طيري الجديد

[حبني لك]

ابشركم شريت لي كاسكو اليوم:D

و عمره سنه وكم شهر متوحش و جعيره مزعج بس صحته اوكيه و عجبني جسمه كبير على ما اظن انه جامبو
بس مشكله جناحه و ذيله مقصوص
ومادري ذيله يرجع مثل اول ولالا
لان هو الطير اللي لقيته بالسوق
اغلب اللي بالسوق سعرها فوق 1600
والهولندي 2100
وهذا اخذته بـ 1300 مع انه مو حقه
و ان شاء الله بكره بنزل وبدور لي ثاني بعد
وهذي صوره له بس مو واضحه مره لانها من الجوال وان شاء الله بصور اوضح و انزلها و ابي رايكم






http://im30.gulfup.com/2012-03-15/1331824286461.jpg

[Deep silent]

ماشاء الله بس ماتحس ان سعرهـ قليل الى اخذته ولازم يكون معاهـ طير ثاني

[sweet_heart]

ما شااء الله طير جميل وحجمه حلو

لا تتاخر في ترويضه وتلقينه الكلام

الله يباركلك فيه

[mksa]

ما شاء الله الطائر جميل

ان شاء الله نسمع منه احلا كلام انت معميا

ننتضر المزيد منك

[نوني..]

ماشااء الله

[حبني لك]

مشكورين
و توني راجع من البيطري وقالي حلو و سليم
و قالي عمره سنه ونصص

وصعب عليك تروضيه مع اني اشوف انه سسهل و يبي له بال طويل لانه مزعج حييل و خواف


و ان شاء الله بكره ولا الاسبوع الجاي ادور لي ثاني
افكر بالهولندي مع انه 2100 حصلته عمره ست شهور و اقل

[أبو الببغاوات]

يتربى بعزك
والله يوفقك حبيبي
أما ترويضه فما أعتقد صعب لدرجة كبيرة ولكن يحتجله راحة بال وصبر
والسعر مناسب ما شاء الله
والله يوفقك :)

[حبني لك]

تسلم خوي

[كويتي777]

ما شاء الله

حلال طيب والله يعينك علي الجعير


وبالنسبه للسعر مبالغ فيه بالنسبه لنا بالكويت

انا اليوم بعت كاسكو يصفروياكل من الايد بس مايصعد عالايد وقليل جدا يجاعر ولونه فاتح وصحته فوق الممتازه ويخربط بالكلام كان بادي يتكلم يمكن وعمره 6 شهور ب 40 دينار كويتي والسبب مايخليني المس علي راسه وتعبت لان عندي واحد ثاني وادري استعجلت في بيعته بس يستاهل الي خذاه واسعارهم عندنا بالسوق ما تتعدي ال 80 دينار هذا للفرخ و 60 دينار للي عمره فوق السنه

بس الهولندي غالي شوي يوصل 150 الفرخ وحتي الافريقي الي عمره اقل من اربع اشهر يوصل 100 دينار

عموما بالتوفيق وانصح الي بيشتري ياخذ من الكويت ارخص وخصوصا اهل الخبر والخفجي والمناطق القريبه


وشكراا

[حبني لك]

صدقت اخوي و انا ودي بس
مشوار من الرياض للكويت

وتعب ولو تشوف الفرق بسيط
وخوفي اروح اشتري ولا يدخلونه الجمارك
لاني مااعرف قوانينهم و اتوهق

[كويتي777]

صدقت اخوي و انا ودي بس
مشوار من الرياض للكويت

وتعب ولو تشوف الفرق بسيط
وخوفي اروح اشتري ولا يدخلونه الجمارك
لاني مااعرف قوانينهم و اتوهق


شلون فرق بسيط وتاخذ اثنين بسعر واحد عندكم

يعني تقريبا الكاسكو الي اخذته انت يسواله 500 او 600 ريال اذا ماني غلطان اكيد في فرق

وانا اعرف محل كان يجيب جمله ويبيعهم علي 500ريال بس اعمارهم سنه وفوق

واذا اخذت اكثر من واحد يحسبه لك علي 400 ريال تقريبا يعني بشكل عام ارخص منكم لان يمكن الكويت صغيرة وصار اكتفاء من الكاسكو بسرعه نتشر في البيوت لانها قليله والعكس تمام مع الكاسكو اتوقع يدخلون بكثرة فقل الطلب عليه عكس المملكة الله يحفضها يارب كبيره


حطه بعلبة الكلينكس طال عمرك وحاول تصكر حلجه بلزاق واول ما تطلع رجعه طبيعي وحد الدعسه للرياض ;)