استفسار مرحلة القلش

[مبتدئ كاسكو]

السلام عليكم ورحمة الله و بركاته
شخباركم شباب
و صباح الخير :D
كيف اعرف طيري يمر بمرحلة القلش لان لي اكثر من اسبوعين كل مادخلت الغرفه
احصل ريش ابيض زي القطن مملي الغرفه :confused:
و فوق بالجناح مافي ريش طايح الريش حقه
و اليوم حصلت ريش من الذيل الاحمر طايحه
علما بأن هذا طيري بيسو و ليس الفرخ :D

و مشكورين مقدما >> مسسوي حفله بطيورة :D

[بو اروى]

مرحبا عزيزي

شوف الفترة هذي الطيور تمر بمرحلة القلش وتغيير ريشها

لكن افضل تضع صور للريش المتساقط في القفص بالاضافة الى جناح الطائر عشان يفيدونك الاعضاء الخبراء

[كاسكـــو]

الريش الابيض اللي مثل القطن على قولتك هذا اسمه زغب وهو يتساقط عادي بكل الاوقات ولايعتبر قلش

وراح تحصله بأستمرار ينزل من الطير طول العمر لاتستغرب

وقت القلش المعروف هو بالصيف اذا طيرك غير منتظم وقت الاضاءه عنده راح يحصل خلل بوقت القلش

المقصود بوقت الاضاءه يعني ينام بدري بالليل ويصحى بالصباح الباكر لايتعرض للسهر وكأنه في حياته الطبيعيه

اذا منتظمه الاضاءه راح يبدل بشكل طبيعي وفي الوقت المحدد واذا الاضاءه غير منتظمه راح يبدل ريشه بأوقات متفاوته غير منتظمة

[sweet_heart]

بعد اذن صاحب الموضوع

طيب هل في مرحلة القلش جميع الريش يتساقط ام اماكن معينه من جسم الطير اللي يصير فيها قلش

يعني هل الجناح والذيل يسقط ايضا

[كاسكـــو]

بعد اذن صاحب الموضوع

طيب هل في مرحلة القلش جميع الريش يتساقط ام اماكن معينه من جسم الطير اللي يصير فيها قلش

يعني هل الجناح والذيل يسقط ايضا

القلش لايسقط الريش كله انما يسقط بشكل جزئي في اماكن متفرقه وهو يشيل الريش القديم

بالنسبه للجناح والذيل لايسقط كله انما يسقط على فترات طويله على ريشه ريشه

من الصعب ان يفقد الطير ريش الجناح والذيل كله فبتالي يصعب عليه الطيران والتوازن

[آنآستــآزيآ]

.. مــاا قصــرووا الأخــووة وكلامهــم سليــم .. ^_^ ..

.. آنآستــآزيآ ..

[بلاك بيري]

اضم صوتي لصوت اخواني

والريش الأبيض بصراحه لا يكاد يفارق الكاسكو مدى الحياه

موفقين بكل خير

[مبتدئ كاسكو]

يعطيكم العافيه شباب ماقصرتو
الله يعين ع خمول الكاسكو الي يرفع الظغط