استفسار عن الكاسكو ...

[Albader]

السلام عليكم

في البداية احب اشكر القائمين على هذا الموقع المتميز و المفيد

اشتريت لي كاسكو من يومين و حبيت اخذ رايكم فيه

وياريت لو احد يعرف يقدر عمر الطير ونوعه ( افريقي , هولندي , او )

انا خبرتي قليلة في تربية الكاسكو

كم يحتاج وقت عشان يتعود على المكان الجديد و يتعود علي ؟ و متى أبتدي تدريبه ؟

الطير اليف ومايعض ابداً و يجي على اليد و يصفر قليل اذا كان بروحه

انا احسه يخاف شوي و اذا اعطيه أكل ما ياكل من ايدي

قراءة بعض مواضيع الاعضاء ( و اشكرهم على المعلومات القيمة ) و استفدت منها , وياريت لو احد عنده نصائح لي عشان استفيد اكثر و اتعلم من خبرته

وشكراً مقدماً

وهذي صور الكاسكو

http://im16.gulfup.com/2012-03-10/1331350113771.jpg

http://im16.gulfup.com/2012-03-10/1331350114282.jpg

http://im16.gulfup.com/2012-03-10/1331350114263.jpg

http://im16.gulfup.com/2012-03-10/1331350114734.jpg

[نوني..]

ماشاءالله بارك الله مزيون

الله يعطيك من خيرهـ ويكفيك شرهـ

اذا مو محجل وهذا اللي يظهر لي فهو افريقي ..

وعمرهـ 7_10 شهور اذا عينه رمادي

بالصوره كأنهأ رمادي

واذا صارت بيضآء فعمرهـ سنه او اقل شوي

حط صورهـ اوضح لعينه

على العموم بكل الحالتين عمرهـ صغير وهذا عمر التلقين والتدريب والله يعينك يآرب

خلهـ اسبوع يتعودعلى المكآن وبعض الطيور ماتفك وتبدأ تتأقلم وتصفر وتنبسط الا بعد اسبوعين

[Albader]

ماشاءالله بارك الله مزيون

الله يعطيك من خيرهـ ويكفيك شرهـ

اذا مو محجل وهذا اللي يظهر لي فهو افريقي ..

وعمرهـ 7_10 شهور اذا عينه رمادي

بالصوره كأنهأ رمادي

واذا صارت بيضآء فعمرهـ سنه او اقل شوي

حط صورهـ اوضح لعينه

على العموم بكل الحالتين عمرهـ صغير وهذا عمر التلقين والتدريب والله يعينك يآرب

خلهـ اسبوع يتعودعلى المكآن وبعض الطيور ماتفك وتبدأ تتأقلم وتصفر وتنبسط الا بعد اسبوعين


اشكرك اخي جزيل الشكر على اهتمامك

الطير مو محجل ( وش الفرق ؟ )

وشنو الفرق بين الافريقي و الهولندي و ايهم الافضل ؟

وهذي صور اقرب تبين عيونه

http://im24.gulfup.com/2012-03-10/1331395691121.jpg

http://im24.gulfup.com/2012-03-10/1331395692832.jpg

للاسف ماقدرت اصور اقرب من هالصور لانه يخاف من اقرب التلفون منه

[عزوز2012]

عمره حول سنه ونصف لان العين بأديه صفار

[نوني..]

طيب انت تشوف عينه ايش لونهآ؟؟!!

ومافي فرق بين الهولندي والافريقي كلهن نفس الطير بس الهولندي انتاج محلي ويكون محجل وغالبا اضعف

مناعه اما الافريقي يكون مصيود من غابه ومجيوب وغالبا يكون اقوى مناعه وعلى كلن هو على حسب الطير

نفسه والاهتمام والتغذيه المناعه مودليل

ــــــــــــــــــــــــــــــــــــــــــــــــــــــــــــــــ

واخوي عزوز مو دليل اذا جاء يدخل البياض على الرمادي يكون كأنو صفار لاحظته بكم طير هنا بالمنتدى وبالطبيعه

[ٌابوعمر]

اخوي عمر طيرك قريب السنه على ماعتقد مادري هي بيضا على صفار او بيضا على رمادي اذا على رمادي سنه واذا على صفار سنه و8 شهور

[بلاك بيري]

ماشاءالله الأخوان ما قصروا لكن نحب نقول في العمر ان الطير ما يتجاوز سنه وشهرين

الف مبروك والله الله بالتلقين

[Albader]

السلام عليكم

شرفني مروركم الكريم

ومشكورين جميعاً على تجاوبكم

انا اشوف انه عيون الطير بيضا على رمادي

وعندي استفسار يا شباب ...

