تسجيل الدخول

مشاهدة النسخة كاملة : ثعباني البايثون لم يأكل من 3 أشهر

TAI CHI
24-02-2012, 09:02 PM
السلام عليكم ورحمة الله وبركاته

اخواني الكرام عندي ثعبان بايثون صغير الحجم تقريبا حوالي 70 سم .. اشتريته منذ 8 أشهر في البدايه كان يأكل كل اسبوع مره واحدة فأر ابيض صغير .. تقريبا كل يوم جمعه اجيب له فأر ويأكل بشراهه وتمام .. وجهزت له حوض وسط ومخبأ واضاءه وكل شيىء حتى انني احافظ على درجة الحراره ما بين الـ 20 - 30 مئويه .. وكل يوم اعمل له ترطيب بالبخاخ مرتين الى 3 مرات يومياً .. المهم تقريبا له حوالي 3 أشهر لم يأكل شيىء .. كل اسبوع اجيب له فأر وما يأكل وصحته تمام ويتحرك ويخرج من المخبأ .. ويدخل ويخرج عادي .. وجسمه نظيف ولم الاحظ عليه اي شيىء طبيعي وخشمه نظيفه وسليم من اي مرض .. المشكلة اللي شاغلني انه ما يأكل .. كل يوم او يومين اضع له الفأر .. يتهرب منه وما يأكل .. شيء محيرني وغريب .

منتظر ردودك .. ايش الحل معاه ..
الكلاسيكي
24-02-2012, 09:13 PM
مرحبا اخي الكريم

اولا مو شي جديد على هذا النوع من الثعابين انه ماياكل بس برضو تأكد من الجوو الي عنده

ممكن ان جوهـ دافي ولاكن جاف بس انت تقول انك ترطب المكان له

ولا شكوكي من كلامك انه ممكن بيبدل بس الجو مو مساعده ولاكن بنكلف عليك اخوي شوي ليش ماتحط صورة افضل للثعبان

لانه بيبين اكثر .

تحياتي

اخـ ابومحمد ـوكم
TAI CHI
24-02-2012, 10:06 PM
انا الان حاليا في العمل .. الثعبان بدل جلده مرتين خلال الشهرين .. وان شاء الله قريبا احط صورة له .

تحياتي لك
madtaz
24-02-2012, 10:29 PM
حسب الخبرة وجرب

ارفع درجة الحرارة عنده الين 30-32

وخليه بهالحرارة ساعتين وزيد نسبة الرطوبة

وبعدها ارمي الفار

واذا ما اكل شيله من قدامه لا تخليه عندها

وحاول بعدها بساعتين وادعيلي

لانه البايثون عندي علي درجة حرارة 20-27 ما ياكل !!!

جرب ارفعها الين 32 ساعتين وشوف
jassim99
24-02-2012, 11:01 PM
اتوقع قصدك بول بايثون

هالنوع هذا اكثر نوع يواجه مشاكل بالتغذيه

عموما اذا صحته 100% سليمه وانت متاكد من هالشي عطه اكل بيدك

عطه نصف قطعة نقانق ودخلها للاخر في فمه

يمكن يرجعها مرتين او ثلاث لكن استمر في دفعها داخل فمه

واذا واجهت مشكله لاتتردد في طرحها و ان شاءالله مالك غير طيبة الخاطر
|| PyTHoN ||
25-02-2012, 01:15 PM
اتمنى طرح الموضوع بالمكان المناسب المرات القادمه ،

المشكله صارت من انك غيرت الحوض ؟ + درجة الحراره مثل ما قالو
و المفروض انها ما تقل عن الـ 27 ، الرطوبه 60 - 70% ، لازم يكون معاك
مقياس حراره + رطوبه ، الحراره و الرطوبه الزايده او الناقصه بتأثر ..

و انت غيرت مكان الحوض ؟ و هل تشيلها دوم ؟

لكن اغلب الظن من كلامك تقول من 3 اشهر ما أكل و هالوقت يصادف بداية
الشتا و بما انك مو محافظ على درجة الحراره ، السبب هو انخافضها و دخولها
بسبات شتوي ، ارفع الحراره يمكن يبيلها اسبوع إلى اسبوعين عشان ترجع
لطبيعتها ..

