مساعده فرخ افريقي

[الغااالي]

السلام عليكم ورحمة الله
اشتريت من كم يوم ببغاء افريقي عمره مابين 4 و 6 اشهر بس ملاحظ على الببغاء الخمول والنوم لكن ماشاء الله في الاكل طيب بس حركته قليله ولا يطلع صوت نهائيا وياليت تساعدوني
الاكل اعطيته اليوم نص تفاح اصفر اكل منها واشتريت له حبوب مشكله منها الذره والفول السوداني وفواكه مجففه من محل الطيور
اذا قربت يدي منه يعض ولا يطلع على الاستاند في القفص طول وقته اسفل
اخوكم مبتدى وان شاء الله استفيد منكم
وهذه صور للطير
http://im25.gulfup.com/2012-03-16/1331927149561.jpg

http://im25.gulfup.com/2012-03-16/1331927149342.jpg

http://im25.gulfup.com/2012-03-16/1331927150633.jpg

http://im25.gulfup.com/2012-03-16/1331927150634.jpg

[sweet_heart]

اصبر عليه واعطه فتره من اسبوع الين اسبوعين يتعود على البيت واهله

ولا تقصر معاه بالاكل وحاول تكلمه وتعطيه اكل من يدك بس لا تزعجه كثير ولا تخوفه

وان شاء الله بتلاقي خير خصوصا اني شايفه على يدك وتمسح عليه

[الغااالي]

الله يعطيك العافيه على رد
المشكله اللي في الصوره مو انا هذا صاحبي اللي اشترى الطير
وانا بيني وبينك متخوف منها شويتين في العض
بس قعدته في اسفل القفص طبيعيه ؟
والاكل وش افضل اكل اعطيه ؟ لانه صاحبي بيقول اعطيه كرن فلكس
نشارة الخشب لو اشيل الشبك اللي اسفل القفص واحط النشاره تنفع ؟

[بلاك بيري]

ماشاءالله طير ممتاز جدا

بخصوص الأكل يفضل استخدام الحب الشمسي والبليله والذره المنقوعه وحبيبات الفول السوداني المقشر
بخصوص طلوع الطير على اليد اصبر عليه الين يتعود يعني حول الأسبوع
بخصوص التفاح والكورن فليكس وغيرها يفضل الأبتعاد عنها في الوقت الراهن
بخصوص خمول الطير هذا خمول الفراخ الطبيعي حيث تميل للنوم اكثر والشهيه الممتازة الي لاحظتها خير دليل على صحه الطير

موفق بكل خير

[بلاك بيري]

اخوي احس ان طيرك ينغر هل ياكل من نفسه او لا
وهل عندك مضاد حيوي اسمه باي تريل لو عندك اعطيه 5 سيسي من سيرنجه الأنسولين المستخدمه من مرضى السكر لمده يومين كجرعه وقائيه

موفق

[الغااالي]

الطير ياكل لحاله
وبخصوص المضاد الحيوي لا ماعندي لكن ان شاء الله اشتريه بكره بس اعطيه مره وحده في اليوم في الماء ؟
بخصوص الذره ينفع معها الذره المعلبات اللي في البقاله
والله يعطيكم العافيه

[الغااالي]

ضروري الدواء اعطيه ؟
وبعدين القعده في اسفل القفص طبيعيه والمشكله مايطلع على الاستاند

[الغااالي]

انتظر الرد

[بلاك بيري]

الطير ياكل لحاله
وبخصوص المضاد الحيوي لا ماعندي لكن ان شاء الله اشتريه بكره بس اعطيه مره وحده في اليوم في الماء ؟
بخصوص الذره ينفع معها الذره المعلبات اللي في البقاله
والله يعطيكم العافيه

مرة وحده في الماء لمده 24 ساعه
لمده لا تقل عن يومين بجرعه 3 سيسي من ابره الأنسولين

[بلاك بيري]

تنفع الذرة المعلبه لكن شريطه تفريغها من الماء وتغسيلها جيدا لأزالها المواد الحافظه قدر الأمكان
وممكن تاخذ بليله جاهزة ايضا معلبات وتسوي نفس الي قلته فوق

موفق

[بلاك بيري]

ضروري الدواء اعطيه ؟
وبعدين القعده في اسفل القفص طبيعيه والمشكله مايطلع على الاستاند

