الأفريقي أو الهولندي .. .؟

[محتار 22]

السلام عليكم . .

كيف حالكم شباب وصبايا ::

اخواني صار لي فترة ابي اشتري ببغاء .. بس محتااار وبغيت مساعدتكم

يعني اللي خاطري فيه هو الهولندي .. يقولون انه الافضل للتربية وفي البيت

بس من خلال بحثي عنه شفت الكل يقول انه ماعنده مناعه , وخاصة اني مبتدئ

والأفريقي يمدحونه بس الهولندي على مافهمت أفضل
::

طيب

انا لقيت أفريقي اليف بـ 1500 ريال يتكلم بس كلمات قليلة عمره سنة واربع شهور

ولقيت افريقي غير أليف بـ 1400 وتقريبا عمره 8 شهور ومايتكلم

::

واللي شدني الهولندي كان شكله ماشاء الله أفضل من الكل ومرتب ونظيف وحركي وأليف

لقيته بـ 2300 ريال .. مايتكلم / واحد عمره 4 شهور , وواحد 6 شهور
::

للحين وانا ودي بالهولندي .. بس مدري

وبنفس الوقت خايف اتأخر بالقرار ويروحون علي

::

أبي آرائكم ونصايحكم ومقارناتكم وان شاء الله من خلال ردودكم أقدر استقر على الأفضل لي

وبالنسبة للأسعار شرايكم فيها .. هل هذي أسعارها فعلا ؟..

[Last Rain]

الهولندي فعلا ما عنده مناعه
و إذا تفكر انو ايهم الافضل أنت شف الاكثر انتشار بين مربين الببغاوات

الافريقي أكثر أنتشارا

و نصيحه لا تستعجل ابحث عن إللي يقنعك و إلا ما تلقى

و بتحصل بالمنتديات كثير

و بما أنك مبتدء أشتر واحد اليف
ولا يزيد عمره عن 10 شهور

[monybat]

افريقي من 6 شهور الى 9 المميزات بين الافريقي والاخر الهولندي واحده الهولندي انتاج مزارع اما الافريقي صيد
افضل الافريقي لمناعته افضل واقوى قدرة الكلام واحده طبعا عند الاثنين
انت الان مبتدآ مرحبا بك في عالم الببغاءات حاول تقرا كثير عن نصائح قبل الشراء موجوده بالمنتى واشتري لك الحجم الكلاسيكي مو الجامبو نصيحه حتى لا يكون عندك خوف منه او ارتباك وقت التدريب لان الجامبو شكله مره حاو بس يخرع تحس انه نسر صراحه وبالتوفيق هذه نصيحتي

[فيوزي]

اخوي خدها قاعده من اخوك فيوزي
شوف الهولندي غالي ومناعته ضعيفه
يعني مرض مات ما عنده مناعه
خد لك صيد افريقي
مناعه قويه ورخيص
الناس همهم جغره
الجغره مع الايام والترويض تروح والعض يروح ويسير زي الهولندي ومناعه قويه
ان شاء الله افدتك
وتقبل مروري

[ٌابوعمر]

اخوي اذا تبي طير يقعد عندك مده طويله ان شاء الله خذ افريقي صيد بعمر من 6 الي 10 شهور او هولندي فوق عمره كبير من 10 شهور الي 14 شهر يعني تكون مناعته شوي صارت كويسه

[بلاك بيري]

خلي الهولندي للمحترفين :88::88::88::88:

نصيحتي خلك مع الافريقي لانه مناعته اقوى وسعره اقل

موفق بكل خير

[Ma7bob]

الافريقي افضل عن تجربه مع عدة طيووور من الكاسكووو من الجنسيتين :))))

الله شاهد على كلامي :)

[نوني..]

يااخوي المناعه ماتدل الا على غذاء الطائر نفسه واهتمام المربي

انا كآن عندي كاسكو افريقي مصيووووود يعني المناعه المفروض بعد الله تكون توب على اساس انه

كان بغابه

كان عمرهـ 7_8 شهور

وجبته وماجلس الا شهر او اقل ومات بإسهال دخله برد شريته على وقت الشتاء

وفي ناس يقولون الهولندي اقل مناعه بحيث انو تربيه

انا عن نفسي تعقدت من هالنوع مع حبي الشديد له لانو متعب بالعنايه اقصد الكاسكو ككل ومايأكل اي شئ

وماتقدر تحطه بأي مكآن يعني صعب تربيته يبغاله عنايه واهتمام افضلك خذ امزوني مع ان سعرهـ

غالي :(

[ٌابوعمر]

^^
البلو فرنتد افضل ولا عنده عيوب الافريقي بس سعره دبل الافريقي
مناعته قويه شكله مقبول او حلو كلامه حلو صوته ناعم وحلو وش اقول وش اخلي

[monybat]

اوافق ابو عمر الغالي ثمنه فيه

:)

[محتار 22]

ماشاء الله عليكم ويعطيكم الف عافية

فعلا كفيتوا ووفيتوا .. هذا المنتدى اللي يريح ويفتح النفس

يعني ذكرتوا لي الايجابيات والسلبيات بكل واحد

وبينتوا الافضل لي من ناحية النوع والحجم

ومن خلال آرائكم وانتم اصحاب الخبرة طبعا

قررت آخذ أفريقي صيد

وبالنسبة للامزوني احسه مايستهويني .. لان خاطري بالرمادي

يعني أخاف اخذه ومااهتم فيه

::

والله يعطيكم ألف ألف عافية

وتقبلوا تحياتي