انا قبل لا اشتري الطير كنت اشوفه اليف و اقرب منه عادي جداً ومايخاف ويجي على اليد بس بعد ما اشتريته و اخذته عندي في البيت لاحظته عكس ما كان في المحل .. صرت اشوفه يخاف ويحاول يبتعد عني ونا اقرب منه ويجعر على خفيف ومايقبل ياكل اي شي اعطيه من ايدي .. ولمه اخليه على ايدي و احاول ابتعد عن القفص يخاف وينط على القفص .. و احياناً اشوفه يرتجف مادري من البرد او الخوف

هل هذا التصرف طبيعي في اول الايام .؟؟!!
و اذا احد عنده اي نصيحة في التعامل معاه في هذا الوقت بذات

وبالتوفيق للجميع

[بلاك بيري]

طبيعي جدا وراح يتعود مع الوقت

لا تقلق اخوي اهم شيء الصبر

موفق

[بلاك بيري]

ونسيت اقولك اخوي خليه بمكان مرتفع حتى يحس انه المالك والمسيطر وخليه بمكان فيه حركه ولو على استاند يكون افضل حتى لو خاف بيتعود وتودد له الأكل المفضل مثل الفول السوداني

موفق

[Albader]

شكراً اخي بلاك بيري على اهتمامك
والله يرحم والديك

طمنتي الله يطمن قلبك

بالنسبة لمكان الكاسكو انا حاطه في الصالة و دايماً فاتح القفص واخليه على لستاند ماعدى وقت النوم طبعاً

وهذي صور المكان ...

http://im30.gulfup.com/2012-03-11/133142070152.jpg

http://im30.gulfup.com/2012-03-11/1331420701991.jpg

[ٌابوعمر]

اخوي لا تخلي الطيب بروحه برا القفص لانه بيبدا يخرب برواز الباب والكنب الجلد افضل لو تبعد الكنب شوي وتحط الطير مكان الكنب عشان مايطول شي ولا يقدر يخرب شي

[نوني..]

لا الكاسكسو حسب خبرتي مايتحرك من الاستاند..

فيه انواع مدمرهـ درجهـ اولى بس نوع ببغاوات ثاني وهي اللي ممكن تخرب الباب

او ان الكاسكو اللي كنت اعرفهـ هادئ ...


__________________________

سوال خارجي اللالعاب اللي في القفص اعجبتني ماشاءالله اللعبه الكبيرهـ من وين اخذتهآ وكم سعرهآ؟!

+ ايش اهميه الجرس للببغآوات لاحظت العاب الببغاوات بعضهآ تحتويهآ

[ٌابوعمر]

^^
جميع انواع الببغاوات مدمره بس فيه درجات الكوكاتو والمكاو والدره درجه اولى الافريقي والامزوني درجه ثانيه

[Albader]

لا الكاسكسو حسب خبرتي مايتحرك من الاستاند..

فيه انواع مدمرهـ درجهـ اولى بس نوع ببغاوات ثاني وهي اللي ممكن تخرب الباب

او ان الكاسكو اللي كنت اعرفهـ هادئ ...


__________________________

سوال خارجي اللالعاب اللي في القفص اعجبتني ماشاءالله اللعبه الكبيرهـ من وين اخذتهآ وكم سعرهآ؟!

+ ايش اهميه الجرس للببغآوات لاحظت العاب الببغاوات بعضهآ تحتويهآ

والله ياخوي الالعاب من محل في البحرين في منطقة جدعلي وسعر اللعبة الكبيرة 3 دينار ( 30 ريال ) و العبة الثانية عبارة عن جرس و مرايه وسعرها 1.500 دينار ( 15 ريال )
بالنسبه لاهمية الجرس يستمتع الطير باللعب مع الجرس و الاصوات اللي يطلعها .. طبعاً هالكلام من صاحب المحل

و اذا انت تجي البحرين او عندك احد يجي البحرين انا بجيب لك الالعاب و زود عليهم .. انت بس تأمر ومالك اله طيبة الخاطر يالغالي

[بلاك بيري]

ماشاءالله تبارك الله ما قصروا اخواني

تقبل خالص شكري

وموفق انشاءالله

[آنآستــآزيآ]

.. ماشــاءاللهـ تبــااركـ اللهـ ..

.. طاائــر مميــز وراائــع !! زيــن إنــكـ تخلّيــهـ خــاارج القفــص مــدة طويلــة .. حتــى يتسلّــى ولا يمــل دااخــل القفــص ..

.. آنآستــآزيآ ..