اسهال من اسبوعين + للحين ما تكلم

[Last Rain]

السلام عليكم

عندي امازوني عمره 6 شهور

جاه اسهال من اسبوعين

ووديته للبيطري مرتين ( السوداني إللي في واحة الحيوان )

المره الاولى أول 3 ايام من الاسهال عطاني سايل أبيض شفاف

قال لي استخدميه 8 ايام

ولا راح الاسهال

رجعت له بعد ما عدي 10 من بداية الاسهال ( يعني أول ما خلصت الدوا )

عطاني بودره أحلها في مويته

و الان بكمل أسبوع ولا فيه فايده

الببغاء نشيط مررره و ياكل

+++++++++

إلحين عمره 6 شهور

مالقط إلا ابي بوسه

حتى السلام عليكم ما يقولها كامله يقول عليكم

:( هل وضعه طبيعي

[Last Rain]

راح علي وقت التعديل

نسيت اقول أنصحوني ببيطري ممتاز أحسن من السوداني إللي بواحة الحيوان مخلي الببغاء حل تجارب أدويه كل شوي يعطيني دوا

انا بالرياض

[آنآستــآزيآ]

.. أوولاً .. الإسهــاال .. رووحــي آيــ طبيــب بيطــري غيــر هــذاا وخــذي منــهـ عــلاج اسمــهـ .. بــاي تريــل .. هــذاا أفضــل وأشهــر شــيء لـ عــلاج الإسهــاال ..

.. ثانيــااً .. الكــلام .. لازمــ تصبريــن ع الطيــر .. أتــووقع مــاالهـ مــدة طــوويلة عنــدكـ ! زيــن إنــهـ تكلــم وتفــااعل معــااكـ .. اصبــري .. ومــع التدريــب الصحيــح .. بيتكلــم فــي أيــاام معــدوودهـ .. لكــن أنتــي لا تشتتــي عليــهـ .. اختــاريلهـ كلمــهـ بسيطــهـ ودربيــهـ عليهــاا .. إذاا تعلمهــاا إختــااري كلمــهـ ثانيــهـ ..

.. آنآستــآزيآ ..

[آنآستــآزيآ]

راح علي وقت التعديل

نسيت اقول أنصحوني ببيطري ممتاز أحسن من السوداني إللي بواحة الحيوان مخلي الببغاء حل تجارب أدويه كل شوي يعطيني دوا

انا بالرياض

.. واللهـ يــآريتني أعــرف .. ^_^ ..

.. يفيــدوونكـ أهــل الريــاض انــ شــاءاللهـ ..

.. آنآستــآزيآ ..

[monybat]

افادك الاخ اناستازيا باي تريل الحل الامثل تقدميه بالماي وقبلها تعطشي الطير و انا عرفت هذا الدواء من المنتدي واتعرفت عندنا هنا على دكتور بريطاني كنت اتناقش معاه قالي هذا لازم يكون عند اي واحد يربي طيور لاهميته وقوته الفعاله

[ٌابوعمر]

هههههههههههههههههه عندنا برياض مافيه كلهم جزارين حقين غنم المنتدى هاذا مفيد اكثر

[Last Rain]

آنآستــآزيآ
لا عندي له شهرين
هو اليف معنا و يلعب معنا بس ما يحكي إلا ابي بوسه
عليكم << إللي هي السلام عليكم

:( و بالنسبه لدوا المشكله ما أعرف بيطري غير السوداني

[بكاتشو]

اختي السلام عليكم
زي ما قالووو الاخوان افضل علاج الباي تريل وأعطيه اكل بس حبوب ولا تعطيه في فترة الاسهال فواكه ولا اي اكل رطب او مطبوخ والله يحفظ لك طيرك

[آنآستــآزيآ]

آنآستــآزيآ
لا عندي له شهرين
هو اليف معنا و يلعب معنا بس ما يحكي إلا ابي بوسه
عليكم << إللي هي السلام عليكم

:( و بالنسبه لدوا المشكله ما أعرف بيطري غير السوداني

.. طيــب كـ بداايــة .. ضعــي لـــ خلطــة الثــووم بـ الليمــوون .. وقبــل وضعهــاا .. شيلــي عنــهـ الموويــهـ 6 ساعــاات لـ يعطــش ويشــري كميــة أكبــر مــن العــلاج الطبيعــي ..

