طفشت من طيري بيسو

[مبتدئ كاسكو]

السلام عليكم ورحمة الله و بركاته
شخبار الشباب
عندي استفسار عندي طيري بيسو عمره سنه و كم شهر
انا عارف نزلت موضوع عن هالطير بس ابي اوضح بعض الامور
الطير صراحه طفشت منه له عندي 3 شهور
يصفر اذا شغلت له مقطع لتصفير كاسكو باليوتيوب غير كذا انسئ يصفر
لا يعرف الجعير بس اذا تحركت بسرعه يجعر
لا يقبل المسح ع راسه اذا امسح راسه يتحرك بس لي يومين جايبه بالعباطه
و احس الطير فيه دلاخه شويه اذا حطيت لهم اكل ينط عند الفرخ يبي ياكل معاه !!
و كل وقته نايم علماً اني وديته عند بيطري خسرت فيه 450 ريال كان عنده اسهال قبل كم شهر

بس مدري وش فيه كذا خامل و ياكل من يدي و كلل شي و شهيته مماهي زينه حزين كأنه فاقد احد
عكس الفرخ لا دخلت الغرفه قام ينطط بالقفص و يطلع صوت ينرحم عليه و ياكل من يدي و شهيته مفتوحه ماشاء الله

بس الكبير فكرت اني ابيعه من خموله و قلة تصفيره جاب لي الطفش :@
و ابي نصايحكم شباب و اعذروني ع الاطاله

[هذا حظي]

السلام عليكم

حبيب قلبي لاتطفش من الببغاء وخلي عزيمتك قوية

طبيعي الطير توه طالع من مرض

حااول انك تولف الكاسكو وتراه مو ذاك الصعووبه بس شوية اصراااار

في مواضيع بالمنتدى مختصة بترويض الكاااسكو من الالف لليااااء

انت تقول عندك فرخ كاسكو ثاني هذا شي حلو

حاول تخليهم مقابلين بعض يعني واحد باول الغرفة والثاني باخرها

ولاعب الفرخ والثاااني وخله يطالع لك

والخامل استخدم معاااه اسلوب التجويع البسيط وانشاء الله بيرجع لعوووب

لان تصفير الكاسكو اما لطلب اللعب او لطلب الاكل تقريباً

ادري بيختلفون معاي بسالفة التجويع بس انت جرب ومو خسران شي ان شاء الله

دمت بود

[none!!!]

حرام لا تبيعه توه طالع من حاله مرض والاسهال يخليه يكون خامل وكسلان حاول معاه وان شاءالله راح تررد عافيته

[كويتي777]

والله كان عندي طير نفس طيرك بالضبط واليوم بعته علي احد اقاربي

بس الفرق انه حركته زينه وياكل من الايد ويصفر الصبح لوحده من غير مقاطع كل يوم الصبح يصفر

ولكن ماني قادر امسك راسه اهو عضته جدا خفيفه بس ما يخليني وبصراحه مليت وطفشت منه فبعته اليوم وخليت الفرخ عندي شوي خايف بس ان شاء الله يروح منه الخوف

بالتوفيق والله يعينك حاس فيك والله

[بلاك بيري]

نصيحتي بيعه وخذ واحد يكون مدرب واليف وعنده كلمه ولا كلمتين ويكون صغير بالعمر

موفق

[ٌابوعمر]

بيعه واحد كافي اثنين مشكله يبيله واحد فاضي

[مبتدئ كاسكو]

والله حيرتوني بس احتمال ابيعه لاني صبرت عليه 3 شهور و ماافي امل

[ٌابوعمر]

لا فيه امل بس ايش تستفيد منه خلاص صار عندك فرخ ثاني

[مبتدئ كاسكو]

انا قصدي ابو عمر ابيه يقول كم كلمه و ابيعه عشان يجيب قيمه حلوه
و ماكان يجعر و اليوم رجع يجعر ع خفيف يتبهلل هذا!!
بس بقولكم اشياء انا مااا اسويها لطيوري
ماا اطلعهم السطح يعني يمكن مرتين طلعتهم الاكلل اعطيهم فصفص فقط لان المشكل ماياكله ابد
و اعطبهم الفول السوداني مكافئه
ماا اعطيهم فيتامينات و تدريبي معاهم بين فتره و فتره مو كلل يوم يعني تصنيفات

[ٌابوعمر]

اخوي عود الفرخ غصب عنه ياكل كل شي وبنسبه لطيرك الاول ترا طيرك مو غبي بس لان تدريبك مو كثير طبيعي بيتاخر بانه يصير اليف وماصار يجعر الا لانك مسوي شي له وانت مو حاس يمكن ؟ ويمكن لان طيرك الجديد يجعر ؟ ويمكن من زمااان مادربته ويمكن فيه احد من الاهل مروعه فيه احتمالات كثييييييييييره ولاتضلم الطير عط الطير والطير بيعطيك قد ماتعطيه من وقت صدقني بيتعدل اكثر وبيطلع ابداعات انت ماتتصورها ولا تتخيل انه ممكن يسويها بس لازم اهتمام تروضه كل يوم على الاقل ساعتين على الاقل بس اكيد بفترات متقطعه كل مره نص ساعه كافيه وبنسبه لتلقين وانت طالع وانت جاي كل مامريت من عند القفص قوله كلمه شوي وصدقني بتلقاه يتكلم

[صوغة]

وعليكم السلام

الفرخ جديد عندك؟

يمكن غيران نفسيته اتعبت او فاقد لصاحبه السابق

انصحك اتكثف وقتك معه اتنزله الارض مع الفرخ وتجلس بينهم اتلاعبهم

حاول اتغيير من نفسيته عطه قطع فواكهة شكل له

اربع اشهر فترة جدا قصيره

غيرك يصبر سنة واكثر اهم شي صحته ونفسيته وان شاءالله بيوالفك اكثر وبيتنشط وبيتعلم كم كلمة