ماهوب ضروري لكن كاجراء وقائي افضل
الجلسه في ارض القفص لأن الطير فرخ وتوه ماهو متعود على الوقفات اضافه انه كثير من الفروخ تفضل النوم على الارض لأنه مريح لها
موفق بكل خير

[بلاك بيري]

انتظر الرد

اتمنى ان اكون قد افدتك

واعتذر عن التأخر

[الغااالي]

الله يسعدك ماقصرت كفيت ووفيت

[بلاك بيري]

ياهلا بك ومرحبا وبشرنا عنك اول بأول

موفق بكل خير

[الغااالي]

انا اسف اخوي بلاك بيري بتعبك معي
دورت على علاج باي تريل مالقيته حصلت بديل اسمه linco spect
بخصوص ابرة الانسولين انت تقول 5 سي سي لكن اللي حصلتها 10 و20 ..... الى 100 يعني 1مل كم اعطيه

[بلاك بيري]

اعطيه 5 من المدرج حق الأبره وممكن تبدأ ب 7 وترجع بكرة ولمده خمسه ايام ب 5 سيسي

لانه في دراسات تقول انه يفضل ان تبدأ الجرعه الأولى بكميه عاليه وترجع للجرعه التقليديه او الأعتياديه
بخصوص العلاج الي ذكرته ما اعرفه لانه اسمه تجاري ابيك تصور لي العلبه والأسم العلمي وراح افيدك مباشرة

[الغااالي]

هذه صور العلاج
http://im19.gulfup.com/2012-03-20/1332190955301.jpg
http://im19.gulfup.com/2012-03-20/1332190955432.jpg
http://im19.gulfup.com/2012-03-20/1332190955443.jpg
http://im19.gulfup.com/2012-03-20/1332190955374.jpg

وهذه صورة الابره ياليت تحدد انا ما فهمتك احط 70 او 7 شرطات قبل 10

http://im24.gulfup.com/2012-03-20/1332191297881.jpg

والحمدلله قبل ربع ساعه لقيته طالع على الاستاند

http://im19.gulfup.com/2012-03-20/133219095515.jpg

[آنآستــآزيآ]

.. ماشــاءاللهـ تبــااركـ اللهـ .. يــازينــهـ .. شكلــهـ جــدااً راائــع .. ربــي يحفضــهـ لكـ .. ^_^ ..

.. بخصــووص عمــرهـ تــرى أقــل مــن اللــي ذكرتــهـ !! عمــرهـ مــا يزيــد عــن 3 شهـــووور !! ونصيحتــي تتأكــد مــن اللــي شريتــهـ منــهـ .. هــوو ينغــر ولا يااكــل بنفسـهـ ..

.. بخصــووص صحتــهـ .. أعتقــد زينــة .. بــس أنــت لازمـــــــ تبعــدهـ عــن البــرد .. وتشمســهـ بـ شكــل مكثــف .. وتعطيــهـ أنــوااع مــن الحبــووب وتتأكــد مــن نظافتهــاا وتكــوون مــن إنتــااج شركــة ممتــاازة .. الفــوااكهـ تعطيــهـ مرتيــن بـ الأسبــووع عشــاان مــا تثقــل عليــهـ ..

.. أخيــراً أنصحــكـ تعطيــهـ خلطــة الثــووم بـ الليمــوون مرتيــن .. مــرة بـ الأسبــووع ..

.. آنآستــآزيآ ..

[آنآستــآزيآ]

.. بخصــووص العــلاج تعطيــهـ حســب مــاا ذكــر بــلاكـ بيــري 70 وبعــد المــرة الأولــى 50 ..

.. ومبــرووكـ تحســن حــاالة الطيــر .. الصبـر زيــن والطيــر يحتــااج تعــوويد .. ^_^ ..

.. لكــن يــاخووي نصيحتــي تعطيــهـ شــيء طبيعــي بــدل هـ الــدوااء .. اللــي هــوو خلطــة الثــووم بـ الليمــوون .. جـــــدااً ممتــاازة وطبيعيــة 100% وبسيطــة ! ..

.. آنآستــآزيآ ..

