كيتي ... ماتت

[راعية الجيرمن]

السلام عليكم

هذا اول موضوع احطه فالمنتدى

وكنت اتمنى هالشي ما يستويلي


من اسبوع شريت قطوة عمرها شهرين

انا عندي قطو ذكر بس حبيت اييبله قطوة عشان يستانس وياها بالذات انه صغير ويحب يلعب واايد

المهم القطوة لي شريتها لونها ابيض بالكامل بس فيها خط رمادي على جبينها وعيونها لونهم ازرق و رمادي


ما تتخيلون كيف حبيتها وكنت اخاف من اي شي يزعلها او يتعبها

كنت ارقدها وياي ويوم اكل ااكلها وياي وهي طول الوقت لاصقه فيني وتحب تلعب وياي وتعضضني وتركض عشان الحقها.. والله هالقطوة كانت غير رغم انه عندي كلبين وقطو وانا لي اهتم فيهم بس عمري ما حبيت او اهتميت فحيوان كثر ما سويت وياها حتى يوم كنا بنبات ليله فالفندق اتصدقون وديتها وياي معا انه ممنوع بس خبيتها فالشنطة وشليتها وياي

قطوتي سميتها كيتي

بس للاسف امس كانت تاكل والاكل تعلق شوي منه فخشمها ,, انا يوم شفته خفت لا يتعلق فخشمها غبار او اي شي و تمرض لانها صغيرة وحساسة قمت ابغي انظفها وحاولت انها تكون هاديه وما تخاف لاني كنت بس ابغي امسحها بالماي وهاي مب اول مره بس مادري شو استوى فيها تمت تصيح وايد فشلتها وقلت خلاص مب لازم لانه حسيتها خايفة حطيتها فحظني ومسحتها

بس فجأة استوت ما تتحرك .....ماتت.....


انا لين الحين مب مصدقه ولين الحين خايفة اني اكون السبب بالي استوالها حاسه بالذنب

امس طول الليل ولين الحين كلما اذكرها اصيح

مب عارفه شو اسوي

قلبي معورني عليها وكل ما انسى ارجع اذكر لي استوى امس


بس ما اقول غير الحمدلله


انا اسفه لاني يمكن عورت راسكم بس والله من حرقة قلبي عليها

هذي صور كيتي

http://www.9q9q.org/index.php?image=PSOHidSOopk
http://www.9q9q.org/index.php?image=KNJ9a0fBAsR

[هتون]

معليش حبيبتى تصبري هدا قدر الله وامتحان واختبار
والحمد لله على قضاءه وربى رح يعوضك ان شاء الله احلى منها واحسن

[راعية الجيرمن]

صح كلامج يا هتون الله كاتب هالشي يصير والحمدلله على كل حال

بس حاسه بالذنب من الي صار


مشكورة هتون

[اسمعوا قصه غرام]

هذا يومها والله يرحمها والله يعوضج خير ان شاء الله ....

[هتون]

كيف حاسة من الدنب اختى الموت بيد الله مو بيد احد تدري كانت لى اخت مره مريضة وماعرف ولا طبيب مرضها وكنا خايفين عليها مره لانها كانت بفترة نفاس وفيها سخونة قوية من كثر خوفنا رحنا ودينيها احسن مستشفى بالمدينة واحسن طبيب عشان يراقبها ويحاول يشوف لها علاج لكن للاسف ماتت بسب المستشفى وبسبب خطا طبى غير مقصود من الطبيب يعنى لايقى حذر من قدر وكل شى بسبب الا الموت بيوم محدد ولحظة محددة
وغريبة انا دايما امسح لقطتى فمها بالماء عادي مو هذا الى سويته لها قصدك؟؟

[اناوبس]

ياعيوني هذه امر الله عادي
وباذن الله تجيبي وحدة ثانية احلة منها
شكلها رومية مرة حلوة يلا ربك يعين ان شاء الله

[راعية الجيرمن]

هتون

بالضبط كنت ابغي امسح الاكل المتعلق على خشمها بالماي

بس مادري شو صار فيها معا اني يوم شفتها خايفه شلتها على طول فحضني

بس الله راد انه هذا يصير

[راعية الجيرمن]

اسمعوا قصة غرام

مشكور على الرد

[راعية الجيرمن]

انا وبس

كلامك صح

وتسلم على المرور

[قطرررررررررررري]

الله يعوووضك بالللي احسن منها

[loli]

ربنا يعوضك بالاحسن منها باذن الله... قدّر الله وماشاء فعل

[sisi_moon]

الله يعووووووضك ياحبيبتي

وهذا يومها لاتزعلين نفسك

اوكي حبيبتي

[Dominique]