موفق

[مبتدئ كاسكو]

اخوي عود الفرخ غصب عنه ياكل كل شي وبنسبه لطيرك الاول ترا طيرك مو غبي بس لان تدريبك مو كثير طبيعي بيتاخر بانه يصير اليف وماصار يجعر الا لانك مسوي شي له وانت مو حاس يمكن ؟ ويمكن لان طيرك الجديد يجعر ؟ ويمكن من زمااان مادربته ويمكن فيه احد من الاهل مروعه فيه احتمالات كثييييييييييره ولاتضلم الطير عط الطير والطير بيعطيك قد ماتعطيه من وقت صدقني بيتعدل اكثر وبيطلع ابداعات انت ماتتصورها ولا تتخيل انه ممكن يسويها بس لازم اهتمام تروضه كل يوم على الاقل ساعتين على الاقل بس اكيد بفترات متقطعه كل مره نص ساعه كافيه وبنسبه لتلقين وانت طالع وانت جاي كل مامريت من عند القفص قوله كلمه شوي وصدقني بتلقاه يتكلم

والله يابو عمر اليوم خوفه اخوي الصغيرر و سويت بلبله بالبيت و حلاص بطلع الملحق مع طيوري>> زعل:D
و لمن كتبت الرد رحت للطير طلعته ع الاستاند و امسح ع راسه و انا امسح جلس يصفر لاني مشغل مقطع تصفير
و حطيت يدي قدامه و قلت اطلع و طلع و اعطيته مكافئه انا بصبر عليه شهر مع الملحق الي فوق و بشوف
بالنسبه للاكل وش تنصحني اعطيهم مااالي خبره بالاكل كويس

[مبتدئ كاسكو]

وعليكم السلام

الفرخ جديد عندك؟

يمكن غيران نفسيته اتعبت او فاقد لصاحبه السابق

انصحك اتكثف وقتك معه اتنزله الارض مع الفرخ وتجلس بينهم اتلاعبهم

حاول اتغيير من نفسيته عطه قطع فواكهة شكل له

اربع اشهر فترة جدا قصيره

غيرك يصبر سنة واكثر اهم شي صحته ونفسيته وان شاءالله بيوالفك اكثر وبيتنشط وبيتعلم كم كلمة

موفق
ماا اتوقع فاقد صاحبه لان جت مجموعه افريقي صيد و انا اخذته و عطيته واحد جلس عنده 4 ايام ترويض
روضه ع خفيف و انا كملت عليه بس زي ماقلتي نفسيته مو زينه

[صوغة]

طيب بيدك الحل

كثف جلووسك معه لاعبه سولف معه

واصبر عليه

خاصة الطير الثاني فرخ والله يحفظه لك بس الفروخ 50% منها اتروح لسبب بسيط

لذلك لا اتفرط فيه واشتغل عليه

وموفق

[مبتدئ كاسكو]

طيب بيدك الحل

كثف جلووسك معه لاعبه سولف معه

واصبر عليه

خاصة الطير الثاني فرخ والله يحفظه لك بس الفروخ 50% منها اتروح لسبب بسيط

لذلك لا اتفرط فيه واشتغل عليه

وموفق

الفرخ ماشاء الله افريقي وله عندي اسبوع و ياكل من يدي

[آبوعبدالمجيد]

أخـوي لآتتعجل بالحكم على بيسو

صدقني عندما رأيت صورة لـ بيسو شعرت بإنه ذكي جداً..ورقبته طويلة ماشاءالله...

وهاذه كلها مميزات تأهله.ليكون ببغاء ذكي جداً..~

لآكن صدقني صدقني ..بيجي يوم وتتفجر طاقاته..

صدقني بتندم لو بعته.........!!!!

كثير من الاخوان يشكون بالببغاوات وبعد 7شهور او سنة.....!.!

تتفجر الطاقات وتراه يسرد عليك كل ماتعلمه....~

وع فكرة الببغاءْ..يحفظ الكلمة بالتكرار..يعني مو كل يوم تجيب له كلمه....!!!

وبالنسبة للترويضَ..سسٍسهلٍ.~.جداً..

ومليان بالقسمٍ.~.


احب اقولك بالاخير الصبر ثم الصبر ثم الصبرٍ..~.

وكثف التدريباتً.~.:)

ملامح الذكاء واضحه جداً..من خلال هالصورةٍ..~.

مآشآءالله تبآرك الله.~.

http://www.m5zn.com/uploads2/2012/2/28/photo/022812000213axm6e786z3m2p.jpg

نصيحة لاتبيعه.~.:)

[ٌابوعمر]

اخوي فيه جداول كثييييييييييره عن التغذيه كل الي عليك تختار الجدول المناسب لك ولطيرك وانا اشوف افضل جدول متنوع وشامل لجميع انواع الاكل المناسب لجميع انواع الطير جدول اخوي اناستازيا تلاقيه بقسم الببغاوات اسم الموضوع اسرار جمال الببغاوات وان ماعجبك او طيرك ماتقبله تقدر تجرب جدول اخوي بلاك بيري

[مبتدئ كاسكو]

يعطيكم العافيه والله ماقصرتو و حمستوني جداً لبيسو
و بيسو يطلع اصوات غريبه لاني لي اسبوع اكرر له كلممة الو
و ان شاء الله بحاول فيه و بنوع له بالاكل

[فيوزي]

يالغلا لا تبيع الببغاوات يبيلها صبر ثم الصبر ثم الصبر
يعني اصبر عليه الطير توه طالع من مرض
وان شاء الله بيكون احلا واحسن وافضل طير لك
والله يخليه لك