[بلاك بيري]

هلا اخوي جميعنا كهواه ومربين نقف احتراما لعلاج اللينكومايسين او علاج السبكترومايسين
ما بالك بالعلاجين مخلوطين في دواء واحد
العلاج ممتاز ممتاز ممتاز ممتاز وراح يكون جدا مفيد
السبعه سيسي يعني عندك بالأبره 70 والخمسه سيسي يعني بالأبره 50 وهكذا

والطير ماشاءالله زوين وانشاءالله بيطلع منه شيء بس انت انتبه عليه وغطيه واكله وشربه زين

[الغااالي]

الله يعطيكم العافيه وماقصرتوا
بس الان الطير اذا تعلق على الاستاند ما يعرف ينزل وثاني شي صوته مو طبيعي والله يستر توه كمل اسبوع
وهذا مقطع الفيديو http://youtu.be/P5QYgnDLSEQ

[الغااالي]

مع العلم انه ما كان يطلع صوت لاجعره ولا شيء
لكن اذا قربت عنده وكلمته يطلع الصوت

[الغااالي]

اعطيته من العلاج امس الثلاثاء الساعه 12 في الليل 5سيسي وغيرت المويه اليوم الساعه 10 في الليل واعطيه مره ثانيه من العلاج 5 سيسي في المشربه اللي في القفص

[آنآستــآزيآ]

.. ياقلبــووو عليــهـ يضحــكـ حيــل .. :p ..

.. أجــل ياخــووي شيــل عنــهـ العصــاا وافــرش الأرضيــة نشــاارة وخلــهـ ينبســط عليهــاا !! ..

.. آنآستــآزيآ ..

[آنآستــآزيآ]

اعطيته من العلاج امس الثلاثاء الساعه 12 في الليل 5سيسي وغيرت المويه اليوم الساعه 10 في الليل واعطيه مره ثانيه من العلاج 5 سيسي في المشربه اللي في القفص

.. ممتــااز .. بــس ياخــووي أنــاا أفضــل تضعهــاا الظهــر الساعــة 12 .. وتشيلهــاا وتضــع موويــة نظيفــة بدالهــاا المغــرب الساعــة 6 .. إستمــر علــى هـ الحركــة 5 أيــاام كفاايــة ..

.. آنآستــآزيآ ..

[الغااالي]

يعني اعطيه العلاج كل 12 ساعه ؟

[آنآستــآزيآ]

يعني اعطيه العلاج كل 12 ساعه ؟

.. آيــهـ نعــم ..

.. آنآستــآزيآ ..

[بلاك بيري]

ههههههههههه توه مسيكين ماله حيل

انشاءالله بيكبر وبيقوى وبتشوفه يطير عليك انشاءالله

موفق

[الغااالي]

بس كم تتوقعون عمره
ممكن مايوصل 4 اشهر ؟

[بلاك بيري]

تقريبا حولها او اقل بقليل

[آنآستــآزيآ]

.. أنــاا أقــوول ثــلاث شهــوور .. :rolleyes: ..

.. آنآستــآزيآ ..

[vxr.2007]

ماشاء الله

[vxr.2007]

هلا اخوي جميعنا كهواه ومربين نقف احتراما لعلاج اللينكومايسين او علاج السبكترومايسين
ما بالك بالعلاجين مخلوطين في دواء واحد
العلاج ممتاز ممتاز ممتاز ممتاز وراح يكون جدا مفيد
السبعه سيسي يعني عندك بالأبره 70 والخمسه سيسي يعني بالأبره 50 وهكذا

والطير ماشاءالله زوين وانشاءالله بيطلع منه شيء بس انت انتبه عليه وغطيه واكله وشربه زين


اخوي بلاك بيري ياليت صورة للعلاج اللينكومايسين وصورة السبكترومايسين
والله يبيض وجهك والحقيقه مثل امثالكم تثلج الصدر في هذا المنتدى المتميز عن باقي المنتديات

[تشآرلي]

اخاف تكون شريت الطير من الي انا بعد شريت مته

انا و2 من اصحابي اشترينا من واحد بجده 4 طيور

للاسف انا مات علي اثنين

واصاحبي بعد

الطيور والله اعلم فيها مرض غريب او فايروس وبائي

من الرغم صاحبنا الرابع طيره عالجه والظاهر انه عدى مرحلة الخطر


لكن لا تيأس وحاول بالي تقدر عليه

وربي يكون معاك

وطمنا ع الطير وانا متابع مووضوعك

[الغااالي]

الطير مات امس والله يعوضنا خير

[بلاك بيري]

لا حول ولا قوة الا بالله العلي العظم ربي يعوضك بأحسن منه

احزنتي والله

انت عملت الي عليك

ربي يوفقك وهذه سنه الحياه