.. شــووفي هـ الموضــووع لــوو مــا تعرفيهــاا : http://www.2zoo.com/vb/showthread.php?t=127851 ..

.. ولــو مــا لاحضتــي تحســن يــآريت الأخ أبــوو عمــر أو آيــ ساكــن بـ الريــااض يرســل لـ الأخــت مووقــع بيطــري بـ الريــااض .. مــوو مهــم انــ كــان خبيــر أو لا .. فـ بـ هـ الحالــهـ الــدواء محــدد !! بــس تاخــذهـ وتمشــي !! لكــن لــو تبغــى تشخــص الطاائــر عنــد بيطــري هنــاا المشكلــهـ !! ..

.. وتــرا شهريــن قليلــهـ مــرهـ .. اصبــري ع الطيــر شــووي شــووي يتعلــم .. ^_^ ..

.. آنآستــآزيآ ..

[ٌابوعمر]

والله اخوي اناستازيا مافيه بيطرين كويسين ابد انا ماعرف غير السوداني هاذا ولا احب اروح له حتى
وبنسبه للكلام وهو بعمر 6 شهور تراك محظوظه بطير انا طيري مابدا الا بعمر 7 شهور ولا بدا زين بعد الحين يقول بابا وبعض الكلام المخربط اصبري عليه ترا لسى بدري عليه

[بلاك بيري]

ماشاءالله تبارك الله ما قصروا الاخوة

بخصوص الباي تريل ممكن تاخذيه من اي صيدليه بيطريه في سوق الحمام على طريق الحاير متوفر وبكثرة بعد

بخصوص كلام الطير اشوف انه ممتاز جدا انه لقط البوسه وبهاذا العمر نصيحتي استمري بالتلقين فتره اطول

موفقين بكل خير

[Last Rain]

اوك بجرب حقت الثوم و الليمون

و انا ما أبي تشخيص على قولتك باخذ الدوا و أمشي

و ذا السوداني ما ينفع أبد حتى ما يفكر يكشف عليه قلت له فيه اسهال عطاني دوا من غير ما يناظهر حتى ومشاني


بالنسبه لتلقين من أصحى لين أنام و أنا أهذر عليه سواء إذا كان فيه قفصه أو مطلعته

و حتى لو اطلعه من القفص ما أخليه ع الاستاند لا أجيبه عندي يلعب و أسولف معه

وما أهذر عليه كلام كثير لا أركز على كلمات معينه أرددها

و حتى لما يقول أبي بوسه أرد عليه ببوسه عشان يفهمها ( صوت البوسه مالقطها ) هو لقط جملة أبي بوسه

[بلاك بيري]

طيب اختي ياليت لو تعطينا صورة لبراز الطير خلينا نشوف ايش النوع الي قد يكون مسبب لهذا المرض

[Last Rain]

البراز أن شاء الله بكره إلحين نايم ما ودي أشيل الغطا و أصور يصحيه بيقعد يخربط بصوت عالي و يصحي إللي بالبيت خخخخخخ

[بلاك بيري]

لانه لو الطير فيه فعلا اسهال ولمده اسبوعين احسس انه الطير ما بيتحمل مقارنه بعمره هاذي الفتره كلها

احس ان البراز مشابه للطبيعي خصوصا ان الطير ياكل ويشرب ويتكلم وهاذا على غير المعهود لطيور الببغاء المصابه بالاسهال

[بلاك بيري]

عموما نحن بانتظار الصور وانا اشك ان كل العلاجات الي معك هي فيتامينات عامه للطير

اتمنى تصوريها لنا ايضا

موفقه بكل خير

[بحر الكلام]

يالغالي بالنسبه لاسهال افضل علاج له علاج يقال له سلفاماسين نادر تلاقيه في محلات قليله استخدمه 5 ايام فقط حط له حبتين يوميا في مشرب الماء الحبه تجيك بيضه فيها نقط سوده وريحتها حلوه جدا وتقبل مروري