ألحقوني بسرعه

[هانم4]

قطتي كانت والده وعيالها ماتو ومش رضعتهم وبقالها اسبوع مش بتاكل ولا بتشرب ودكتور قالي نفسيا وكنت بعطيها مضاد حيوي ووقفته ودلوقتي برده مش بتاكل بس بتشرب بس وبحط على صدرها ماء ورد بنشا بس دلوقتب القطه سخنه جدا وبترتعش وعطيتها دوا ينزل حراره وبعملها كمادات ودخلت جري تحت دش جبتها ودخلت تحت بطانيه وبترتعش اعملها ايه بسرعه ردوا عليه

[امال شاعر]

ليش حممتيها الله يهديكي الان دفيها تمام ووديها للبيطري

يمكن عندها التهاب في الحلق عشان كدا ماتأكل

ان كان عندك مضاد حيوي بيتاموكس اعطيها ولو ماعندك في مضاد ثاني في الصيدلية البشريه ايموكس

ضروري تعطيها ودفيها تمام الله يحفظها لك

[دلوعة قطوطتي]

ليش حممتيها الله يهديكي الان دفيها تمام ووديها للبيطري

يمكن عندها التهاب في الحلق عشان كدا ماتأكل

ان كان عندك مضاد حيوي بيتاموكس اعطيها ولو ماعندك في مضاد ثاني في الصيدلية البشريه ايموكس

ضروري تعطيها ودفيها تمام الله يحفظها لك

اتبعي نصيحة اخت و انشاء الله بنكونو افدناكي

[شاهستا]

نشفيها كويس اوى ودفيها كويس

واعملى ليها كمدات مايه عاديه على بطنها واطرافها

ولو الحراره جامد لازم تاخد مخفض للحراره طمنينا عليها

[هانم4]

الحمدلله الحراره نزلت واخدت مضاد حيوي ولبوس اطفال
بس مش انا الحميتها هي الكانت حميت نفسها كان حنفية البانيو مفتوحه ودخلت تحتها
والقطه من يوم الولاده بتعمل حمام ميه في اي مكان هيه نايمه فيه ممكن لو انا شيلاها تعمل عليه او على سرير طبعا بهدلت دنيا حطتها في بوكس والقطه بتشرب ميه كثير بس ومش بتاكل الا بالسرنجه
الدكتور قالي تشخيص جديد ان عندها التهاب في مثانه وانا لاحظت ان في بطنها حاجه مدوره كده بمسكها بايدي قلت يمكن حصوه مش عارفه بجد تعبت اكثر من اسبوعيين ودكتور مش عارف يشخص
هو عطاني حبايه واحده في يوم من حبوب بروكسيمول
وانا عطتها مرتيين فوار كولي يورينال لتطهير مجرى البول
وبصراحه فقدت ثقه في دكتور وتعبت جدا بالله عليكم ساعدوني يا اهل الخبره بسرعه حاسه ان قطتي هتموت وخايفه بجد

[شاهستا]

طب ليه مغيرتيش الدكتور ؟

حاولى تشوفى دكتور اشطر من كدة واعملى ليها اشعه عشان نعرف ايه سبب التبول دة

[هانم4]

مشكله في منصوره الدكاتره مش شاطريين وده كان احسن دكتور بثق فيه هو فيه دكتور ثاني هتصل بكره بيه واشوف بس مش وثقه منه لانه من نت طيب متقدريش تساعديني بخبرتك خصوصا ان حاسه ان فيه حاجه في بطنها فعلا مدوره كده ممكن تكون بقايا الولاده بس هي والده من اسبوعيين

[شاهستا]

مش عارفه بصراحه ايه دة لازم اشاعه توضح الموضوع ودكتور يشخص صح

[الخبيرة ناديا]

