استفسار عن استقبال الطير عن طريق الشحن

[فهد جمعان]

السلام عليكم ورحمة الله وبركاته

مساكم الله بالخير

يااخوان ان شاء الله في اليومين المقبلين احتمال كبير أني استقبل طير جاي شحن عن طريق الشرقيه وانا من جدة , وبصراحه ماعندي أي معلومه عن طريقة الاستقبال وهل اذهب للمطار نفسه أو قبل ذهابي للمطار يوجد لافته مكتوب عليها ( الشحن الجوي ) لفه على اليمين هل اذهب اليها ؟ ياليت اهل الخبره يفيدوني وهل يوجد اجراءات لابد اتباعها ؟

[آنآستــآزيآ]

.. صــرااحهـ ماالــي خبــرهـ كبيــرهـ بـ هـ الموضــووع !! أنــت رووح المطــاار .. أكيــد التسليــم بيكــوون هنــااكـ !! وآســأل آيــ أحــد !! ..

.. وبـ التووفيــق لكـ يــآرب .. ^_^ ..

.. آنآستــآزيآ ..

[فهد جمعان]

شاكر مرورك

[بلاك بيري]

ماشاءالله الف مبروك اولا على طيرك الجديد وانشاءالله يتربى بعزك اعوام عديده

بالنسبه للشحن تروح لقسم الشحن الجوي عاده وهناك يكون في قسم مخصص عندهم للحيوانات الي جايه بالشحن ويجيبوا طيرك بناءا على رقم مسجل يكون معاك

بالتوفيق

[ABU3ZOOZ]

اخي اذا عديت نقطة التفتيش تجيك لوحه الشحن الجوي تتجه معاها يمين وتمشي الي اخر الخط وتلف يسار مبنى الشحن الجوي
وعساه مبروك الطير ان شاء الله

[فهد جمعان]

بيض الله وجيهكم على المعلومات القيمه وانا كنت افكر اني ادخل نفس المطار , تخيلوا الناس تستقبل اوادم وانا احط صورة الببغاء اذا دخل من صالة القدوم .

[مكحل الجنيه]

لا تتاخر على طيورك

نسق موعد ارسالها ووقت استقبالها

لان قسم الشحن يعاني من اهمال الموظفين

[O.habeeb]

اولا مبروك الطير الجديد يتربى في عزك
ثانيا انا ما عندي خبرة بالنسبة للشحن وا شاء الله يجيك الطير سالم وسليم ولو ما عرفت اسال في المطار وهم راح يقلون لك موفق

[O.habeeb]

اولا مبروك الطير الجديد يتربى في عزك
ثانيا انا ما عندي خبرة بالنسبة للشحن وا شاء الله يجيك الطير سالم وسليم ولو ما عرفت اسال في المطار وهم راح يقلون لك موفق

[بكاتشو]

شف اخوي
المرسل لك يسجل اسمك ورقم جوالك ويرسل لك رقم البوليصه
شركة الشحن بدورها تتصل عليك تاخذ الاذن والموافقه منك ويعلمونك متى وصول الرحله
تروح لشحن الجوي في المطار تقولهم جايه لي ارساليه يسجلون معلومات بطاقه الاحوال وتدخل تحصل مكتب تتاكد من وصول الرحله انه بنفس الوقت وتعلمهم ان الإرسالية عباره عن طير لانهم تنزل الطياره ويأخذون اكثر من ساعتين ما جابووو الإرساليات كذا هم اذا عرفووو انه طير يتصلون بالمسؤلين لاحضار الطير بشكل سريع
عاد انت بهرررر الامور ان الطير غالي جداً ههههههههه
وانا كثرت بربره وبالتفصيل الممل لكن عشان تروح وانت على بينه
الله يحفظك ويحفظ طيرك ومبروووك مقدما

[ٌابوعمر]

قسم الشحن الجوي وتقدر تتصل عليهم وتستفسر قبل لا تشحن الطير افضل تكون عارف كل شي قبل يوصل الطير وقول للي بيرسل لك الطير خليه يختار رحله فيها اوكسجين ترا يفطس لو ما قال لهم

[فهد جمعان]

الله يعطيكم العافية جميعاً , تم ولله الحمد استقبال الطير من الشحن سالماً غانماً . بيض الله وجيهكم . تسلمون كلاً باسمه .

[ٌابوعمر]

الحمدالله على سلامته الف مبروك

[فهد جمعان]

الله يبارك فيك

[w7eed aljazerah]

طيب اخوي انا زيك بستقبل طير من جده وانا في الرياض

تقدر تفيدني وش اللي سويت وياليت اذا كان عندك رقم لهم ومن يعرف مكانهم في مطار الملك خالد

[بكاتشو]

السلام عليكم اخوي وحيد الجزيرة
رح مطار الملك خالد واتجه مع طريق الصالات وتعدها تجبك المواقف خلك على طول لا يمين ولا يسار حتى تجيك اشاره وتشوف قبلها لوحه الشحن الجوي تروح يمين بعدها يجيك دوار رح يمين مع طريق مزدوج استمر حتى تجي على يسارك بوابه الشحن الجوي
الله يوفقك

[h4eak]

السلام عليكم ورحمة الله وبركته
أشكركم على الموضوع المفيد جدا

[ٌابوعمر]

صحيح كلام بكاتشو انا شحنت اكثر من طير على هاذي الطريقه

[w7eed aljazerah]

لا هنتوا يا بكاتشو ويا ابو عمر
امس استلمت الطير والوصف ميه الميه

يسلموووو

[بكاتشو]

حياك اخوي واديم بالخدمه
والف مبروووك الطير والله يحفظك ويحفظ لك طيرك

[ٌابوعمر]

الف مبروك وصول الطير بسلامه

[فهد جمعان]

الله يسلمك يالغالي ويعطيكم العافيه جميعاً على ردودكم . دمتم بخير .

[بلاك بيري]

الف مبروك اخوي

[j7roob]

اسعد الله اوقاتك بكل خير
يالغالي انا استلمت طير قبل اسبوعين من الشحن الجوي
طريقة الشحن كالتالي
اللي بيشحن الطير يروح للشحن الجوي ويعطيهم تفاصيل الطرد
بياخذو منه الاسم ورقم الجوال وكذلك اسم المستقبل ورقم جواله
بعدها بيرسلو برقيه لجهة الوصول ( الشحن الجوي )
الشحن الجوي اللي في منطقة الوصول راح يكلمو المستقبل او المستلم يبلغوه بالطرد اذا اعطاهم الموافقه على الاستلام يرسلو ( الشحن الجوي ) برقية بالمرافقه على الشحن
بعدها يتم تحديد موعد الرحله والاستلام بالاسم ورقم الجوال

ارجو اني افدتك

ودي وتقديري

[j7roob]

المعذره ردي جاي متأخر بس لاتلومني
الطير اللي عندي خوفني عليه اليوم ولكن ابشركم حالته تحسنت ولله الحمد
والفضل الاول لله ثم لهذا المنتدى بإدارته ومشرفيه واعضائه