تكفون ياخبراء اليلوناب

[كلي وضوح]

السلام عليكم ورحمة الله وبركاتة

شريت فرخ يلوناب من شهر وتعبت وانا القن فية الكلام بكل الطرق
مثل تسجيل الكلمة وترديد الكلمة وهو بالقفص وعلى اليد ولم اسمع متة اي شي
علما عندي افريقي متكلم ويسمع الطير لكن ماتكلم
وش السواة

وهل يوجد يلوناب اطرم او ابكم

تكفوووووووووووووووووووووووووووووووووون

[بلاك بيري]

اهلا بك اخوي

والله غير معهود وجود يلوناب اطرم لكنه وارد

كم عمر طيرك اخوي وهل تكلم اي كلمه او صفر من قبل

[كلي وضوح]

اشكرك على الرد اخوي
الطير اذا كلمتة يبدا الصراخ علما انة اليف اليف
التصفير ماسمعت منة عمرة تقريبا 8 شهور

[monybat]

الصبر اخي الفاضل

هذا العمر عاده تبدا الطيور بالتلقين والكلام

[monybat]

الصراخ دليل عالاستجابه استمر واصبر وممكن تلاقيه يطلع صوت مثل النباح او كأنه يبي ينخر او يصارخ وكل هذا تجاوب استمر وركز على فترة الصباح 15 دقيقة والعصر 15 والعشاء 15 دقيقة

[بلاك بيري]

طيب ممتاز جدا دام يصارخ معناها متفاعل معاك وغير اطرم

عليك بالصبر والتلقين اليومي احيانا الطيور استيعبها يكون مختلف من نوع لاخر ومن طير لاخر

حاول دايما تلقن الطير في غرفه مظلمه بعد صلاه الفجر والمغرب وقبل النوم
حاول دايما الطير يكون معاك ولقنه على يدك حتى يكسب الجرئه بالكلام على اليد

موفق بكل خير

[كلي وضوح]

المشكلة انا وخويي شرينا من نفس الدفعة طير خويي ماشاء الله علية
فلتة قلت يمكن طيري اطرم
وعند التلقين ماشوف منة اي تفاعل مثل العين تصغر او فرش الذيل

[بلاك بيري]

والله المفروض ان العين تكبر وتصغر لانه يكون دليل على تركيزه معاك على كلامك لكن موب شرط لقنه وما يصير الا طيب انشاءالله

[كلي وضوح]

رايكم نصبر على الطير والا ابيعة واخذ ثاني

[بلاك بيري]

العمر توه صغير والطير ان انباع الان او بعدين مافي مشكله لانه ما بيفقد سعره

نصيحتي اصبر عليه

[بلاك بيري]

انت كم لك بادي تلقنه ؟
وكيف طريقتك ؟
وكم ساعه باليوم ؟

[كلي وضوح]

الله يرحم والديك

[كلي وضوح]

اولا عندة الكاسكو
ثانية احطة في غرفة نور خفيف وترك عندة الجوال يردد الكلمة 20 دقيقة
وطول ماانا جالس اتكلم معة

[بلاك بيري]

طيب اخوي كلي وضوح

اتمنى منك ان تركز له على كلمه واحده فقط وابدأ بكلمه بابا لقنها له يوميا بصوت واضح بمده لا تقل عن 3 ساعات في فترات مختلفه
وواضح ان الطير تركيزه ضعيف عليك علشان نقويه يفضل تلقين الطير بغرفه مظلمه بحيث انه ما يركز الا فقط على الصوت
وانشاءالله بتعين خير

[كلي وضوح]

تسلم ياخوي

[بلاك بيري]

يا هلا بك ويامرحبا اتمنى انك تطبق ما قلتلك عليه وتواصل معي ان جد جديد وحنا معاك انشاءالله الين ينطق

[الهاشم]

طيب اخوي انا البلوفرونتد تبعي للحين ما نطق عمره 6 شهور تقريبا انا صراحة مقصر معاه يعني احيانا اجلس القنه 10 دقايق وهو على ايدي وانا مار عليه اكلمه بس هل هذا قليل
ثانيا احس لما اوقفه على ايدي عشان القنه ما يقعد زي اول يتحرك من مكانه ويش الحل
وهل البلوفونتد من الطيور المتكلمة اقصد ان الطير يغلب عليه الكلام ؟؟

[monybat]

البلوفرونتد ممتاز في الكلام لا تحاتي واضغط عليه بكلمة واحد مثل ما قال اخونا بلاك بيري

اخواني اليولوناب والدبل يلو والبولفرونتد لا تحاتي يعني ان شاء الله يتكلمون والامور سهلة

[بلاك بيري]

كلام سليم الطيور كلها انشاءالله انها متكلمه لانها معروفه بذلك

والمعروف لا يعرف

الفكره يا اخوان الاصرار وطريقه التلقين ونوع الكلمه الملقنه ومحتوى حروفها

اخوي طيرك عمره 6 اشهر استمر معاه وراح يفاجئك بكلامه عاجلا غير اجل

موفق بكل خير

[الهاشم]

طيب اخوي الطير مقصوص جناحه من اول ما اخذته يعني تقريا من شهر
بس متى بعود يطير عشان آخذ الحذر ^_^

[ٌابوعمر]

عليكم بصبر بذات الامزونيات الي معه امزوني من الدرجات الاولى وفرخ لا يخاف ابد ان شاء الله يتكلم وبكل سلاسه انا اول ماجبت طيري حتى ماينتبه لي الحين بس اروح يبدا يناديني بس اجي يلزق بل قفص يلاحقني وهو يتكلم يعرف ان الكلام هو الي يجيبني صار يناديني بابا ههههههههه

[بلاك بيري]

ياخذ فتره لا تقل عن سنه تقريبا حتى يستعيد جزء من قدرته على الطيران وليس كلها الا لو نتفت ما تم قصه بيدك عندها ياخذ 3 اشهر ويرجع يطير عادي