لاحول ولاقوه الابالله
قطتك واضح ان عندها مشكله في المثانه
لان تبولها بكل مكان اولى دلائل إصابتها بسلس البول
دائماً القطط لما تلتهب المسالك البوليه عندها بتلاقيها تعمل بول وهي موحاسه بشي!!
واكبر خطاء إعطائها (فوار كولي يورينال لانه ما ينفع أبدا للقطط
قطتك تحتاج الى علاج فوري بالمضادات الحيويه عن طريق الإبر حتي تكون مكثفه وقويه المفعول اكثر

وبالنسبة للانتفاخ الحاصل فيها في بطنها هو بسبب الالتهاب في المثانه

[امال شاعر]

طيب طالما الدكتور قلك عندها التهاب في المثانه والخبيره ناديه شخصتلك الحاله تمام

فاكيد كلام الدكتور تمام ارجعيلو ثاني وخليه يديها مضاد بالابر وان شاء الله ربي يشفهالك

القطط بعد الولاده لازم تعمليلها تحاليل وفحوصات عشان تطمني عليها اكثر

وطمنينا عليها

[هانم4]

يا جماعه انا رحت انهارده لدكتور اخر وعملي سونار وقالي القطه زي الفل وكل الاجهزه سليمه وان العندها في بطنها الكنت فكراها كوره قالي دي الكله وعطاني فيتامينات للقط وجلوكوز وقالي عندها اكتئاب وبتعمل حمام في نفس مكانها من الاكتئاب طيب انا اعمل ايه والحل ايه وبرده القطه مش بتاكل بتشرب بس ووقفت كل الادويه وبعطيها جلوكوز وفيتامينات وباكلها بس زي دكتور ما قال طيب اخرجها ازاي من حالة الاكتئاب وممكن فعلا الاكتئاب يوصلها لكده
ياريت تساعدوني بجد لاني تعبت والدكاتره الاثنيين نفس كلام معندهاش حاجه غير اكتئاب طيب ارتفاع درجة الحراره كان ليه بس الحمدلله الحراره دلوقتي كويسه طيب ليه مش بتاكل ولا بتنظف نفسها ودايما عايزه تستخبى في بوكس او دولاب او تحت بطانيه

انا بجد تعبت جدا ومش عارفه اتصرف بجد دلوني اعمل ايه طيب اديها مضاد حيوي ايه لان انا واثقه ان فيها شئ بس لما غيرت دكتور قالي السونار بيقول انها كويسه طيب اديها مضادات حيويه ايه ساعدوني بجد القطه اسبوعيين بتتالم وانا مش قادره اساعدها وحاسه ان دكاتره مش قادريين يساعدوني ودكتور ثاني حيرني اكثر
ولا ارجع للدكتور الاول محتاره

[شاهستا]

حاولى تلعبى معااها تغير ليها الجو دة مثلا خديها واقعدا سوا فى البلكونه فرجيها على اى حاجه بتحبها

يعنى انتى اكيد عارفه هى بتحب ايه

ومادام الدكتور قالك ان هى كويسه ليه عايزة تديها مضاد ؟

[هانم4]

لان الخبيره ناديا شخصت الحاله التهاب المثانه زي دكتور الاول ما شخصها فعلشين كده قلت يمكن فعلا التهاب مثانه خصوصا ان عندها سلس بولي والدكتور الثاني قالي السلس بسبب الاكتئاب والدكتور الاول قال السلس بسبب التهاب مثانه

[MAMAMy]

شوفي انا رأيي و ديها عند دكتور ثالث و على حسب ما يقول اعملي
و علشان تخرجيها من الاكتئاب دة امسكيها فرجيها على العربيات او
في لعبة اكتشفتها النهاردة قطي الكسول اتجنن منها فهتعمل اية قطتك
هيه اعواد المكرونة الاسبكتي النئ بس احظري من انها لا تبلعها
و دلعيها كتييير و اهرشي ذقنها من اسفل لأعلى القطط بتحب كدة اوووي
و ممكن تديها مضاد حيوي خفيف الى ان تتأكدي من مرضها‏(‏ لقدر الله‏)‏

