سؤال عن المكاو

[none!!!]

السلام عليكم



عندي سؤال عن البلو اند قولد مكاو


انا اخذته من 4 ايام


اهو اليف


بس للحين مو مخليني المسه ولا امسح راسه وجسمه


وعضته كانت خفيف اقدر استحملها امس واليوم عطيته عسل ويرضا ياكل من ايدي لو عطيته بس اليوم عضته كانت قويه


شو الحل معاه راح يضل على طول جذي


واهو عمره 5 شهور

[without heart]

الي اعرف ان طريق الطائر بطنه انا عندي كوكاتو سيلفر كريستد اشتريته من ثلاث ايام اليف بس كان خايف مثل طيرك يوم اقرب له يرفع عرفه لانه خايف مني ومايعرفني ومن اول ساعه رقى بحضني دلعته اكل وفواكه وسلطات واسولف عليه وامسح له وهو بالقفص بعدين طلعته تعرف ع المكان بنفسه وخذا راحته وحس كل شي عادي بعدين قربت منه ومسحت عليه وعلى كل جسمه ودون استثناء والحين صرنا حبايب ^_^

[none!!!]

مشاءالله ربي يخليه لك


انا نزلته وخليته يتمشى بالبيت اهو يصعد على يدي


بس امسح عليه ما يرضا

[itti18]

انا عندي نفس الطير اللي عندك

بلو اند قولد مكاو

جبته وعمره قريب من عمر اللي عندك

ونفس الشي اول ما جبته

خايف وما يرضى امسكه وكذا

خليه زي ما هو كلها اسبوع او اسبوعين يتعود على البيت وعليكـ/ـي

ويصير زي الحلاوه

ويبدأ يتمرد كمان :D ويبدا يزعج ويعمل له جوه الخاص هههه

[none!!!]

اول ماجبته انته كان يخليك تمسح عليه صح ولا نفس حالت المكاو تبعي؟

انا للحين يخلييني اشيله بس السالفه اللمس يعض بقو اليوم لمست منقاره وكان عضه جد قوي طلع لي الدم

[itti18]

اول ما جبته ما كان يخليني اشيله الا بعد مضاربه

اللمس كان يخليني لكن يكون خايف ومتردد وكل شويه يحاول يعض واشيل يدي

انا ماني خبير .. انا اكلمك من اللي واجهته مع المكاو اول ما جبته

وبرأيي ما دام المكاو تبعك ينشال على اليد بأريحيه مافي اي شي تخاف منه

كلها مسأله وقت... ماله 4 ايام عندك لسا ما اتعود على البيت وكذا


والعض احيانا يكون لعب :D جرب تخلي يدك ثابته واتأكد يعض ولا بس يضغط < ماني مسئول عن اي عوارض جانبيه :D

اللي عندي مزحهه ثقيل شويتين يسويها .. ان شاء الله عندك احسن :D

وان شاء الله يفيدوك الخبراء بالاشياء اللي تفيدك وتفيد طيرك

[without heart]

اول ماجبته انته كان يخليك تمسح عليه صح ولا نفس حالت المكاو تبعي؟

انا للحين يخلييني اشيله بس السالفه اللمس يعض بقو اليوم لمست منقاره وكان عضه جد قوي طلع لي الدم

اعذريني خيتو دام وصلت لدم ولافته تنقاس بنسبه المئويه مانقدر نقول ميه بالميه اليف
لان الي عندي اول ماجبته لازعل يمسك اصبعي ويبعده بمنقاره ماعضني بنوب غير اليوم عضه
بس لاتذكر ابد خفيفه جدا وعاقبته عليها لاني ابيه حمامه وينسى شي اسمه عض

لاتحاولي تمسحي عليه عشان مايتعود ع العض وتصير ردة فعله هذي عاده
لازم تتخذي طرق معينه لو اعرفها بفيدك بس حاولي تسايريه الى ان يفيدونك الخبراء
وبالتوفيق عقبال مانشوفكم حبايب

[ٌابوعمر]

انتبه لنفسك منه ولا تحاول تضايقه من اول اسبوع ترا يكرهك ويحسبك تحاول تهاجمه اصبر عليه اسبوعين كذا
وبعدين حاول معه

[none!!!]

