(كاسكو) شي غريب

[Arashi]

السلام عليكم ورحمة اله وبركاته ^^

قبل ما أكتب سالفتي...أشكر اللي ساعدوني بالنصايح في استفساري الاول...جزاكم الله خير :D

الحين السالفه الغريبه...واقول انها غريبه لأني ليلحين ماعرف وايد في تربية الببغاء :confused:
طبعا انا شريت واحد عمره 5 شهور تقريبا امس...واليوم اكتشف انه مب هو الببغاء النشيط الجميل المشاكس اللي حجزته قبل بيوم....ليش صار خمول؟ :mad:
اتصلت على راعي المحل العصر وقلت له في شي مب طبيعي في الببغاء...وقال لي انهم عطوني ببغاء ثاني بالغلط...وقال تعالي بدليه...عاد انا ماصدقت يبدلونه ببلاش وقلت اوكي...وطرت بسيارتي عالمحل :12:

وفعلا...لما وصلت جفت حبي الاول P:
طبعا اللي شريته قبل ماكان مريض وقالوا انه شي طبيعي...ومدحه لي وقال أليف وليش تبدلينه و و و و و ...... قلت الا أشتري اللي اخترته قبل...مع انه متوحش وكثير الصراخ بس دخل مزاجي...كيفي :64:

وديته البيت عالمغرب...طبعا عمره اكثر من 6 شهور...بس عالاقل يطلع كم صوت ويصرخ ونشيط...حسيت فيه روح @@
بس متوحش...خليته خارج القفص لأنه يصرخ داخله
وكل شوي احاول اقرب منه واكلمه...بدى شوي شوي يرد علي بأصوات حلوه :D
عالساعه 11 قعدت اجوف مباراة برشلونه مع فريق ألماني اسمه غلج (وفزنا XD )...المهم خذت الببغاء وقعدته على ريولي...حسيته استانس...قلت اجرب أحضنه وادلعه...والله شي غريب...مع انه متوحش بس على طول استجاب :wao:
قام يتدلع علي..ويمسح بخده على يدي...ويسند راسه على كتفي ويغمض عينه...حتى لما أرجعه الستاند او القفص على طول يركض وراي ويروح ينخش تحتي او يركب علي رجولي يبيني أدلعه :eek:
وقام يسوي لي اصوات أكثر ويناديني بتصفيرات كل ما ابتعدت X3

بس شوي خايفه...هو في نص يوم تعود علي...وصار لزقه...بس اخاف لو اطلع كم ساعه أو أتركه في القفص وقت النوم يتعب نفسيا لأنه تعود عالدلع...مادري هالشي عادي ولا لا :(

[أمجـاد]

ما شاء الله تبارك الله :D


الله يبارك لك بالكاسكو ويخليه لك يارب :rolleyes:


بالنسبة لسؤالك فوالله ما قد جربت اسوي نفس ما سويتي وما عندي الجرأه أجرب << خوافه :(


ولكن اشوف أنه شيء جميل والله يكفيه شر العين :rolleyes:


ونشوف رأي باقي الأعضاء :D

[شايب حائل]

اختي انا يعقوب اذا قفلنا عليه في القفص يزعل ويحاول ينفش ريشه خاصه وقت النوم بس شي عادي هو اهم شي يكون عنده احد يجلس عنده يعني انا يعقوب حاطه في الصاله عند اهلي وتعود عليه

[yuki lover]

مـــــااشاء الله تباارك الله

يترربى الكااسكو بعزززك ^^

أنصحك تحطيلو ألعااب في القفص أو الاستااند

وقت ماتطلعي ...... عشاان يتلهى فييهم

وماايطفش ,,,

بالتوووفيـــــــــــــــــــق لكـِ ^_*

[طلع لي قرون]

ما شاء الله تبارك الله ..


الله يحفظه لك ويحرسه .. ويتربى بعزك ..


ومثل ما قال yuki lover

حطي له العاب .. وقت تطلعي ..

لكن اذا صرتي معه ابعدي الالعاب وخلي بيدك اللعبه الي تشوفيه يحبها والعبي انتي معه ..

وما شاء الله .. بصراحه طير مميز .. ويستاهل الدلع ..

حافظي عليه زين ..

وادخلي على المواضيع المهمه بترية الببغاء وكيفية الاهتمام به ..

لانه مو طول الوقت لعب وبس .. في تدريب وحركات يتعلمها وكلام ينطقه باذن الله ..

والله يكفيه شر العين ..

[ٌابوعمر]

الف مبروك على الببغاء فعلا الببغاوات تستانس على صوت الازعاج والمباريات دايم ازعاج وحركات الكاسكو هاذا مايسوها طير متوحش طيرك اليف ولاكن خواف شوي ما شاء الله تبارك الله الله يهنيك فيه اي اساله حنا حاضرين

[روهلات المعالي]

السلام عليكم ورحمة الله وبركاته

أعتقد أن الببغاء أساسًا مروض وليس متوحش ولعله متعود على من يمسح على رأسه

لإنه صعب من نصف يوم يكون كذلك وهو بالأساس غير أليف

\

[بلاك بيري]

مالنا فوق كلام الاخوان زود

تحياتي

[آنآستــآزيآ]

.. ماشــاءاللهـ تبــااركـ اللهـ ..

.. مــاا قصــرووا الأخــووهـ ..

.. وربــي يحفــظ لكـ طيــركـ .. ^_^ ..

.. آنآستــآزيآ ..

[سلطاان]

الكاسكو محجل هولندي

كذا الهولندي اليف

من اول يوم

على طول ادخل مرحلة التدريب

[kha6ab]

ماشاء الله تبارك الله
لا عادي طلعيه وفليها معه :D
لكن لاتطلعيه طول الوقت !! .. عشان لايتعود عالدشرهـ P:

واذا بتنامي حطيه بغرفه مظلمه ... وبجو معتدل !!
وانتبهي تحطيه بوجه المكيف !

والطير ينام حوالي 12 ساعه

[عاشق الريف]

ماقصروا الاخوان

الله يبارك لك في الطير