الكاسكو الذكر لايطيق الأنثى .. ماالحل ؟

[جسآر]

السلام عليكم

عندي 2 كاسكو ماشاء الله
واحد له سنه ونص عندي ( الكثير يقولوا انه ذكر .. وهذا واضح من صفاته )
و الكاسكو الثاني توها لها 3 شهور عندي .. إشتريتها وعمرها 4 شهور ( أنثى والله أعلم )
الحين صار عمرها 7 شهور
المشكله الكاسكو الأول يعضها ومايطيقها أبداً
رغم إنها حاولت تتقرب له بس خفت عليها وصرت أعزلها عنه
كل له قفصه الخاص ..
وأخاف أقربها له ويعضها لأن منقاره حاد جداً وأخاف يجرحها ويألمها
بس الحين كيف أخليه يحبها ؟
خاصه إني أبيه يتعود عليها عشان يتزاوجوا :confused:
حاولت بكل الوسائل ولا فيه فايده
وأخاف أسبب بألم للكاسكو الصغيره .. حرام ماتعرف تدافع عن نفسها
خاصه إن الكاسكو الأول يتعمد يوصل لأرجلها عشان يعضها .. وتعرفون عاد منقاره :mad:
هنا صوره لهم ( ماشاء الله تبارك الله )
اللي خارج القفص هو الذكر

http://upload.7bna.com/uploads/e622cdd17a.jpg

[مبتدئ كاسكو]

اخوي الكاسكو ماتقدر تعرف ذكر او انثى الا بتحليل دي ان اي
هذا والله اعلم
لاكن هل طيورك هولنديه!!

[جسآر]

والله فيه اللي يقول هولنديات وفيه اللي يقول أفريقيات
أما من ناحية الجنس أنا قرأت في هذا المنتدى مواصفات الذكر وهي تنطبق على الكاسكو اللي عندي
ومواصفات الأنثى تنطبق على الكاسكو الأخر .. وأنا لما إشتريتها طلبتها أنثى وقالوا لي هي أنثى
ولما أقربها للذكر ترقص له :)
وتحب تتودد له بس ماأخليها تقربه أخاف عليها منه
:
:
صدمه لو طلعوا الإثنين ذكور ^_^

[monybat]

السلام عليكم طبعا هناك عدة طرق لمعرفة الذكر من الانثى ويمكن مراجعتها عن طريق البحث في المنتدي
ولكن في حالة انك ناوي تزوجهم للانتاج فيفضل عمل تحاليل الحمض النووي اكثر تآكد

اما بالنسبه للتزاوج لازم تعلم ان الذكر او الانثى للان لم ينضجو وينضجون بعد سن الاربع سنوات هنا يصبحان جاهزين للزواج فم للان يعتبرون فروخ وذلك مقابل السن الذي يعمر له الكاسكو اربيعن وستون سنه
وشكرا

[جسآر]

وعليكم السلام
هلا أخوي
هو الذكر له سنه ونص عندي
بس عند صاحبه القديم له 3 سنوات
يعني عمره فوق الـ 4
مدري بالضبط كم بس الأكيد فوق 4
بس الأنثى صغيره .. 7 شهور
لكن الأن كيف أعود الذكر انه يحبها ومايأذيها ولا ينقرها ؟
أبي أعوده عليها
ألف شكر ع الرد ..~

[ٌابوعمر]

ترا الي يقول لك انثى وذكر من غير تحليل هاذا نصاب ويبيك تشتري منه وبس ماااافيه طريقة لتحديد ابد بس الدي ان ايه فقققققققققط ولا حظ نصيب اضن الي برا افريقي والي جواء اكيد هولندي لا تقربهم من بعض ابد

[ٌابوعمر]

ماراح يتعود عليها لانه شايفها كانها بزر وتبي تقتحم مكانه ولا يفكر يتزاوج معها وهي بهاذا السن الصغيير هاذا ان كانت فعلا انثى وهو ذكر ممكن يكون كلهم اناث او كلهم ذكور

[جسآر]

هلا ابو عمر
ايه اللي بالقفص متأكد انه هولندي
والله يعين لو طلعوا الإثنين ذكور
بس اللي داخل القفص أليف ومايعض الثاني
البلا من الكبير هو اللي يعض وينفش ريشه لما الهولندي يقرب له ..~