مشكور اخوي وان شاءاللله خبراء المكاو يفيدوني

[none!!!]

اخوي ابوعمر


انا اشيله عادي وياكل من ايدي بس لمن ابي امسح عليه يعض بقو


انا راح اخليه ولا راح المسه


بس اقدر اشيله واخليه يمشي صح لنه عادي يقعد يلعب بالكره

[ٌابوعمر]

ايه عادي الي يرضى لك فيه سويه بس اذا يخاف منك لمى تلمسه لا تلمسه احسن لك خليه فتره وهو بيصير ينشب لك اذا بدا يحبك تقدر تبدا تدربه وتخليه اليف اكثر

[none!!!]

مشكور اخوي بو عمر جزاك الله الف خير انا اشيله وادلعه وان شاءالله يتغير

[ٌابوعمر]

ان شاء الله يارب يتغير

[اجنوني امزوني]

انا صارت لي بس ادا يعض اعاقبه ,,
مثل : جوعته خليته بدون اكل من قبل النوم خليته ياكل ويشبع ويوم ثاني ماعطيته اكل الا الساعه 7 المغرب جيت له مديت ايدي بأكل واخذ من ايدي شوي شوي امسح على منقاره شوي شوي راسه وبعدين,,,,
جربها وقول لي النتيجه ^____*

[none!!!]

حرام اجوعه هالفتره احس كثير مايصير اقلل المده

[none!!!]

رفففففع للافاده

[بلاك بيري]

اصبري عليه يا بنت الناس على الاقل اسبوعين وان بدى يطلع على يدك لا تطلعيه مرة وبس لا حاولي كل يوم على الاقل عشر مرات وابدئي اكلي طيرك مع على الاستانده او من القفص وحاولي استخدام الاكل المحبب للطير قبل كل شيء مثل الفول السوداني او قطع الموز المجففه


تقبلي تحياتي

[آنآستــآزيآ]

.. إتبعــي كــلام الأخ بــلاكـ بيــري !! ..

.. الطيــر فــي أوول أياامــهـ !! يحتــااج صبــر وتحمّــل ومشقــة ..

.. آنآستــآزيآ ..

[none!!!]

مشكورين اخواني وانا اكتشفت انه يحب الخوخ انا خليته على راحته ومخلتنه على الاستاند مايحب القفص

[ٌابوعمر]

التجويع حراااااااااااام لا تجوينه ابببببببد مهما كان لو كان متوحش ماتجوعه

[عاشق الأطلال]

ارجو من الإدارة حذفه مكرر

[عاشق الأطلال]

اختي اول شي لازم يكون الببغاء في مكان هادي في الفترة الأولى من اقتناءه وهي من اسبوع إلى اسبوعين وفي هذي الفترة انتِ قدمي له الأكل والعبي معاه وسولفي معه وبشكل هادي

بعد كذا حاولي تلمسي راسه بشكل بسيط وهادي وعطيه الأكل اللي يحبه

بعد كذا اقتربي منه اكثر وحاولي تخلينه يطلع على يدك وأهم شي المكان يكون هادي وخصوصاً في هذي المرحلة وانتبهي اذا فتح منقاره تبعدي يدك بشكل سريع يعني لا يبان عليك الخوف لأن هذا الشي بيفتح باب صعب تسكرينه ..

وملاحظة مهمة يغفل عنها الكثير

لا يكون في يدك ساعة او اساور أو أي شي ممكن يلهي الطير أو يوتره

وفي الأخير اختي < المكاو من أجمل الطيور وأكثرها حب لصاحبها اذا عرف كيف يحتويها

[none!!!]

مشكور اخوي ماقصرت يعطيك العافيه