سؤال بسيط عن البغبغاء الرمادي بالأخص ....

[ملوي رقاب]

عندي كاسيكو صارله عندي اسبوعين و عمره 8 شهور وباحاول انزل صورته في وقت لاحق ان شاء الله .... هو طير اليف لأبعد الحدود ودايماً يبي يركب على يدي ومايعض ويحب يلعب ومن يشوفني يصفّر ويناقز بس للحين ماشفت منه بوادر توحي على انه راح يتكلم ... اللهم بعض الصفير ...وبصراحه خايف اتعب معاه وفي النهايه مايتكلم ...

سؤالي هو ...هل هناك بوادر توحي بأن البغبغاء راح يتكلم ...ام انه يتكلم فجاءه ؟

[مدمن حيوانات]

انا كان ببغائي كذا بس يصفر اول ما جبته وبعد بالسنه مرة زي ما يقولون

بس الحين كل الأصوات يقلدها ((يحاول))

إلا الكلام وهو عندي من العيد الأضحى بالتفصيل 12/12/1427 ثاني يوم العيد

بس الحين كانه يقول كلام بس مو مفهوم

وحقي هو الرمادي

[أسير الأفريقي]

اخي الكريم
الصبر مفتاح الفرج الطير توه ما صار له فتره معك اصبر عليه وللمعلوميه انا مقتنع جدا
ان ما فيه افريقي ما يتكلم كلها تتكلم بس انت وشطارتك.

[المستمتع]

كان عندي طير كاسكو ما تكلم إلى لين سار عمر سنه وسته شهور
وانا ادربه على الكلام من كان عمره ثلاثة شهور والحين كمل سنتين ومافيه كلمه ما يقولها
لا تخاف بدري عليه الكلام

[ملوي رقاب]

الشكر كل الشكر على المرور والافاده ....بصراحه انا استفدت من هذا المنتدى الكثير والكثير ...كما ان هذا المنتدى هو السبب رئيسي في تعلقي بالكاسيكو ..... ا


الله لايحرمنا من نصائحكم

[كاسكو البحرين]

عزيزي ملوي رقاب يا مرحباً بك اخوي

الكاسكو من ناحية التغريد لاتحاتي فهو من النوع اللي يقلد اي صوت يمر عليه عدة مرات
حاول تعلمه الكلام أكثر من التصفير وإن وجدت تغريده مميزة فلا مانع من ذالك
بس قدر الإمكان حاول تكرر عليه كلمة وحده كبداية وفي جو هادئ وبنور خافت
أعطيك (قرنتي 100%) :D
راح ينطق اذا انت تملك الصبر وبدون ملل
وفي نهاية الموضوع نرجع ونقول القدرات في النطق يختلف من طير الى طير

تحيتي لك