الله يعوضج حبوبة

حرام بعد عمري والله كسرت خاطري

احنا الاوادم نشرق شيصير فينا

هالمرة قطوة واعليا

حبيبتي

الله يعوضج انشالله
.
.
.

http://cards.funnystories.ru/288100 ;)

[سكونه]

الله يرحمها :(

[عبدالله القطان]

خبر كلش مو زين .. بس حبوبه هذي الحياة كل شي وله نهايه وأن شالله الله بيعوضج بغيرها لا تتكدرين هذي الدنيا

[راعية الجيرمن]

قطررررررررررررررري

تسلم اخوي على الرد

[راعية الجيرمن]

loli

الله يسمع منج


تسبمين الغاليه

[راعية الجيرمن]

sisi_moon

تسلمين حبيبتي


ومشكوووورة

[راعية الجيرمن]

Dominique

شفتي عاد

بس الله راد هالشي

والحمدلله

شكرا عالتواصل

[راعية الجيرمن]

سكونه

تسلمين على المشاركة

[راعية الجيرمن]

اخوي عبدالله


اكيد هالشي بامر الله سبحانه

بس الانسان يحزن اذا فقد شي عزيز عليه

تسلملي على المشاركة

[dr_mido]

http://img233.imageshack.us/img233/7128/vi9999lgzop8.gif


منورة المنتدى والله لاكن والله انك كسرتي خاطري بسبة كيتي ربي يعوضك بأحسن منها

[مدمنة قطط]

يالله الله يعوضك خير منها يارب وش ذا الخبر وربي تذكرت (ميمي) قطيوي المسيكين مات وانا بعيده عنه وابوي متعلق فيه بالمررررره والمسكين لهالحين ماقدر ينساه قلت له خذ لك واحدثاني قال مااقدر لاني اتعب اذا مات الثاني وهالحين صاير كل يوم ياخذ اكل يصلحه بالبيت ويروح لقطط الشوارع يعطيهم ماء ويوزع عليهم الاكل واللي صغار يعطيهم جليب بالرضاعه وصار كل يوم يجيه مجموعة قطط يستنونه المساكين قدام باب البيت فوقت محدد عشان يعطيهم اكل ولا قادر ينسى (ميمي) الله يعينه عليهم ينوله الاجر في هالمساكين

اذا يااختي اخذتي لك قط ثاني صدقيني راح تنسين كيتي لانه ماينسيكي حزنك عليه الا قط ثاني والله يصبرك

ماادري متى كتبتي موضوعك يمكن انا تاخرت بس تراني توني اقراه

[راعية الجيرمن]

dr_mido

مشكور على الترحيب ..

والله يسمع منك اخوي

انا يوم كتبت قصتي ويا كيتي كنت وااااايد زعلانة
بس كلامكم يخفف على وااايد

[راعية الجيرمن]

مدمنة قطط

تسلمين على الرد الطيب

وانشالله احصل قطوة ثانية

بس ما اعتقد القى مثل كيتي.. كانت غير

لكن الحمدلله على كل شي..

ومشكوورة الغالية

[v.i.p666]

الله يرحمها

[راعية الجيرمن]

v.i.p666
شكرا عالمشاركة

[free cats]

الله يرحمها

[راعية الجيرمن]

free cats

شكرا على المشاركة

[oOo لــوووولـي oOo]

يالله . كانت تجنن <== تبي تحسرك الاخت .

يالله الله بيعوضك ياقمر .

[راعية الجيرمن]

لوووولي

تسلمين حبوبة على المشاركه

[hisoka]

معليش حبيتي
الله كاتب إن هاذا يصير حتى لو إنتي سويتي فيها شي
بس أنا متأكدة إنج ما سويتي فيها شي
بس ماعليش حبيبتي الخيرة فيما اختاره الله
والله قلبي حدي معورني لأنه القطوة ذي تشبه قطوتنا
و أنا حسيت شقد إنتي قلبج معورج
بس يالله الحمد على كل حال
و إن شاء الله بيعوضج بخير
بإذن الله ....
تحياتي
إختج في الله
hisoka

[Rup_k]

الله يرحمها..

[Sweet Cat]

معلش حبيبتي كلو الله كاتبو هادا نصيبها ومطحطي اللوم عليك انت ما السبب والله يعوض عليك وصبرك

[المراة القط]

هاااااااااااااااااااااام هاااااااااااااااااااااااام هاااااااااااااااااااااام










اختى انتى قلتى انها بعد مااكلت ومسحتى لها فمها ماتت ممكن تقولى نوعية الاكل الى اكلته قبل ماتوفت؟؟؟

[المراة القط]

دراي ام معلب وشو اسم الماركة
انا بصراحة صرت كل مااكل قطتى واشوفها تسدحت اروح اجس نبظها<<<<تعقدت