما شاء الله ..

ونوعه احدب او اهدب .. اول مره يمر علي كناري بهالاسم ..


ويقولي انتم هنا بتسموه ايراني ..

انا بالبدايه كنت باخذه بس هالاسماء الي ما مرت علي هي الي خلتني متردد ..

وقلت اسالكم وان شاء الله تفيدوني ..

وهل هالنوع زين وتغريده عالي ..؟

مع العلم ان سعره ما يقل عن 400

انتظر افادتكم .. :shy:

[مـحـمـاس الـمـنـحـاس]

اللي اعرفه ياصاحبي
انو فيه نوع من الكناري يسمونه الاحدب وهو
الجـــــــــيبر الايطالي gibber italicus


وهذي صوره له
http://www.2zoo.org/uploads/13290054421.jpg (http://www.2zoo.org/)

[طلع لي قرون]

مشكور اخوي محماس ..


سبحان الله شكله غريب


بس الي عند الرجال ما اتوقع نفسه .. لانه يقول ايراني ..

وهو لخبطني صراحه ..

يقولي لبناني .. واسمه احدب .. وانتم تسموه ايراني ..


بس هاليومين اشوفه واجيب لكم صوره له وتعلموني ان شاء الله وش نوعه بالضبط ..


وتنصحوني بعد اخذه او لأ

[ستريفي]

الكناري الاحدب انواع مو بس الى فالصورة في الجيبر والهوزو والمفتلين والنورث وغيرهم
الباريسي يسمونه ايراني والفيورينو الايطالي هم يسمونه ايراني والخ باقي الانواع
حنا عندنا في السعودية والخليج اي كناري احدب او مفتل يسمونه ايراني او كوبرا وهذا مسمة خاطئ
الكناري الايراني يختلف عنهم يكون طويل وضعيف وتغريدة مممتاز جدا ما يحتاج
على العموم هالانواع هذي غالية في شي 350 وفي 500 وفي 800 على حسب نوعه
وفي عندك السوري انسب شي سعر تحصلة من 200 الى 250
وانت ان شاء الله لنزلت صورته بأذن الله احدد لك نوعه والسعر

[طلع لي قرون]

ستريفي الف شكر

وان شاء الله بنزل صورته قريب ..

الله يعطيك العافيه على توضيح الانواع

[ميجر]

أخوي هذا بالإمارات نسميه كوبرا و يكون سعر تقريبا 350 - 500 درهم أما الكوبرا المفتل يكون سعره 1000 درهم

و أنا بالنسبه لي ربيت الهولندي و الإيراني و طبعا الأفضل هو الإيراني بس يبغاله تخرخييشش << فلوس :)

[↓≈┃ ƒlšђя |•-̶̶_]

ابشركم اخذت لي زوج سوري ..

بجربه اسبوع اذا ما ناسبني اخذت الاحدب

واتمنى تردون على موضوعي

ارجو الرد من اهل الخبره والمنتجين ..


اتمنى تفيدوني بخصوص الزوج