كلبتي دوم تعضني

[واحد وخلاص]

السلام عليكم
لدي كلبه نوع جيرمن شبرد
العمر شهرين ونصف ودوووم تعضني
خذت لها عضاضات والحال ماتغير فما الحل في نضركم اخواني

[jassim99]

اخوي حركة اليد انت تتحكم فيها

وممكن تخلي الجرو يطاردها ويشتغل عنده البري درايف

وممكن تخليها مو مهمه بالنسبه له اذا خليت مافي متعه بمطاردتها

اذا حاول يعض خله يحس ان يدك ميته (بعيد الشر) مع النهي بصوت جاد نووووو

وبنفس الوقت خله يحس بنتعة مطاردة العضاضات خصوصا الي تكون على شكل حبل متين

او العضاضات ذات الاصوات او الي لها صفاره

موفق خير

[واحد وخلاص]

شكرا لك عزيزي
بس المشكله مو بس بعض اليد لا الكلبه تعض رجلي الله يعزك
انه حاب الكلبه واتمنى القى حل لهلمشكله

[Musab Pro]

كلام اخوي جاسم صحيح ميه بالميه .

وهذا ردي لاحد الاسئله .. راح يفيدك كثير ان شاء الله .

لازم تفهم ايش المشكله علشان تعرف حلها ... والصبر ثم الصبر ثم الصبر .

http://www.2zoo.com/vb/showpost.php?p=2477007&postcount=6

موفق ان شاء الله .

[أبو نوح]

ماشاء الله ماقصروا الاخوان .. وهم اعلم مني
بس حبيت اقول لك يالغالي ان العض هو الوضع الطبيعي للجرو بهالعمر وبيجلس الى سن 5 شهور تقريبا يعض بشكل كبير ولازم توجهه انت صح
انتبه من عضه للجزم -الله يكرم الجميع- ونبهه بكل مرة يعض
اذكرك ماراح يفهمك من اول مرة لازم تصبر عليه وابعد عن الطق مهما سوى