[امال شاعر]

هانم عزيزتي عندي فكره اشتري لها قطه صعيره يعني يكون عمرها شهر

صدقيني حتعتني بيها ويمكن ترضعها هادا الي يخرجها من الاكتئاب او شوفي احد تاخدي منه قطه

صغيره وجربي وماحتخصري شي وان شاء الله تنسى في قطط حنونه وحساسه

ممكن تعتني بالصغير وتتلهي معاه

[هانم4]

مشكوريين بجد كلكم الحمدلله ان حاسه انكم معايا وبحاول انفذ كل كلامكم على قد ما اقدر
بالنسبه لجلب قط اخر فده صعب جدا لان عندي خمس قطط فطبعا من مستحيل وفيه قطه باذن لله هتولد كمان شهر فممكن ربنا يعوض ولاد القطه الصغيوره للقطه التعبانه وتشاركها التربيه معرفش ممكن ام لا

ومشكور جدا mamamy وهحاول فعلا على الاثنين كده لو فضلت الحاله كده اروح لدكتور ثالث باذن لله

ويارب يبارك فيكي يا شاهستا عارفه والله ان تعباكي معايا دايما ربنا يخليكي ليه ولكل اعضاء المنتدى الحلويين

ومشكوره جدا الخبيره ناديا وانا برده اخدت برايك كخبيره وعطيت القطه حبايه واحده في يوم من حبوب بروكسيمول لعلاج التهاب المثانه مع الفيتامينات ووقفت الفوار خالص وبعطيها الجلوكوز بالفم كل 8ساعات 15سم
وحاسه انها بقيت تحس انها هتعمل بول تنزل بسرعه من على رجلي بس مش بتلحق تروح الحمام بتعمل في بوكس بتاعها او على الارض
يعني دلوقتي القطه بتعمل حمام في بوكس اما لو انا شايلاها بتجري مني وبتروح تعمل في الحمام بس وهي في وسط الطريق بتقوم عمله على الارض بحس انها مش عارفه تمسك نفسها بس الحمد لله الاول كانت بتعمل عليه ومبهدلاني
طبعا خرجتها بلكونه ولعبتها ونفذت كلامكم بس للاسف مفيش استجابه خالص ليه لكن البلكونه بتقعد على السور بس
طبعا لسه الاكل بالسرنجه ومش بتنظف نفسها وكمية الميه البتشربها قلت عن الاول قبل كده كانت بتشرب ميه كثييير جدا انهارده احسن الحمد لله
حاسه انها مش بتعرف تبلع بحط الجبنه النستو في بقها بتسيبها ومش بتعرف تبلعها معرفش ليه
رايكم ايه في الحاله الحمد لله مفيش اسهال ولا ترجيع
انا شكه ان عندها التهاب في مثانه طيب حبايه واحده في يوم من حبوب بروكسيمول ده يكفي ولا لازم مضاد حيوي؟؟؟؟

ويهمني رايكم بجد وانتم شايفين الحاله دلوقتي ازاي واتصرف ازاي

[شاهستا]

العفو حبيبتى مفيش تعب ولا حاجه المهم قطتك تقوم بالسلامه

ربنا يشفيهالك يارب ورتجع احسن من الاول

والحمدلله ان فى تحسن يا مسهل يارب امشى على الدوا الى قالتلك عليه الخبيره ناديآ

وان شاء الله قطتك هاتبقى كويسه

هى مش بتاكل عشان عندها اكتئاب اكليها انتى غصب عنها وزى ماقولنالك العبى معاها وخرجيها من الجو دة

وان شاء الله تتحسن كل يوم عن اليوم الى قبله

[MAMAMy]

