ببغائي الإفريقي ينتف ريشه , أشيروا علي

[فنجان شاي]

السلام عليكم ورحمة الله وبركاته

إخواني أنا لي 6 أيام شاري لي ببغاء إفريقي عمره سنه ونص تقريبا .
الببغاء ما يعض وأحيانا يطلع على اليد وأحيانا أمسح عليه .

لكن من اليوم الثالث وهو بادي ينتف ريشه يعني من 4 أيام , مع العلم إن أكثر من ينتفه هو الزغب وأحيانا أحسه يحاول يقتلع اظافره بفمّه .

مع العلم إن صحة الطائر جيدة وإنه ياكل ويشرب بشكل طبيعي

والمشكلة أنا بالمدينة المنوره ولا يوجد هنا بيطري متخصص بالطيور !

أشيروا علي جزاكم الله خير

[ٌابوعمر]

اخوي صور لطييير باسرع وقت ممكن

[فنجان شاي]

إن شاء الله تكون واضحة الصور , تفضل

http://i.imgur.com/fichb.jpg

http://i.imgur.com/vZFol.jpg

http://i.imgur.com/um07g.jpg

[ٌابوعمر]

اخوي انت متاكد انه يتف يمكن يبدل ريش؟ تشوفه يحك يحك ولا يلعب بريشه ويعضض فيها ويسحب فيها ؟

[فنجان شاي]

يعضها ويسحبها ويرميها . دائما اللي يرميه الزغب .

ولا تنسى أظافره احيانا أحسه يحاول يسحبها ويعضضها

[ٌابوعمر]

اخوي الزغب اجل يبدل لو الريش الكبير يكسر فيه ويطلعه مثلا ريش الجناح او الذيل هاذا يعتبر نتف اما الزغب انت جرب امسك الطير وطلعه على يدك مع الحركه بيطيح منه ريش كثير وهاذا تبديل طبيعي اهتم جييييييييييييييدا بتغذيته عشان مايغلب نتف حط له العاب ترا القفص مررره ملل حقه ويفضل تطلعه على ستاند طول فترت تواجدك عنده

[بلاك بيري]

رش الطير بماء فاتر دافي وشمسه وغير له الشبك او اغسله بالديتول الطير عنده حكه بجناحه وواضح انه مقصف الريش الي فيه قد يكون فاش والعلم عند ربي

اهتم بنظافه القفص بشكل يومي ورش الطير بشكل يومي ولو تجيب بخاخ مضاد للفاش بيكون ممتاز جدا

تحياتي

[بلاك بيري]

على فكره اخوي ان كان الريش الابيض الي يشبه القطن هو الي يطيح بالنسبه لينا ماله اي قيمه وانشاءالله مافي منه خوف

موفق

[الاثلة]

وعليكم السلام ورحمة الله وبركاته

الزغب الريش الابيض الصغير والخفيف هذا عادي جدا وماهب نتف

من خلال الصور ما اشوف فيه نتف بصدر الطير ولا بذيله ما شاء الله تبارك الله

لكن يبدو لي ان جناحه مقصوص قص غير احترافي { غير جيد }

دمتم سالمين

[ابو محمــد]

ممكن صورة لريش الطائر؟؟؟

[monybat]

هذا مو قاعد ينتف
اخي لا تخلط بين النتف و تساقط الريش او التبديل
وعشان اريح النتف يبآ بالصدر ويكون الريش الاساسي مو البطانه اللي هي الزغب
وللعلم دائما الطائر الجديد اذا هو مو منتف اصلا يعني حالته طبيعيه ما ينتف ريش لماذا
لانه بيكون في حالة مراقبه وحذر وخصوصا لما يكون جديد اما بالنسبه للزغب عادي اذا يطيح مثل شعر الانسان عند التسريح لازم تقع كم شعره عند التمشيط
وبالتوفيق