بالتوفيق =)
ضوء الحب
25-02-2012, 01:42 PM
ابحث عنه ف الويكيبيديا الموسوعه الحره واقراء معلومات عنه اكثر
TAI CHI
28-02-2012, 04:38 AM
الى الان اعاني من نفس المشكلة ..

وحرارة الحوض تقريبا اقل من عشرين درجة .. لأن هذه الأيام الجو بارد شويه .. انا ساكن في السعوديه ( منطقة الطائف ) والجو اصلا عندنا معتدل .. المهم درجة الحراره من شهر او اكثر تقريبا في حدود الـ العشرين يعني ما تزيد عن العشرين تقريبا .. ممكن يكون السبب ..

المشكلة الثانيه انه ما في عندنا اماكن مخصصة لبيع اجهزة لقياس الحرارة او الرطوبه .. انا وضعت ميزان عادي لقياس الحراره ( زئبقي ) يعني مو رقمي .. وهذا الميزان دقيق يستخدمونه في المجالات الطبيه ..

الرطوبه كل يوم تقريبا مرة واحدة فقط الى مرتين ..

راح ارفع درجة الحراره واشوف النتيجه ..

تسلموا وشكري للجميع
TAI CHI
28-02-2012, 04:40 AM
ان شاء الله مستقبلا سوف اضع الإستفسارات في اماكنها الصحيحه ..

معليش ..
الكلاسيكي
28-02-2012, 05:42 AM
مرحبا اخي الكريم

شوف اخي اهي بتطول كم يوم عشان ترجع تتأقلم على الجو بس جوو الطايف حالياً بارد شوي

على العموم ممكن اعرف نوع ارضيت الحوض ومداخل التهوية تبعه

وطريقة رفع الرطوبه التي تستخدمها والغرفة التي تضع فيها ثعبانك هل تخضع لتدفئه ام ماذا ولو في صورة للحوض كمان بيكون احلا

وبأذن الله الأجابه الجايه سوف تكون وافيه لك

وبأذن الله لي عوده لموضوعك او انك تقوم بمراسلتي عن طريق الخاص بالأجابه او برساله تذكيريه

بـ التوفيق ،،
TAI CHI
28-02-2012, 06:22 AM
ان شاء الله قريب اضع صورة الحوض مع الثعبان .. وان شا ء الله الاقي حل لمشكلتي

شكرا مرة اخرى
madtaz
28-02-2012, 09:32 PM
يا حبيبي الحل نك تربع درجة الحرارة !!!!!!!!

اذا خليتها علي 20 بتمرض !!!

ارفعها وثبتها علي ما بين 28-32
TAI CHI
01-03-2012, 08:33 PM
الحمدلله .. شكل الثعبان اكل الفأر .. قصدي الفأر الأبيض ..

لأنني والله طفشت وحطيت الفأر في حوض الثعبان له اكثر من 4 ايام .. قلت في نفسي اذا ما اكله بكيفه .. وامس اكتشفت اختفاء الفأر .. والحوض زجاج يعني ما في امكانية هروب الفأر .. مستحيل يهرب .. ما في مخرج كمان زجاج كيف يتسلق .. بحثت عن الفأر كل مكان .. حتى بيت الثعبان شيكت عليه .. ما في .. يعني شكله اكله اخيرا ..

بالنسبة للحرارة مثل ما قلت لكم تقريبا في حدود الـ 21 - 22 درجة مئويه .. واللمبه تقريبا في الجهة النانية يعني مو تحت بيت الثعبان .. علشان كذا الحرارة تقريبا منخفضه .. وارضيه الحوض الزجاجي جرائد .. وشويه صخور ديكور وعلبه بلاستيك فيها ماء .. واليوم كمان غيرت موقع بيت الثعبان وخليته تحت اللمبه الصفراء مباشرة علشان تكون الحراره اقوى ..

واشوف ايش راح يصير من تطورات .. وان شاء الله متى ما قدرت ارفق لكم الصور ..