ضعي مع اكلها شوية ماء و خضار مشكل
لان في طبيب بيطري قال ان الخضار بيعوض القطط عن شرب الماء الكتير لان جسم القطط بيحتاج كمية كبيرة من الماء
و الخضار بيعوض عن هذة الكنية الكبيرة و تكفي القطة كمية صغيرة من الماء
و ان شاء الله تخف

[هانم4]

الحقوني بسرعه اكتشفت ان قطه رافضه الاكل مش علشين الاكتئاب وانا باكلها بالسرنجه اكتشفت ان لسانها فيه تقرحات وعلى الجانب اليمين كده وكان لسانها مقطوع حت صغيره جدا من على جانب والتقرحات دي على اللسان من داخل مش من بره انا قلقانه جدا ومش عارفه اعمل ايه كلمت دكتور قالي اجيبها بكره الصبح بس فقدت ثقه في الدكاتره انتم رايكم ايه والتقرحات دي من ايه واتصرف ازاي انا مسحتها بقطنه مبلوله بميه وخل وعطيتها مرهم فطريات مرهم جل طيب كده الحل ايه بجد تعبت

[هانم4]

ارجوكم ساعدوني القطه التجرحات كثرة جداا في لسانها وحاسه ان فيه خرفشه في صدرها اسبوعيين تعب وفي الاخر حاسه ان عندها فيروس بس مش عارفه اشخصه ولا يتعالج ازاي ارجوكم ساعدوني مخنوقه جدا وفقدت الثقه في الاطباء بجد مخنوقه القطه بتموت في ايدي شيلاها وهي ساكته ومفيش اي نشاط ولا حيويه فيها وجسمها مرخي جدا وحسه انها بتموت الحمدلله على كل شئ

[Octopus]

الله يعنيك يا هانم و انشاء الله ناديا ما تقصر :)

[هانم4]

في انتظار الخبيره ناديا او شاهستا يارب حد يساعدني بسرعه قبل فوات الاوان يارب

[امال شاعر]

لازم توديها للطبيب عشان يديها مضاد بالابر اكيد معاها التهاب حاد انا قلتلك من اول جواب ان عندها

التهاب او فايروس ضروري توديها وتتنوم

ولازم محلول عشان يعوضها الاكل يارب اشفيها وقومها بالسلامه

الف الف سلامه عليها وديها بأقرب وقت وطمنيني

[هانم4]

باذن لله ساعه 9الصبح هروح للدكتور لاقيتها سخنه جدا وقعده في بانيو عطتها 1سم نوفالجين لحد صبح بس والله انا علاطول جلاكوز في الفم ومحلول جفاف وعسل بالميه وباكلها كوسه بالفراخ مضروبه في خلاط بس يارب الاقي دكتور كويس والله كان نفسي اتعلم جلوكوز كنت علقته انا ليها بتتعذب حبيبتي امامي ومش عارفه اساعدها ووقفت مضاد حيوي وبعطيها فيتامينات ادعولها بالله عليكم

[الخبيرة ناديا]

الحقوني بسرعه اكتشفت ان قطه رافضه الاكل مش علشين الاكتئاب وانا باكلها بالسرنجه اكتشفت ان لسانها فيه تقرحات وعلى الجانب اليمين كده وكان لسانها مقطوع حت صغيره جدا من على جانب والتقرحات دي على اللسان من داخل مش من بره انا قلقانه جدا ومش عارفه اعمل ايه كلمت دكتور قالي اجيبها بكره الصبح بس فقدت ثقه في الدكاتره انتم رايكم ايه والتقرحات دي من ايه واتصرف ازاي انا مسحتها بقطنه مبلوله بميه وخل وعطيتها مرهم فطريات مرهم جل طيب كده الحل ايه بجد تعبت