[جسآر]

اهااا
مفهوم
يعني نخليهم بعيدين عن بعض والله يعين
نفرج عن واحد وندخل الثاني القفص والعكس .. لحد ماالله يفرجها ^_^
ألف شكر ..~

[ٌابوعمر]

الهولندي حبوب مررره مع الطيور الثانيه ومع البشر الافريقي تبي تنتج منه سوي له تحليل دي ان اي واشتري ثاني وبرضو سوي له تحليل اشتري طير عيونه صفر فاقعه دليل على عمره لازم يكون عمره 4 سنين ان صارو زوج خليهم بس بمكان كويس وهادي صدقني ماتدري الا وبل عش بيض وبعد فتره فروخ تنبسط فيهم

[جسآر]

ابو عمر
ألف شكر ع النصائح
أهم شي أتاكد من الجنس قبل ماأشتري
آآآآخ بس نفسي بالفروخ < الله يرزقنا وإياكم
والله يزين الأمور ..~

[ٌابوعمر]

اخي ترا الانتاج بذات بل افريقي سهل لان سعره رخيص تقدر تشتري كثييير طيور تخليهم بمكان واحد مثلا سلاكه كبيره والي تشوفهم منجذبين لبعض وطول الوقت مع بعض تقوم بعزلهم بقفص بل حالهم يبيلها مكان ولا كان انا اول من ينتج اخ بس

[جسآر]

والله ناوي
بس حالياً ظروفي ماتسمح لشراء أخر
يادوب على هالإثنين
:
:
فكرت أشتري فرخ عمره 3 أسابيع بس متردد
خاصه انه بيوصلني من جده وانا بتبوك
ولاتزال الفكره براسي ومتردد
كل الدعوه عشان الفرخ .. قلت أحسن اشتري واحد بدل ماأنتظر التزاوج ..~

[ٌابوعمر]

ترا فرخ بعمر 3 اسابيع صععععععب الاعتناء فيه يبيله تغره كل 4 ساعات ويبيله مكان دافيه ويبيله تنضيف شغلته شغله الهولندي الي عندك ليه ماهو عاجبك ؟

[جسآر]

والله مستعد أعتني فيه
من أكل ومكان دافي والحمد لله أعشق الفروخ وأحب الأعتناء فيها
واللي عندي عاجبني بس نفسي بالفرخ اللي كذا

http://im12.gulfup.com/2011-11-13/1321239759357.jpg

مدري كم عمر اللي كذا ؟ ..~

[ٌابوعمر]

شهر ونص تقريبا ترا بيكبر ويصير مثل الهولندي يعني مافيه فرق

[جسآر]

ايه صحيح
بس لما شفت صورهم صممت أجيب لي فرخ كبرهم
بس متررد وإن شاء الله مايصير إلا اللي فيه الخير
:
:
طيب أخوي ابو عمر وش تنصحني بالإثنين اللي عندي ؟
هل أحاول اقربهم لبعض ؟ ولا على وضعهم بعاد ؟..~

[ٌابوعمر]

لا تقربهم لبعض ممكن يكونو بغرفه وحده كل واحد بقفص عشان لو عند الكبير كلام يلقطه الصغير وعشان يتسلو مع البعض هاذا يصرخ يقوم هاذا يرد عليه وزي كذا

[جسآر]

صادق ياأبو عمر
كل حركات وكلام الكبير صار الصغير يردده بالضبط
ويتراددوا بالكلام والأصوات
يعني الاحظهم يتسلوا ويفقدوا بعض
بس من بعيد لبعيد
مشكور ياابو عمر ماقصرت وعسى وجهك أبيض يالغالي ..~

[ٌابوعمر]

العفو واي سوال انا بل خدمه ^_^

[جسآر]

ماتقصر يا الغالي ..~

[خالد .]

خليهم بجنب بعض وكل واحد في قفصه اسبوع

ثم بعديهم لايشوفون ولايسمعون بعض يوم كامل ثم رجعيهم

واذا مانفع كرري الطريقه

[جسآر]

إن شاء الله أجرب الطريقه
مشكور خالد