الف شكر لكل من ساعدني وارشدني .

سلام
TAI CHI
01-03-2012, 11:30 PM
رجعت لكم مرة اخرى ..

هذا هو شكل المقياس الحراري العادي .. ولكن ثبت هذا المقياس انه افضل من الرقمي .. حتى ان هناك مراكز صحية تستخدم هذا المقياس الى هذا اليوم .. صناعته ياباني .. اشتريته من شارع خالد بن الوليد من احدى المحلات الخاصة بالأجهزة الطبيه القيمه بـ 30 ريال سعودي .

http://www.2zoo.org/uploads/13306333871.jpg

وهذا شكل حوضي بصفه عامه صغير نسبيا ولكنه كافي للثعبان ..

http://www.2zoo.org/uploads/13306333872.jpg

وهذا شكل الحوض من الداخلي .. ولاحظوا ان ارضيية الحوض عبارة عن جرائد مبعثرة .. بسبب الفأر كان يأكل منها

http://www.2zoo.org/uploads/13306333873.jpg

وهذا شكل الحوض بصفة عامه .. وهنا يظهر اللمبه العادية الصفراء ..

http://www.2zoo.org/uploads/13306336761.jpg

وهذه الصورة لمسكن الثعبان بعدما نقلته الى الجهة الثانيه تحت اللمبه الصفراء مباشرة علشان نزيد من الحراراه وكما تلاحظون ان مقياس الحرارة كمان نقلته بجانب المسكن الخاص بالثعبان .

http://www.2zoo.org/uploads/13306336772.jpg

وهذا هو ثعبان الحبوب .. بعدما اكل .. شكله مرتاح الان ..

http://www.2zoo.org/uploads/13306336773.jpg

اتمنى ان تعم الفائدة للجميع .. وشكراً لكم على مساعدتي ..

اكرر شكري العميق ..

والسلام عليكم . ،،،
jassim99
04-03-2012, 10:09 PM
اخوي حتى و ان اكل الثعبان لازم انك تضبك كذا شغله بالحوض

اذا مو قادر تركب دفايه اضافيه اشتر لمبه اقوى من الي انت مركبها

لا تنزل درجة الجراره عن ال 26 ولا ترتفع عن ال 32

و بالنسبه للصخور الي انت حاطهم افضل انك تشيلهم لانها مو بيئه الرويال بايثون

لو كان الحوض كبير و فيه شوية صخور مو مشكله لكن المكان مليان صخور

بالتوفيق يالغالي
|| PyTHoN ||
05-03-2012, 06:02 PM
حاول انك تفضي الحوض و تخلي مساحه و حط بيت ثاني
و بخصوص المقياس هذا للحراره فقط ما يحسب الرطوبه
في ينباع مقياس حراره + رطوبه و هو الي لازم تاخذه

و مثل ما قال جاسم ..
TAI CHI
06-03-2012, 08:41 AM
اخوي حتى و ان اكل الثعبان لازم انك تضبك كذا شغله بالحوض

اذا مو قادر تركب دفايه اضافيه اشتر لمبه اقوى من الي انت مركبها

لا تنزل درجة الجراره عن ال 26 ولا ترتفع عن ال 32

و بالنسبه للصخور الي انت حاطهم افضل انك تشيلهم لانها مو بيئه الرويال بايثون

لو كان الحوض كبير و فيه شوية صخور مو مشكله لكن المكان مليان صخور

بالتوفيق يالغالي

ان شاء الله راح امشي على نصائحكم .. تسلم على الإهتمام

شكرا لك
TAI CHI
06-03-2012, 08:43 AM
حاول انك تفضي الحوض و تخلي مساحه و حط بيت ثاني
و بخصوص المقياس هذا للحراره فقط ما يحسب الرطوبه
في ينباع مقياس حراره + رطوبه و هو الي لازم تاخذه

و مثل ما قال جاسم ..

ان شاء الله .. اطبق كل شيىء .. وقريبا راح اشتري جهاز قياس الرطوبه ..

تسلموا وما قصرتم