ارجوكم ساعدوني القطه التجرحات كثرة جداا في لسانها وحاسه ان فيه خرفشه في صدرها اسبوعيين تعب وفي الاخر حاسه ان عندها فيروس بس مش عارفه اشخصه ولا يتعالج ازاي ارجوكم ساعدوني مخنوقه جدا وفقدت الثقه في الاطباء بجد مخنوقه القطه بتموت في ايدي شيلاها وهي ساكته ومفيش اي نشاط ولا حيويه فيها وجسمها مرخي جدا وحسه انها بتموت الحمدلله على كل شئ



لاحول ولاقوه الا بالله

قطتك محتاجه فحص جيد وتحاليل للدم من قبل طبيب ممتاز

لان حالتها على حسب كلامك ان عندها امراض كثيره بتطلع لها كل يوم

مره تتبول بكل مكان وكان التشخيص سلس بولي ومع المضادات بتخف

ومره تقرحات في اللسان

والان خرفشه بصدرها وبشكل عام احتمال نزله برد فيها من استحمامك لها قبل كم يوم

اختي الغاليه

لابد انك تطلبي من الطبيب عمل تحليل للبول وللدم لها

حتى يعرف يشخص حالتها ويعطيها العلاج اللازم

سواء كانت التهابات في المثانه فبتحليل البول للقطه يعرف مدى تطور حالته ونوع البكتيريا

الموجوده فيها وعليه يصرف العلاج المناسب لها

ايضا تحليل الدم مهم جدا حتى يستخرج نوع الفايروس او الالتهاب ان وجد فيها

وياريت تطمنينا عنها اول باول

[مشاعل الرياض]

اختي اذا فيه صوت في صدرها
انا قبل فتره القط حقي صار فيه حشرجه بصدره وحراره ومياكل وهزل في يومين بشكل غريب قالي الدكتور التهاب رئوي حاد
خذاه واعطاه مغذي علشان اللي فقده من جسمه
ف انا انصحك ركزي على صدره هذا السبب
وقولي للدكتور يعطيه مغذي حاولي تخلينه لاعياده يهتمون فيه اذا هي موثوقه بليييييييز ساعديه باسرع وقت لو تروحي لاقرب مكان فيه عيادات كويسه وطمنينا

[هانم4]

بعد اسبوعيين قطتي ماتت من غير ما اعرف عندها ايه فشل الاطباء في علاجها رحت لثلاث دكاتره وللاسف كل دكتور ميعرفش يشخص الحاله لحد ما ماتت وهيه في حضني وبتبصلي ماتت عمرها اربع سنين كانت بالنسبالي اغلى قطه كنت بحبها جدا حاولت اساعدها لكن امر الله نفذ عارفيين الاسبوعيين دوول كانت لما تجوع تطلع لسانها ليه وائكلها بالسرنجه حتى امبارح صبح جاتلي مطبخ وطلعتلي لسانها واكلتها بالسرنجه متوقعتش انها هتموت صح الحاله كانت بتسؤ بس كانت وعيه وبتاكل وبتطلب الاكل صح بتاكل بالسرنجه مش عارفه تاكل لوحدها بس عارفه طعم الاكل المش عاجبها بترفضه وتزوق ايدي والعاجبها بتاكله لحد ما رحت للدكتور الساعه عشره صبح بعد ما فطرت فوجئت وانا بطلعها من بوكس مش قادره تقف على رجلها بتقع ودكتور يقيس حرارتها قالي الحراره 35 روحي القطه بتموت لاقيتها بترتعش عيطت من منظر فوجئت جريت على دكتوره ثانيه حطتها في جهاز تدفئه وعطتها محاليل تحت جلد والقطه ادفت وفاقت بعد ساعتيين وعطتني المحاليل الهعطيها لها وجريت على بيت دفيتها على سريري تحت بطانيه وكل ساعه اعطيها المحلول واخدها في حضني ادفيها وبعد ما خلصت نسبة المحاليل شربتها لبن بعسل وكانت بتشرب معايا وعطتها محلول جفاف والله كانت فاقت بس مكنتش قادره تقف على رجلها وعلى ساعه 8بليل لاقيتها بتبصلي جامد وسمعت حشرجة الموت في خمس دقايق ماتت في حضني وعينها عليه مش قادره بجد انساها حاسه اني مفتقداها كانت اطيب قط عندي ومهما حصلها كانت حموله جدا يارب يعوضني عنها خير ويصبرني لان بجد افتقدها مش عارفه ادخل اوضي بفتكرها كانت بتنام جنبي على سرير وشيلت كل حاجتها من الاوضه والادويه والسرنجات علشين اعرف انساها بجد هتوحشيني قوي يا هانم عشرة اربع سنين في كل مكان معايا وفي سفر عمرها ما بعدت عني بس ارادة ربنا اقوى حبيت افضفض معاكم لاني حزينه جدا وحاسه بخنقه

