بسررررعه -براز +اسهال - يكرم القارئين

[ماك01]

اخواني الاعزاء عندي كلبه هاسكي عمرها 6شهور انثى
قبل يومين بدا معها الاسهال , يكرم القارئين
وقبل شوي اسهلت بس قبل لاتسهل تبرزت براز عادي ((متماسك))
علما ان لون الاسهال والبراز المتماسك اسود
ونوع الاكل اللي اعطيهم رويال كانون ماكس جونيور
كيف اوقف الاسهال ؟

[الهولي]

هو من الافضل الذهاب بها الى عيادة بيطريه
للكشف من مختص وتشيك الحراره
واذا ماكان في حراره ممكن بعض الكلاب يجيها تلبك معوي
من سوء تخزين الدراي فود
او برد من مكان مفتوح مثل لفحت هوا للبطن
او اكل شي غيرب او ملوث
العيادة تعطيك الجواب الاكيد من التشخيص
وعلى العموم مايخوف اسهال الاسود
بس الجواب النهائي عند الدكتور المختص

[_MJOoOD_]

اخوي الهولي كلامه ميه ميه

وما اقدر ازيد اكثر من كذا

تقبل مروري

[Nona999]

كلام اخواني صحيح

والموضوع مايخوف بسيط بإذن الله

عندك حلين الاول : روح للصيدليه البشريه واطلب شراب فلازول وعطها بالابره عن طريق الفم مقدار 3 م مدة ثلاث ايام وبتتحسن من ثاني يوم

وهذا تلبك معوي بسبب تغيير نظام الاكل او اكل شي غير مناسب وبعض الاحيان يجي من كثرة التريت ..


الثاني : تسلق لها رز مصري " بدون اي اضافات " واخلطه مع الدراي فود وعطها بيوقفه بإذن الله

ولكن انا ارجح الحل الاول

ماتشوف شر وطمنا عليها

لك فائق الاحترام والتقدير

موفق