[الخبيرة ناديا]

لاحول ولاقوه الا بالله
والله يكون بعونك ياجبيبتي
لأكن نصيحه مني واتمنى تعملي بيها
ابتعدي عن اي نوع من علاجات الخافضه للحراره
الخاصة بالأطفال
لانها خطره على القطط وتؤدي الى الموت
ولا تستخدمي اي علاج لقططك بدون علم او درايه
لان القطط حساسه جداً من هاذه الناحيه

[هانم4]

سؤال للخبيره ناديا
تفتكري انا ليه سبب في وفاة القطه بسبب النوفالجيين انا لما لاقيت الحراره مرتفعه جدا وجالسه في بانيو جبت النوفالجيين من هنا من الصيدليه البيطريه الموجوه في منتدى ده انا خايفه اكون السبب في موتها انا زعلانه جدا عليها كانت احب قطه لقلبي ومكنتش عارفه عملت ايه والله رحت لاطباء بيطريين كثير ومحدش عرف حاجه وفي الاخر يقولوا القرحات الفي اللسان بسبب المضاد الحيوي الكثير طيب ما كل دكتور بيوصف دوا شكل ومش عارفيين يحددوا الحاله ايه لان في بدايه مكنش فيه ترجيع ولا اسهال
انا شكه ان فيه جنين متوفي في بطنها وده سبب التسمم الحصل للقطه انا كنت بمسك حاجه مدوره بايدي كده وكانت بتتحرك وبعد السونار افوجئ دكتور يقولي الكله طب ازاي كليه هتتحرك كده حتى لو ضعيفه
تعبت بجد الفراق صعب جدا يارب يصبرني بجد تعبانه وبهرب من غرفتي علشين اقدر انسى شكلها اسبوعيين لم تفارق غرفتي وكمان لما كانت بتجوع مانت بطلع لسانها وتدخله وتبصلي كده بتقولي جعانه واجري ائكلها كانت قطه حنينه جدا ومطيعه وطيبه بشكل رهيب ربنا يرحمها ويصبرني يا رب

[الخبيرة ناديا]

قطتك ماتت لاسباب كثيره

انا اسفه لاكن اسمحيلي اقولك رايي بماانك طلبتي ..

في بدايه مرض القطه كنت متابعه حالتها معاكي اول باول ..

كان عندها سلس بولي وكانت تحتاج الى علاج فوري بالمضادات الحيويه القويه عن طريق الابر

والانتظام عليها لمده لاتقل عن الخمس ايام

ولاكن اعطائك لها من فوار كولي يورينال لتطهير مجرى البول

والخاص بالانسان وماينفع القطط

انتكست حالتها واصبحت في حاله تسمم وذلك بتغير لون لسانها وخروجه خارج فمها

واعطائك لها خافض للحراره نوفالجين وهو ممتاز ومافيه اي خوف لاكن ....القطه كان عندها انخفاظ في

الحراره وذلك بعد الكشف عليها واخذ قياس حرارتها عند البيطري وكانت 35 درجه

لان انخفاض الحراره او ارتفاعها بيؤدي للموت السريع

وباعطائك لها مخفض للحراره وهي اساسا عندها انخفاض ..انتكست حالتها اكثر واكثر

وقطتك كانت الكلى عندها منتفخه بسبب الالتهاب ..

وهي اللي كنتي بتحسيها كانها كور كبيره ببطنها

لان مكان الكلي قريب من رحم القطه ..

الموت قضاء وقدر

ولاكن في المرات القادمه احذري من اعطائها ادويه بدون معرفه او تكون خاصه بالانسان

وكمان ارتفاع وانخفاض الحراره في القطط لابد من قياسه بشكل صحيح لمعرفه الدرجه واعطائها العلاج المناسب

الله يعوض عليكي يارب

[امال شاعر]

لا حول ولا قوةالا بالله

الله يصبرك الفراق صعب وان شاء الله ربي يعوضك

انا الاولى بيسو لمن ماتت هي والكتين ال3 في يوم واحد كنت حتجنن بسبب فايروس لعين

والحمد لله مامرة سنه الا وعندي اربعه قطط وحده ولدي جبلي هيا هديه والثاني لقيته وربيته عند الباب

والثالثه جاتني هديه من باب الله والرابعه بنت بيسو الله يحفظهم لي

اللهم لك الحمد ربي عوضني باربعه قطط

[هانم4]

مشكور لرايك الخبيره ناديا
بس انا لما عطتها النوفالجين درجة حرارتها كانت عاليه جدا وكانت قعده في بانيو وجبت الاسم من صيدليه البيطريه هنا وبعدها باربع ساعات درجة الحراره انخفضت فجاه ووصلت 35
اما بالنسبه لفوار الاملاح انا عطتها منه مرتيين بس ووقفته والله فورا اول ما حذرتيني منه
وبالنسبه لعلاج السلس بابر مضاد حيوي للاسف الدكتور عطاني ابر جيرميسين 1سم كل 12ساعه بس ولم يعطيني اي شئ اخر
انا فعلا شكه انها ماتت بسبب الادويه الكثيره خصوصا ان دكتور عطاني لبوس للاطفال كان خافض للحراره ومضاد للالتهابات وكانت كويسه الثلاث ايام الخدته فيها اما في بداية اليوم الرابع درجة الحراره رجعت ترتفع مره ثانيه خالص لدرجة دخلت البانيو فاعطتها النوفالجين
انا زعلانه جدا وحاسه بتانيب الضمير رغم ان والله عملت معاها كثير ورحت لثلاث دكاتره وللمستشفى البيطريه عندنا في بلد جنبنا وانتظمت جدا في العلاج

مشكوره لردك يا امال بجد انا عندي غيرها اربع قطط ثلاث ولاد وبنت زوج هانم التوفت وولادها بس هانم كانت قطه مميزه عندي جدا وكنت بعشقها لطيبتها وحنيتها المحزني جدا انها ماتت الساعه 8بليل والساعه 9 الصبح في نفس اليوم كانت زي الفل ومطلعه لسانها طلبه الاكل واكلت بالسرنجه فجاه الساعه 11 الظهر وانا في مستشفى لاقيتها في قادره تقف وبتموت ولكن فيه دكتور ربنا يجازيها كل خير لحقتها بالجلوكوز تحت الجلد وجهاز التدفئه وروحت بيها كانت كويسه صح مكنتش قادره تقف على رجلها بس اكلت بالسرنجه ولسانها كان بيلعب وكملت المحاليل معاها ومحلول جفاف ونامت جمبي وفجاه ماتت انا بجد زعلانه وضميري مانبني يارب صبرني

[شاهستا]

ربنا يعوضك خير هآنم انتى عملتى الى عليكى لكن دة قضاء ربنا

والحمدلله انها ارتاحت من العذاب الى كانت فيه

وان شاء الله يكون عندك قطه جميله تانيه